2022 ਦੀਆਂ ਚੋਣਾਂ ਵਿਚ ਇਸ ਵਾਰ ਕਰੜੀ ਟੱਕਰ!
ਪੰਜਾਬ ਵਿਚ 20 ਫਰਵਰੀ ਨੂੰ ਹੋਣ ਜਾ ਰਹੀਆਂ ਨੇ 16ਵੀਂ ਵਿਧਾਨ ਸਭਾ ਦੀਆਂ ਚੋਣਾਂ
ਚੰਡੀਗੜ੍ਹ - ਪੰਜਾਬ ਦੀ 16ਵੀਂ ਵਿਧਾਨ ਸਭਾ ਦੀਆਂ ਚੋਣਾਂ ਹੋਣ ਜਾ ਰਹੀਆਂ ਹਨ। ਜਿਸ ਵਿੱਚ ਗਠਜੋੜ ਅਤੇ ਸਿਆਸੀ ਸਮੀਕਰਨ ਬਦਲੇ ਜਾਣ ਕਾਰਨ ਸੂਬੇ ਦੇ ਕਰੀਬ 20 ਫੀਸਦੀ ਜੱਟ ਸਿੱਖ ਸ਼ੱਕ ਦੇ ਘੇਰੇ ਵਿਚ ਹਨ। ਇਸ ਵਾਰ ਸਿੱਖ ਆਗੂ ਚਾਰ ਮੋਰਚਿਆਂ ਵਿਚ ਵੰਡੇ ਹੋਏ ਹਨ। ਪਹਿਲਾਂ ਕੈਪਟਨ ਅਮਰਿੰਦਰ, ਜੋ ਭਾਜਪਾ ਨਾਲ ਹਨ। ਦੂਜਾ, ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ, ਜਿਹਨਾਂ ਦਾ ਗਠਜੋੜ 25 ਸਾਲਾਂ ਬਾਅਦ ਭਾਜਪਾ ਨਾਲੋਂ ਟੁੱਟਿਆ ਹੈ। ਤੀਜਾ ਫਰੰਟ 'ਆਪ' ਦੇ ਭਗਵੰਤ ਮਾਨ ਅਤੇ ਚੌਥਾ ਨਵਜੋਤ ਸਿੰਘ ਸਿੱਧੂ ਹੈ।
ਇਸ ਦੇ ਨਾਲ ਹੀ ਕਿਸਾਨ ਪਾਰਟੀ ਵੱਲੋਂ ਚੋਣ ਮੈਦਾਨ ਵਿਚ ਉਤਰਨ ਨਾਲ ਜੱਟ ਸਿੱਖ ਵੋਟਰ ਵੀ ਵੰਡੇ ਜਾ ਸਕਦੇ ਹਨ। ਇਸ ਕਾਰਨ ਕਈ ਜੱਟ ਸਿੱਖ ਯੂਨੀਅਨਾਂ ਵੀ ਕਿਸਾਨ ਅੰਦੋਲਨ ਨਾਲ ਜੁੜੀਆਂ ਹੋਈਆਂ ਹਨ। ਕਾਂਗਰਸ ਨੇ SC ਸਿੱਖ ਚਰਨਜੀਤ ਸਿੰਘ ਚੰਨੀ ਨੂੰ ਮੁੱਖ ਮੰਤਰੀ ਬਣਾ ਕੇ 23 ਫੀਸਦੀ SC ਸਿੱਖ ਵੋਟਰਾਂ ਦੇ ਨਾਲ-ਨਾਲ 20 ਫੀਸਦੀ ਜੱਟ ਸਿੱਖਾਂ 'ਚ ਵੀ ਸੇਧ ਲਾਉਣ ਦੀ ਕੋਸ਼ਿਸ਼ ਕੀਤੀ ਹੈ।
ਜੇਕਰ ਸੂਬੇ ਦੇ ਧਾਰਮਿਕ ਵੋਟਰਾਂ ਦੀ ਗੱਲ ਕਰੀਏ ਤਾਂ ਸਿੱਖਾਂ ਦੀ ਗਿਣਤੀ ਸਭ ਤੋਂ ਵੱਧ 55 ਫੀਸਦੀ (1.25 ਕਰੋੜ) ਹੈ। 20 ਫੀਸਦੀ ਜੱਟ ਸਿੱਖਾਂ ਤੋਂ ਇਲਾਵਾ 23 ਫੀਸਦੀ ਮਜ੍ਹਬੀ, ਰਾਮਦਾਸੀਆ, ਰਵਿਦਾਸੀਆ ਅਤੇ ਵਾਲਮੀਕੀ ਸਿੱਖ ਸ਼ਾਮਲ ਹਨ। 12 ਫੀਸਦੀ ਅਰੋੜਾ, ਖੱਤਰੀ ਅਤੇ ਹੋਰ ਵੀ ਹਨ। ਇਨ੍ਹਾਂ ਦਾ 78 ਸੀਟਾਂ 'ਤੇ ਸਿੱਧਾ ਪ੍ਰਭਾਵ ਹੈ, ਜਿਨ੍ਹਾਂ 'ਚੋਂ 44 'ਤੇ ਜੱਟ ਸਿੱਖਾਂ ਦਾ ਅਤੇ 34 'ਤੇ ਐੱਸ.ਸੀ ਸਿੱਖਾਂ ਦਾ ਪ੍ਰਭਾਵ ਹੈ।
ਦੂਜੇ ਪਾਸੇ 82 ਲੱਖ ਹਿੰਦੂ ਵੋਟਰ ਵੀ 37 ਸੀਟਾਂ 'ਤੇ ਇਕਪਾਸੜ ਦਖਲ ਦਿੰਦੇ ਹਨ। ਉਂਝ ਹਿੰਦੂ ਵੋਟਰ ਵੀ ਕਿਸਾਨ ਅੰਦੋਲਨ ਵਿਚ ਬਹੁਤੇ ਸਰਗਰਮ ਨਹੀਂ ਸਨ ਅਤੇ ਉਨ੍ਹਾਂ ਦੇ ਪ੍ਰਭਾਵ ਹੇਠਲਾ ਖੇਤਰ ਪਿਛਲੀਆਂ ਚੋਣਾਂ ਵਿੱਚ ਭਾਜਪਾ ਦਾ ਦਬਦਬਾ ਰਿਹਾ ਹੈ। ਇਸ ਵਾਰ ਮਾਮਲਾ ਬਦਲ ਗਿਆ ਹੈ, ਜੱਟ ਸਿੱਖ ਵੋਟਰ ਇਸ ਗੱਲ ਨੂੰ ਲੈ ਕੇ ਸ਼ੱਕ ਵਿਚ ਹਨ ਕਿ ਵੋਟ ਕਿਸ ਨੂੰ ਪਾਉਣੀ ਹੈ।
ਪੰਜਾਬ 2022 ਦੀਆਂ ਚੋਣਾਂ ਵਿਚ ਸੀਟਾਂ ਦੀ ਵੰਡ
ਜ਼ਿਲ੍ਹਾ ਸੀਟਾਂ ਹਿੰਦੂ ਸਿੱਖ
ਅੰਮ੍ਰਿਤਸਰ 11 4 7
ਪਠਾਨਕੋਟ 3 3 0
ਹੁਸ਼ਿਆਰਪੁਰ 7 3 4
ਤਰਨਤਾਰਨ 4 0 4
ਜਲੰਧਰ 9 3 6
ਲੁਧਿਆਣਾ 14 4 10
ਬਠਿੰਡਾ 6 1 5
ਫਾਜ਼ਿਲਕਾ 4 3 1
ਫਰੀਦਕੋਟ 3 0 3
ਗੁਰਦਾਪੁਰ 7 2 5
ਸੰਗਰੂਰ 5 1 4
ਬਰਨਾਲਾ 3 1 2
ਮੋਗਾ 4 1 3
ਫਿਰੋਜ਼ਪੁਰ 4 1 3
ਫ਼ਤਿਹਗੜ੍ਹ 3 1 2
ਕਪੂਰਥਲਾ 4 2 2
ਨਵਾਂ ਸ਼ਹਿਰ 3 2 1
ਰੋਪੜ 3 1 2
ਮੁਕਤਸਰ 4 0 4
ਪਟਿਆਲਾ 8 3 5
ਮਾਨਸਾ 3 1 2
ਮਲੇਰਕੋਟਲਾ 2 0 0
ਮੁਹਾਲੀ 3 0 3
ਕੁੱਲ 117 37 78
ਮਲੇਰਕੋਟਲਾ ਵਿਚ 2 ਹੀ ਵਿਧਾਨ ਸਭਾ ਸੀਟਾਂ ਹਨ ਤੇ ਦੋਨੋਂ ਸੀਟਾਂ 'ਤੇ ਹੀ ਮੁਸਲਿਮ ਉਮੀਦਵਾਰ ਹਨ।
ਪੰਜਾਬ 2022 ਵਿਧਾਨ ਸਭਾ ਚੋਣਾਂ
ਕਿਸ ਧਰਮ ਦੇ ਕਿੰਨੇ ਵੋਟਰ
ਧਰਮ ਅਬਾਦੀ
ਹਿੰਦੂ 1,17,39,545
ਸਿੱਖ 1,75,95,627
ਮੁਸਲਮਾਨ 5,88,717
ਇਸਾਈ 3,82,844
ਬੁੱਧ 36,541
ਜੈਨ 49,517
ਹੋਰ 1,08,236
ਸਿੱਖ 1.25 ਕਰੋੜ
ਹਿੰਦੂ 82 ਲੱਖ
ਹੋਰ 6 ਲੱਖ