Sabrimala Mandir

ਤਿਰੂਵਨੰਤਪੂਰਮ (ਪੀਟੀਆਈ) : ਕੇਰਲ ਦੇ ਪ੍ਰਸਿੱਧ ਸਬਰੀਮਾਲਾ ਮੰਦਰ ਵਿਚ ਔਰਤਾਂ ਦੇ ਅੰਦਰ ਦਾਖ਼ਲ ਨੂੰ ਲੈ ਕੇ ਹੋ ਰਹੇ ਵਿਰੋਧ, ਘਟਣ ਦਾ ਨਾਮ ਨਹੀਂ ਲੈ ਰਿਹਾ ਹੈ। ਸੁਪਰੀਮ ਕੋਰਟ ਦੇ ਆਦੇਸ਼ ਦੇ ਬਾਵਜੂਦ ਬੁਧਵਾਰ ਨੂੰ ਔਰਤਾਂ ਮੰਦਰ ਤਕ ਨਹੀਂ ਪਹੁੰਚ ਸਕੀਆਂ। ਹੁਣ ਸਬਰੀਮਾਲਾ ਸੁਰੱਖਿਆ ਕਮੇਟੀ ਨੇ ਵੀਰਵਾਰ ਨੂੰ 12 ਘੰਟੇ ਰਾਜ ਪੱਧਰ ਬੰਦ ਕਰਨ ਦਾ ਐਲਾਨ ਕੀਤਾ ਹੈ। ਬੀਜੇਪੀ, ਅੰਤਰਰਾਸ਼ਟਰੀ ਹਿੰਦੂ ਪਰਿਸ਼ਦ ਅਤੇ ਹੋਰ ਸਥਾਨਿਕ ਸੰਗਠਨਾਂ ਨੇ ਇਸ ਬੰਦ ਨੂੰ ਅਪਣਾ ਸਮਰਥਨ ਦਿੱਤਾ ਹੈ। ਇਹ ਬੰਦ ਸ਼ਰਧਾਲੂਆਂ ਦੇ ਖ਼ਿਲਾਫ਼ ਪੁਲਿਸ ਕਾਰਵਾਈ ਦੇ ਵਿਰੋਧ ਵਿਚ ਬੁਲਾਇਆ ਗਿਆ ਹੈ।

ਉਥੇ, ਕਾਂਗਰਸ ਨੇ ਕਿਹਾ ਹੈ ਕਿ ਉਹ ਇਸ ਬੰਦ ਵਿਚ ਸ਼ਾਮਲ ਤਾਂ ਨਹੀਂ ਹੋਵੇਗੀ ਪਰ ਪੂਰੇ ਰਾਜ ਵਿਚ ਵਿਰੋਧ ਪ੍ਰਦਰਸ਼ਨ ਕਰੇਗੀ। ਪ੍ਰਦੇਸ਼ ਦੇ ਨੀਲ ਕਮਲ , ਪੰਪਾ, ਇਲਵਾਕੁਲਮ, ਸਨਿਧਨਮ ‘ਚ ਧਾਰਾ 144 ਲਾਗੂ ਕਰ ਦਿੱਤੀ ਗਈ ਹੈ। ਇਸ ਖੇਤਰ ਵਿਚ ਇਕੱਠੇ ਚਾਰ ਤੋਂ ਜ਼ਿਆਦਾ ਲੋਕ ਜਮ੍ਹਾਂ ਨਹੀਂ ਹੋ ਸਕਦੇ ਹਨ। ਕੇਰਲ ਬੀਜੇਪੀ ਦੇ ਨਾਤਾ ਸ੍ਰੀਧਰਨ ਪਿਲਈ ਨੇ ਮੀਡੀਆ ਨੂੰ ਕਿਹਾ ਕਿ ਭਗਵਾਨ ਅਯੱਪਾ ਦੇ ਭਗਤਾਂ ਉਤੇ ਪੁਲਿਸ ਲਾਠੀਚਾਰਜ਼ ਦੇ ਖ਼ਿਲਾਫ਼ ਉਹਨਾਂ ਨੇ ਪਾਰਟੀ ਕਰਮਚਾਰੀਆਂ ਨਾਲ ਇਸ ਬੰਦ ਵਿਚ ਸ਼ਾਮਲ ਹੋਣ ਦੀ ਅਪੀਲ ਕੀਤੀ ਹੈ।

ਵਿਜਯਨ ਸਰਕਾਰ ਦੀ ਤੀਖੀ ਆਲੋਚਨਾ ਕਰਦੇ ਹੋਏ ਉਹਨਾਂ  ਨੇ ਕਿਹਾ ਕਿ ਸ਼ਰਧਾਲੂਆਂ ਉਤੇ ਲਾਠੀਚਾਰਜ਼ ਨੂੰ ਕਿਸੇ ਵੀ ਤਰੀਕੇ ਨਾਲ ਜ਼ਾਇਜ਼ ਨਹੀਂ ਕਿਹਾ ਜਾ ਸਕਦਾ ਹੈ। ਸਬਰੀਮਾਲਾ ਪ੍ਰੋਟੈਕਸ਼ਨ ਕਮੇਟੀ ਦੇ ਬੰਦ ਦਾ ਐਲਾਨ ਅਤੇ ਸਿਆਸੀ ਦਲਾਂ ਵੱਲੋਂ ਮਿੰਲ ਰਹੇ ਸਮਰਥਨ ਨੇ ਸਥਾਨਿਕ ਪ੍ਰਸ਼ਾਸ਼ਨ ਦੀ ਮਸ਼ਕਿਲਾਂ ਵਧਾ ਦਿਤੀਆਂ ਹਨ। ਹੁਣ ਵੀ ਮੰਦਰ ਕੰਪਲੈਕਸ ਤੋਂ ਬਾਹਰ ਤਣਾਅ ਦਾ ਮਾਹੌਲ ਬਣਿਆ ਹੋਇਆ ਹੈ। ਬੁਧਵਾਰ ਨੂੰ ਕਈਂ ਔਰਤਾਂ ਨੂੰ ਭਗਵਾਨ ਅਯੱਪਾ ਦੇ ਦਰਸ਼ਨ ਕੀਤੇ ਬਿਨ੍ਹਾ ਹੀ ਮੋੜ ਦਿਤਾ ਗਿਆ ਸੀ। ਇਥੇ ਪ੍ਰਦਰਸ਼ਨਕਾਰੀਆਂ ਅਤੇ ਪੁਲਿਸ ਬਲਾਂ ਦੇ ਵਿਚ ਹਿੰਸਕ ਝੜਪਾਂ ਹੋਈਆਂ ਸੀ।

ਪ੍ਰਦਰਸ਼ਨਕਾਰੀਆਂ ਦੇ ਗੁੱਸੇ ਦਾ ਸਾਹਮਣਾ ਕੁਢ ਔਰਤਾਂ ਪੱਤਰਕਾਰਾਂ ਨੂੰ ਵੀ ਕਰਨਾ ਪਿਆ। ਉਹਨਾਂ ਦੇ ਵਾਹਨਾਂ ਉਤੇ ਵੀ ਹਮਲੇ ਕੀਤੇ ਗਏ ਸੀ। ਸੀਨੀਅਰ ਮੰਤਰੀ ਈਪੀ ਜੈਰਾਜਨ ਨੇ ਦੱਸਿਆ ਕਿ ਹਿੰਸਕ ਪ੍ਰਦਰਸ਼ਨ ਵਿਚ 10 ਮੀਡੀਆ ਕਰਮਚਾਰੀਆਂ ਦੇ ਜ਼ਖ਼ਮੀ ਅਤੇ ਉਹਨਾਂ ਦੇ ਸਮਾਨ ਨੂੰ ਵੀ ਨੁਕਸਾਨ ਪਹੁੰਚਾਇਆ ਗਿਆ। ਮੀਡੀਆ ਉਤੇ ਹੋਏ ਹਮਲੇ ਦੀ ਨਿੰਦਿਆ ਕਰਦੇ ਹੋਇ ਉਹਨਾਂ ਨੇ ਕਿਹਾ ਕਿ ਸੰਬੰਧਿਤ ਧਾਰਾਵਾਂ ਦੇ ਤਹਿਤ ਦੋਸ਼ੀਆਂ ਦੇ ਖ਼ਿਲਾਫ਼ ਮਾਮਲਾ ਦਰਜ਼ ਕੀਤਾ ਗਿਆ ਹੈ।