ਰਾਜਪੁਰਾ 'ਚ ਵਰਲਪੂਲ ਦੇ ਗੁਦਾਮ ਨੂੰ ਲੱਗੀ ਅੱਗ, ਲੱਖਾਂ ਦਾ ਸਮਾਨ ਸੜ ਕੇ ਸੁਆਹ 

Rajpura Fire At Whirlpool Warehouse Millions Of Goods Burnt

ਰਾਜਪੁਰਾ - ਰਾਜਪੁਰਾ ਦੇ ਨਾਲ ਲੱਗਦੇ ਕਸਬਾ ਬਨੂੰੜ ਵਿਚ ਵਰਲਪੂਲ ਦੇ ਗੁਦਾਮ ਵਿਚ ਦੇਰ ਰਾਤ ਅੱਗ ਲੱਗਣ ਕਾਰਨ ਉਸ ਵਿਚ ਪਿਆ ਲੱਖਾਂ ਰੁਪਏ ਦਾ ਸਮਾਨ ਸੜ ਕੇ ਸਵਾਹ ਹੋ ਗਿਆ। ਦੇਰ ਰਾਤ ਤੋਂ ਲੱਗੀ ਅੱਗ ਨੂੰ ਬੁਝਾਉਣ ਲਈ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਰਾਜਪੁਰਾ, ਡੇਰਾਬੱਸੀ, ਲਾਲੜੂ ਤੋਂ ਆਈਆਂ ਅਤੇ ਕ ਘੰਟਿਆਂ ਬਾਅਦ ਅੱਗ 'ਤੇ ਕਾਬੂ ਪਾਇਆ ਗਿਆ।  

ਇਸ ਵਿੱਚ ਵਰਲਪੂਲ ਕੰਪਨੀ ਤੋਂ ਤਿਆਰ ਕੀਤਾ ਸਾਮਾਨ ਰੱਖਿਆ ਹੋਇਆ ਸੀ। ਫਾਇਰ ਬ੍ਰਿਗੇਡ ਗੱਡੀਆਂ ਨੂੰ ਪਾਣੀ ਦੀ ਵੀ ਕਿੱਲਤ ਆਈ ਤੇ ਦੋ ਕਿਲੋਮੀਟਰ ਦੂਰ ਸ਼ਰਾਬ ਫੈਕਟਰੀ ਵਿੱਚੋਂ ਪਾਣੀ ਹਾਸਲ ਕਰਨਾ ਪਿਆ। ਅੱਗ ਦੀਆਂ ਉੱਚੀਆਂ ਲਾਟਾਂ ਅਤੇ ਅੱਗ ਨਾਲ ਫਰਿੱਜ, ਏਸੀ, ਆਰਓ ਅਤੇ ਮਸ਼ੀਨਾਂ ਦੇ ਸੜਨ ਦੇ ਧਮਾਕੇ ਕਈ ਕਿਲੋਮੀਟਰ ਤੱਕ ਸੁਣਾਈ ਦਿੱਤੇ।

ਸ਼ਹਿਰ ਵਾਸੀ ਅਤੇ ਪਿੰਡਾਂ ਦੇ ਵੱਡੀ ਗਿਣਤੀ ਵਿਚ ਵਸਨੀਕ ਮੌਕੇ ਤੇ ਇਕੱਤਰ ਹੋ ਗਏ। ਅੱਗ ਕਾਰਨ ਮੁਢਲੇ ਅਨੁਮਾਨ ਅਨੁਸਾਰ ਦਸ ਕਰੋੜ ਤੋਂ ਵੱਧ ਦਾ ਸਾਮਾਨ ਸੜ ਗਿਆ। ਅੱਗ ਨਾਲ ਗੋਦਾਮ ਵੀ ਸੜਕੇ ਸੁਆਹ ਹੋ ਗਿਆ। ਗੋਦਾਮ ਦੇ ਮਾਲਕਾਂ ਵੱਲੋਂ ਪਾਣੀ ਤੇ ਅੱਗ ਬੁਝਾਊ ਯੰਤਰਾਂ ਸਬੰਧੀ ਖਾਮੀਆਂ ਵੀ ਸਾਹਮਣੇ ਆਈਆਂ।