Ludhiana Baby Missing News: ਲੁਧਿਆਣਾ 'ਚ ਸੱਤ ਮਹੀਨਿਆਂ ਦੀ ਬੱਚੀ ਲਾਪਤਾ, ਮਾਪਿਆਂ ਨੇ ਮਦਦ ਦੀ ਲਗਾਈ ਗੁਹਾਰ
Ludhiana Baby Missing News: ਸ਼ਿਕਾਇਤ ਮਿਲਣ ਤੋਂ ਬਾਅਦ ਪੁਲਿਸ ਨੇ ਬੱਚੀ ਦੀ ਭਾਲ ਕੀਤੀ ਸ਼ੁਰੂ
Ludhiana baby missing News : ਲੁਧਿਆਣਾ ਦੇ ਨਿਊ ਕਰਤਾਰ ਨਗਰ ਇਲਾਕੇ ਤੋਂ ਇੱਕ ਅਣਪਛਾਤੇ ਵਿਅਕਤੀ ਨੇ 7 ਮਹੀਨੇ ਦੀ ਬੱਚੀ ਨੂੰ ਅਗਵਾ ਕਰ ਲਿਆ। ਬੱਚੀ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ। ਇਹ ਘਟਨਾ ਬੀਤੀ ਰਾਤ 12 ਵਜੇ ਤੋਂ ਬਾਅਦ ਵਾਪਰੀ। ਬੱਚੀ ਆਪਣੀ ਮਾਂ ਨਾਲ ਬਿਸਤਰੇ 'ਤੇ ਸੁੱਤੀ ਪਈ ਸੀ।
ਅੱਜ ਸਵੇਰੇ ਲਗਭਗ 3:30 ਵਜੇ, ਜਦੋਂ ਘਰ ਦੀ ਵੱਡੀ ਧੀ ਪੀਹੂ ਬਿਸਤਰੇ ਤੋਂ ਡਿੱਗੀ ਤਾਂ ਉਹ ਰੋਣ ਲੱਗ ਪਈ। ਰੋਣ ਦੀ ਆਵਾਜ਼ ਸੁਣ ਕੇ, ਮਾਂ ਮੀਤ ਕੌਰ ਜਾਗ ਪਈ ਅਤੇ ਦੇਖਿਆ ਕਿ ਉਸ ਦੀ ਧੀ ਅਰੂਹੀ ਬਿਸਤਰੇ 'ਤੇ ਨਹੀਂ ਸੀ। ਉਸ ਨੇ ਤੁਰੰਤ ਪਰਿਵਾਰ ਦੇ ਬਾਕੀ ਮੈਂਬਰਾਂ ਨੂੰ ਇਸ ਬਾਰੇ ਦੱਸਿਆ। ਸਾਰੇ ਪਰਿਵਾਰਕ ਮੈਂਬਰਾਂ ਨੇ ਬੱਚੀ ਦੀ ਬਹੁਤ ਭਾਲ ਕੀਤੀ, ਪਰ ਉਹ ਨਹੀਂ ਮਿਲੀ। ਇਲਾਕੇ 'ਚ ਲੱਗੇ ਸੀਸੀਟੀਵੀ ਕੈਮਰਿਆਂ ਵਿੱਚ 3 ਲੋਕ ਕੁਝ ਬਾਲਟੀਆਂ ਚੁੱਕਦੇ ਦਿਖਾਈ ਦਿੱਤੇ। ਜਿਸ ਦੀ ਫੁਟੇਜ ਪੁਲਿਸ ਕੋਲ ਹੈ। ਪੁਲਿਸ ਜਾਂਚ ਕਰ ਰਹੀ ਹੈ।
ਜਾਣਕਾਰੀ ਦਿੰਦੇ ਹੋਏ ਲੜਕੀ ਦੇ ਪਿਤਾ ਗੁਰਪ੍ਰੀਤ ਨੇ ਦੱਸਿਆ ਕਿ ਉਸ ਦਾ ਹੋਟਲ ਦਾ ਕਾਰੋਬਾਰ ਹੈ। ਉਹ ਕੱਲ੍ਹ ਦੁਪਹਿਰ ਆਪਣੇ ਸਾਥੀ ਨਾਲ ਜ਼ੀਰਕਪੁਰ ਦੇ ਹੋਟਲ ਗਿਆ ਸੀ। ਉਹ ਰਾਤ 12 ਵਜੇ ਤੱਕ ਆਪਣੀ ਪਤਨੀ ਮੀਤ ਨਾਲ ਫ਼ੋਨ 'ਤੇ ਗੱਲਬਾਤ ਕਰਦਾ ਰਿਹਾ। ਰਾਤ 12 ਵਜੇ ਤੋਂ ਬਾਅਦ, ਮੀਤ ਆਪਣੀਆਂ ਤਿੰਨ ਧੀਆਂ ਨਾਲ ਕਮਰੇ ਵਿੱਚ ਸੌਣ ਲਈ ਚਲੀ ਗਈ। ਜਦੋਂ ਪਤਨੀ ਨੇ ਵੇਖਿਆ ਤਾਂ ਛੋਟੀ ਧੀ ਬਿਸਤਰੇ 'ਤੇ ਨਹੀਂ ਸੀ। ਸ਼ਿਕਾਇਤ ਮਿਲਣ ਤੋਂ ਬਾਅਦ ਪੁਲਿਸ ਨੇ ਬੱਚੀ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।
"(For more news apart from “Seven-month-old baby girl missing in Ludhiana, ” stay tuned to Rozana Spokesman.)