ਪੰਜਾਬ ਦੀ ਹੋਣਹਾਰ ਧੀ ਕੈਨੇਡਾ ’ਚ ਬਣੀ ਪੁਲਿਸ ਅਫ਼ਸਰ
ਰੋਇਲ ਕੈਨੇਡੀਅਨ ਮਾਂਊਟਡ ਪੁਲਿਸ ਵਿਚ ਅਫ਼ਸਰ ਦਾ ਮਾਣਮੱਤਾ ਅਹੁਦਾ ਮਿਲਿਆ ਹੈ।
Jaspreet kaur
ਬਾਘਾ ਪੁਰਾਣਾ: ਪਿੰਡ ਆਲਮ ਵਾਲਾ ਕਲਾਂ ਦੀ ਹੋਣਹਾਰ ਧੀ ਜਸਪ੍ਰੀਤ ਕੌਰ ਪੁੱਤਰੀ ਰਸ਼ਪਾਲ ਸਿੰਘ (ਸਾਬਕਾ ਸਰਪੰਚ) ਨੇ ਅਪਣੀ ਕਾਬਲੀਅਤ ਦੇ ਆਧਾਰ ਉਪਰ ਕੈਨੇਡਾ ਵਿਚ ਪੁਲਿਸ ਅਫ਼ਸਰ ਦਾ ਅਹੁਦਾ ਪ੍ਰਾਪਤ ਕੀਤਾ ਹੈ।
ਜਸਪ੍ਰੀਤ ਕੌਰ ਜੋ 10 ਵਰ੍ਹੇ ਪਹਿਲਾਂ ਕੈਨੇਡਾ ਗਈ ਸੀ ਨੇ ਪੁਲਿਸ ਵਿਭਾਗ ਨਾਲ ਸਬੰਧਤ ਚਾਰ ਸਾਲ ਦੀ ਡਿਗਰੀ ਤੋਂ ਇਲਾਵਾ ਡੇਢ-ਡੇ ਸਾਲ ਦੇ ਦੋ ਡਿਪਲੋਮੇ ਵੀ ਕੀਤੇ ਸਨ ਜਦਕਿ ਉਸ ਨੇ ਵਲੰਟੀਅਰ ਤੌਰ ’ਤੇ ਵੀ ਕਈ ਸਾਲ ਪੁਲਿਸ ਵਿਚ ਸੇਵਾ ਨਿਭਾਈ।
ਜਸਪ੍ਰੀਤ ਕੌਰ ਨੇ ਹੁਣ ਰੋਇਲ ਕੈਨੇਡੀਅਨ ਮਾਂਊਟਡ ਪੁਲਿਸ ਵਿਚ ਅਫ਼ਸਰ ਦਾ ਮਾਣਮੱਤਾ ਅਹੁਦਾ ਮਿਲਿਆ ਹੈ। ਜਸਪ੍ਰੀਤ ਕੌਰ ਦੀ ਇਸ ਵੱਡੀ ਪ੍ਰਾਪਤੀ ਲਈ ਪਿੰਡ ਆਲਮਵਾਲਾ ਕਲਾਂ ਵਿਚ ਖ਼ੁਸ਼ੀ ਦੀ ਲਹਿਰ ਹੈ। ਪਰਵਾਰ ਨੂੰ ਪਿੰਡ ਅਤੇ ਆਸ ਪਾਸ ਦੇ ਲੋਕਾਂ ਵਲੋਂ ਲਗਾਤਾਰ ਵਧਾਈਆਂ ਮਿਲ ਰਹੀਆਂ ਹਨ।