ਨਵਜੋਤ ਸਿੱਧੂ ਦੀ AK47 ਵਾਂਗ ਚਲਦੀ ਹੈ ਜ਼ੁਬਾਨ-ਰਾਣਾ ਗੁਰਜੀਤ

Rana Gurjeet verbally attacks Navjot Sidhu

 

ਮੁਹਾਲੀ:  ਰਾਣਾ ਗੁਰਜੀਤ ਨੇ ਨਵਜੋਤ ਸਿੱਧੂ 'ਤੇ ਤਿੱਖਾ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਕਿਹਾ ਕਿ ਮੈਨੂੰ ਸ਼ੱਕ ਹੈ ਕਿ ਸਿੱਧੂ ਭਾਜਪਾ ਦਾ ਬੰਦਾ ਹੈ ਜਿਸ ਨੇ ਕਾਂਗਰਸ ਪਾਰਟੀ ਨੂੰ ਬਰਬਾਦ ਕਰ ਦਿੱਤਾ। ਸਿੱਧੂ ਦੀ ਬਦੌਲਤ ਕਾਂਗਰਸ ਪੰਜਾਬ ਚੋਣਾਂ ਹਾਰ ਗਈ। ਹੁਣ ਮੈਨੂੰ ਇਹ ਸ਼ੱਕ ਹੈ ਕਿ ਸਿੱਧੂ ਬਾਅਦ ਵਿਚ ਭਾਜਪਾ ਵਿਚ ਸ਼ਾਮਲ ਨਾ ਹੋ ਜਾਣ। ਉਨ੍ਹਾਂ ਨੇ ਜੋ ਕਰਨਾ ਸੀ ਉਹ ਕਰ ਲਿਆ। 

 

 

ਸਾਬਕਾ ਮੰਤਰੀ ਰਾਣਾ ਗੁਰਜੀਤ ਨੇ ਕਿਹਾ ਕਿ ਮੈਨੂੰ ਨਵਜੋਤ ਸਿੱਧੂ ਦੀ ਸਜ਼ਾ ਪਿੱਛੇ ਮਨਜਿੰਦਰ ਸਿਰਸਾ ਦਾ ਹੱਥ ਹੋਣ ਦਾ ਸ਼ੱਕ ਹੈ। ਹੋ ਸਕਦਾ ਹੈ ਸਿੱਧੂ ਨੂੰ ਮਾਫੀ ਮਿਲ ਜਾਵੇ ਜਾਂ ਫਿਰ ਨਾ ਮਿਲੇ। ਇਹ ਸਿੱਧੂ ਨੂੰ ਭਾਜਪਾ ਵਿੱਚ ਸ਼ਾਮਲ ਕਰਨ ਦੀ ਸਿਰਸਾ ਦੀ ਚਾਲ ਹੋ ਸਕਦੀ ਹੈ।

ਰਾਣਾ ਗੁਰਜੀਤ ਨੇ ਕਿਹਾ ਕਿ ਸਿੱਧੂ ਦੀ ਜ਼ੁਬਾਨ AK47 ਵਾਂਗ ਚਲਦੀ ਹੈ। ਉਹਨਾਂ ਨੂੰ ਪਤਾ ਹੀ ਨਹੀਂ ਲੱਗਦਾ ਕਿ ਬੋਲ ਕੀ ਰਹੇ ਹਨ। ਬਾਅਦ ਵਿਚ ਠੋਕੋ ਤਾਲੀ ਕਹਿ ਦਿੰਦੇ ਹਨ। ਰਾਣਾ ਗੁਰਜੀਤ ਨੇ ਕਿਹਾ ਕਿ ਮੈਂ ਪਹਿਲਾ ਪ੍ਰਧਾਨ ਦੇਖਿਆ, ਜਿਸ ਨੇ 116 ਸੀਟਾਂ 'ਤੇ ਪ੍ਰਚਾਰ ਨਹੀਂ ਕੀਤਾ। ਆਪਣੀ ਸੀਟ ਤੱਕ ਹੀ ਸੀਮਤ ਰਿਹਾ। ਸਿੱਧੂ ਚਰਨਜੀਤ ਚੰਨੀ ਖਿਲਾਫ ਬੋਲਦਾ ਰਿਹਾ। ਸਿੱਧੂ ਉਹ ਵਿਅਕਤੀ ਸੀ ਜਿਸਨੇ ਰਾਜਾਂ ਦੀ ਸਫਾਈ ਕਰਨੀ ਸੀ। ਹਾਲਾਂਕਿ, ਸਿੱਧੂ ਜਿਨ੍ਹਾਂ ਨੂੰ ਹਰਾਉਣਾ ਚਾਹੁੰਦਾ ਸੀ, ਉਹ ਜਿੱਤ ਗਏ।