ਕਿਸਾਨ ਦੇ ਸਕੂਟਰ 'ਚੋਂ ਲੁਟੇਰਿਆਂ ਨੇ ਪੁਲਿਸ ਸਟੇਸ਼ਨ ਦੇ ਸਾਹਮਣੇ ਕੀਤੀ ਵੱਡੀ ਚੋਰੀ 

4 lakh cash stolen from farmer's scootar in Faridkot

ਸੂਬੇ 'ਚ ਆਏ ਦਿਨ ਚੋਰੀ, ਲੁੱਟਾ-ਖੋਹਾਂ ਦੇ ਅਪਰਾਧਕ ਵਾਰਦਾਤਾਂ ਵਧਦੀਆਂ ਜਾ ਰਹੀ ਹਨ। ਅਜਿਹਾ ਹੀ ਮਾਮਲਾ ਫ਼ਰੀਦਕੋਟ ਤੋਂ ਸਾਹਮਣੇ ਆਇਆ ਹੈ ਜਿਥੇ ਲੁਟੇਰੇ ਦਿਨ-ਦਿਹਾੜੇ ਸਕੂਟਰ 'ਚੋਂ 4 ਲੱਖ ਰੁਪਏ ਲੁੱਟ ਕੇ ਰਫ਼ੂ ਚੱਕਰ ਹੋ ਗਏ। ਹੈਰਾਨੀ ਦੀ ਗੱਲ ਇਥੇ ਇਹ ਹੈ ਕਿ ਲੁਟੇਰਿਆਂ ਵਲੋਂ ਇਸ ਵਾਰਦਾਤ ਨੂੰ ਅੰਜਾਮ ਪੁਲਿਸ ਸਟੇਸ਼ਨ ਦੇ ਬਿਲਕੁਲ ਸਾਹਮਣੇ ਦਿਤਾ ਗਿਆ ਹੈ। ਸਕੂਟਰ ਦਾ ਮਾਲਕ ਇੱਕ ਕਿਸਾਨ ਹੈ ਅਤੇ ਇਹ ਪੈਸੇ ਸਕੂਟਰ ਦੀ ਡਿੱਗੀ 'ਚੋ ਚੋਰੀ ਹੋਏ ਹਨ।  

ਮਿਲੀ ਜਾਣਕਾਰੀ ਅਨੁਸਾਰ ਸਾਹਮਣੇ ਆਇਆ ਕਿ ਕਿਸਾਨ ਮਲਕੀਤ ਸਿੰਘ ਆਪਣੇ ਆੜਤੀਏ ਦੁਆਰਾ ਉਸ ਦੇ ਖਾਤੇ ਵਿਚ ਪਾਏ ਗਏ ਚਾਰ ਲੱਖ ਰੁਪਏ ਕਢਵਾਉਣ ਏਕਸਿਸ ਬੈਂਕ ਗਿਆ ਸੀ ਅਤੇ ਉਸਨੇ ਇਹ ਪੈਸੇ ਆਪਣੀ ਜ਼ਮੀਨ ਦੇ ਠੇਕੇ ਦੇ ਦੇਣੇ ਸਨ। ਕਿਸਾਨ ਨੇ ਬੈਂਕ ‘ਚੋ ਪੈਸੇ ਕਢਵਾ ਕੇ ਆਪਣੇ ਸਕੂਟਰ ਦੀ ਡਿੱਗੀ ਵਿਚ ਰੱਖੇ ਤੇ ਉਹ ਉਥੋਂ ਚਲਾ ਗਿਆ ਅਤੇ ਰਸਤੇ ਕੁਝ ਕੰਮ ਲਈ ਰੁਕਿਆ।

ਦਸ ਦਈਏ ਕਿ ਚੋਰ ਕਿਸਾਨ ਦਾ ਪਿੱਛਾ ਕਰ ਰਹੇ ਸੀ ਜੋ ਕਿ ਮੋਟਰਸਾਈਕਲ 'ਤੇ ਸਵਾਰ ਸਨ। ਜਦੋ ਹੀ ਕਿਸਾਨ ਨੂੰ ਸਕੂਟਰ ਦੀ ਡਿੱਗੀ ਟੁੱਟਣ ਦਾ ਪਤਾ ਲੱਗਿਆ ਅਤੇ ਜਿਵੇਂ ਹੀ ਕਿਸਾਨ ਦੀ ਨਜ਼ਰ ਉਨ੍ਹਾਂ ਉੱਤੇ ਪਈ ਤਾਂ ਕਿਸਾਨ ਨੇ ਉਨ੍ਹਾਂ ਦੇ ਪਿੱਛਾ ਵੀ ਕੀਤਾ ਪਰ ਚੋਰ ਫ਼ਰਾਰ ਹੋਣ 'ਚ ਕਾਮਯਾਬ ਹੋ ਗਏ। 

ਸੀਸੀਟੀਵੀ ਕੈਮਰਿਆਂ ਵਿੱਚ ਲੁਟੇਰਿਆਂ ਦੀ ਬੈਂਕ ਤੋਂ ਉਸਦਾ ਪਿੱਛਾ ਕਰਨ ਦੀ ਅਤੇ ਭੱਜਣ ਦੀਆਂ ਤਸਵੀਰਾਂ ਕੈਦ ਹੋਈਆਂ ਹਨ, ਜਿਸ ਦੇ ਆਧਾਰ 'ਤੇ ਪੁਲਿਸ ਨੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਇਸ ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਡੀਐਸਪੀ ਜਸਤਿੰਦਰ ਸਿੰਘ ਨੇ ਦਸਿਆ ਕਿ ਪੁਲਿਸ ਵਲੋਂ ਸੀਸੀਟੀਵੀ ਕੈਮਰੇ ਦੀ ਫੁਟੇਜ ਨੂੰ ਧਿਆਨ 'ਚ ਰੱਖ ਕੇ ਚੋਰਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।