Patiala News : ਪਿਓ ਨੇ ਆਪਣੀ ਹੀ 17 ਸਾਲਾ ਬੇਟੀ ਨਾਲ ਕੀਤਾ ਰੇਪ, 2 ਸਾਲ ਤੋਂ ਬਣਾ ਰਿਹਾ ਸੀ ਜ਼ਬਰਦਸਤੀ ਸਰੀਰਕ ਸਬੰਧ

father raped his 17-year-old daughter

Patiala News : ਪਟਿਆਲਾ ਸ਼ਹਿਰ ਦੇ ਇੱਕ ਪਿੰਡ ਵਿੱਚ ਇੱਕ 46 ਸਾਲਾ ਵਿਅਕਤੀ ਆਪਣੀ ਹੀ 17 ਸਾਲ ਦੀ ਬੇਟੀ ਨੂੰ ਦੋ ਸਾਲਾਂ ਤੋਂ   ਹਵਸ ਦਾ ਸ਼ਿਕਾਰ ਬਣਾ ਰਿਹਾ ਸੀ। ਪਿਤਾ ਦੀਆਂ ਇਨ੍ਹਾਂ ਹਰਕਤਾਂ ਤੋਂ ਮਾਨਸਿਕ ਤੌਰ 'ਤੇ ਪ੍ਰੇਸ਼ਾਨ ਲੜਕੀ ਨੇ ਜਦੋਂ ਆਪਣੇ ਦਾਦੇ ਅਤੇ ਚਾਚੇ ਤੋਂ ਮਦਦ ਮੰਗੀ ਤਾਂ ਪਿਤਾ ਨੇ ਉਨ੍ਹਾਂ ਨਾਲ ਵੀ ਝਗੜਾ ਕਰ ਲਿਆ।

ਇਸ ਤੋਂ ਬਾਅਦ ਜਦੋਂ ਲੜਕੀ ਇਨਸਾਫ ਲਈ ਥਾਣੇ ਪਹੁੰਚੀ ਤਾਂ ਤ੍ਰਿਪੜੀ ਥਾਣੇ ਦੇ ਐਸਐਚਓ ਨੇ ਲੜਕੀ ਦੇ ਬਿਆਨ ਦਰਜ ਕਰਕੇ ਮੁਲਜ਼ਮ ਪਿਤਾ ਖ਼ਿਲਾਫ਼ ਐਫਆਈਆਰ ਦਰਜ ਕਰਕੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਆਰੋਪੀ ਕ੍ਰਿਪਾਲ ਪਾਸਵਾਨ ਦੀ ਉਮਰ 46 ਸਾਲ ਹੈ, ਜੋ ਤ੍ਰਿਪੜੀ ਥਾਣਾ ਖੇਤਰ ਦੇ ਅਧੀਨ ਆਉਂਦੇ ਇੱਕ ਪਿੰਡ 'ਚ ਕੰਮ ਕਰਦਾ ਸੀ।

 9 ਸਤੰਬਰ ਨੂੰ ਬਲਾਤਕਾਰ ਤੋਂ ਬਾਅਦ ਖੁੱਲਿਆ ਰਾਜ਼

ਲੜਕੀ ਦੇ ਬਿਆਨ ਮੁਤਾਬਕ ਮਾਂ ਦੀ ਮੌਤ ਤੋਂ ਬਾਅਦ ਉਸ ਦੇ ਪਿਤਾ ਕਿਰਪਾਲ ਪਾਸਵਾਨ ਨੇ ਦੂਜਾ ਵਿਆਹ ਕਰਵਾ ਲਿਆ ਸੀ। ਪੀੜਤਾ ਅਤੇ ਉਸਦੇ ਭਰਾ ਤੋਂ ਬਾਅਦ ਹੁਣ ਉਸਦੇ ਪਿਤਾ ਦੇ ਦੂਜੇ ਵਿਆਹ ਤੋਂ ਇੱਕ ਹੋਰ ਭਰਾ ਹੈ। ਪਰਿਵਾਰ ਵਿੱਚ ਪੰਜ ਲੋਕ ਰਹਿੰਦੇ ਹਨ ਪਰ ਇਸ ਦੇ ਬਾਵਜੂਦ ਹਵਸ 'ਚ ਅੰਨ੍ਹੇ ਕਿਰਪਾਲ ਪਾਸਵਾਨ ਨੇ ਦੋ ਸਾਲ ਪਹਿਲਾਂ ਆਪਣੀ ਹੀ ਧੀ ਨਾਲ ਬਲਾਤਕਾਰ ਕੀਤਾ ਸੀ। ਨਾਬਾਲਗ ਧੀ ਦੋ ਸਾਲਾਂ ਤੋਂ ਆਪਣੇ ਪਿਤਾ ਦੀ ਦਰਿੰਦਗੀ ਦਾ ਸ਼ਿਕਾਰ ਹੋ ਰਹੀ ਸੀ ਅਤੇ 9 ਸਤੰਬਰ ਨੂੰ ਵੀ ਆਰੋਪੀ ਨੇ ਪੀੜਤਾ ਨਾਲ ਬਲਾਤਕਾਰ ਕੀਤਾ।

ਆਰੋਪੀ ਨੂੰ ਗ੍ਰਿਫ਼ਤਾਰ ਕਰ ਲਿਆ -ਐਸ.ਐਚ.ਓ

ਜਦੋਂ ਲੜਕੀ ਨੇ ਆਪਣੇ ਦਾਦਾ ਅਤੇ ਚਾਚੇ ਨੂੰ ਸੱਚਾਈ ਦੱਸੀ ਤਾਂ ਉਨ੍ਹਾਂ ਨੇ ਕਿਰਪਾਲ ਪਾਸਵਾਨ ਨਾਲ ਗੱਲ ਕਰਨੀ ਚਾਹੀ। ਕਿਰਪਾਲ ਨੇ ਆਪਣੀ ਗਲਤੀ ਮੰਨਣ ਦੀ ਬਜਾਏ ਇਨ੍ਹਾਂ ਲੋਕਾਂ ਨਾਲ ਝਗੜਾ ਕੀਤਾ ਅਤੇ ਥਾਣੇ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਸੀ। ਤ੍ਰਿਪੜੀ ਥਾਣੇ ਦੇ ਐਸਐਚਓ ਪ੍ਰਦੀਪ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਲੜਕੀ ਦਾ ਮੈਡੀਕਲ ਕਰਵਾਇਆ ਜਾ ਰਿਹਾ ਹੈ।