ਸਕੂਲੋਂ ਵਾਪਸ ਪਰਤ ਰਹੀ ਅਧਿਆਪਿਕਾ ਨਾਲ ਵਾਪਰਿਆ ਦਰਦਨਾਕ ਹਾਦਸਾ, ਗਈ ਜਾਨ

 ਮੋਗਾ: ਮੋਗਾ ਦੇ ਧਰਮਕੋਟ ਮੋਗਾ ਰੋਡ 'ਤੇ ਭਿਆਨਕ ਸੜਕ ਹਾਦਸਾ ਵਾਪਰ ਗਿਆ। ਇਥੇ ਸਕੂਲੋਂ ਵਾਪਸ ਪਰਤ ਰਹੀਆਂ ਦੋ ਅਧਿਆਪਕਾਂ ਦੀ ਐਕਟਿਵਾ ਕਿਸੇ ਅਣਪਛਾਤੇ ਵਾਹਨ ਨਾਲ ਟਕਰਾ ਗਈ।

ਇਸ ਹਾਦਸੇ ਵਿਚ ਇਕ ਅਧਿਆਪਿਕਾ ਦੀ ਮੌਤ ਹੋ ਗਈ ਜਦਕਿ ਇਕ ਅਧਿਆਪਿਕਾ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਈ। ਮ੍ਰਿਤਕ ਅਧਿਆਪਿਕਾ ਦੀ ਪਹਿਚਾਣ ਜਸਪ੍ਰੀਤ ਕੌਰ ਜਦੋਂਕਿ ਜਖਮੀ ਅਧਿਆਪਿਕਾ ਦੀ ਪਹਿਚਾਣ ਦਰਸ਼ਨਪਾਲ ਕੌਰ ਵਜੋਂ ਹੋਈ ਹੈ।

ਦੱਸਣਯੋਗ ਹੈ ਕਿ ਮ੍ਰਿਤਕ ਜਸਪ੍ਰੀਤ ਕੌਰ ਨੇ ਅਜੇ ਦਸ ਦਿਨ ਪਹਿਲਾਂ ਹੀ ਸਕੂਲ ਵਿਚ ਬਤੌਰ ਅਧਿਆਪਿਕਾ ਜੁਆਇਨ ਕੀਤਾ ਸੀ। ਘਟਨਾ ਦਾ ਪਤਾ ਚੱਲਦਿਆਂ ਹੀ ਵੱਡੀ ਗਿਣਤੀ ਵਿਚ ਟੀਚਰ ਸਿਵਲ ਹਸਪਤਾਲ ਮੋਗਾ ਪੁੱਜੇ। ਇਸ ਹਾਦਸੇ 'ਤੇ ਗਹਿਰਾ ਦੁੱਖ ਪ੍ਰਗਟ ਕੀਤਾ  ।