ਕਾਰ 'ਚ ਕੋਕੀਨ ਲੈ ਕੇ ਜਾ ਰਹੀ ਯੂਥ ਭਾਜਪਾ ਦੀ ਆਗੂ ਗਿ੍ਫ਼ਤਾਰ

ਕੋਲਕਾਤਾ, 19 ਫ਼ਰਵਰੀ: ਭਾਜਪਾ ਆਗੂ ਪਾਮੇਲਾ ਗੋਸਵਾਮੀ ਨੂੰ  ਸ਼ੁਕਰਵਾਰ ਨੂੰ  ਪੁਲਿਸ ਨੇ ਗਿ੍ਫ਼ਤਾਰ ਕਰ ਲਿਆ | ਉਹ ਅਪਣੀ ਕਾਰ ਅੰਦਰ ਕੋਕੀਨ ਲੈ ਕੇ ਜਾ ਰਹੀ ਸੀ | ਪੁਲਿਸ ਨੇ ਉਸ ਦੇ ਦੋਸਤ ਪ੍ਰਬੀਰ ਕੁਮਾਰ ਡੇ ਨੂੰ  ਵੀ ਨਿਊ ਅਲੀਪੁਰ ਇਲਾਕੇ ਵਿਚ ਐੱਨ.ਆਰ. ਅਵੈਨਿਊ ਤੋਂ ਗਿ੍ਫ਼ਤਾਰ ਕੀਤਾ ਹੈ |
ਭਾਜਪਾ ਯੂਥ ਮੋਰਚਾ ਦੀ ਸੁਪਰਵਾਈਜ਼ਰ ਅਤੇ ਹੁਗਲੀ ਜ਼ਿਲ੍ਹੇ ਦੀ ਜਨਰਲ ਸਕੱਤਰ ਪਾਮੇਲਾ ਗੋਸਵਾਮੀ ਨੂੰ  ਕੋਲਕਾਤਾ ਦੇ ਨਿਊ ਅਲੀਪੁਰ ਤੋਂ ਕਈ ਲੱਖ ਰੁਪਏ ਦੀ ਕੋਕੀਨ ਨਾਲ ਗਿ੍ਫ਼ਤਾਰ ਕੀਤਾ | ਬੀਬੀ ਆਗੂ ਦੀ ਕਾਰ ਵਿਚ ਵੱਡੀ ਮਾਤਰਾ ਵਿਚ ਗ਼ੈਰ-ਕਾਨੂੰਨੀ ਡਰੱਗਜ਼ ਮਿਲਿਆ ਸੀ | ਭਾਜਪਾ ਨੇਤਾ ਨੂੰ  ਨਿਊ ਅਲੀਪੁਰ ਤੋਂ ਗਿ੍ਫ਼ਤਾਰ ਕੀਤਾ ਹੈ | ਪੁਲਿਸ ਪੂਰੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ | (ਏਜੰਸੀ)