ਅੱਜ ਟਾਈਟਲਰ ਦਾ ਜਨਮ ਦਿਨ ਪੂਰੀ ਸ਼ਰਧਾ ਭਾਵਨਾ ਨਾਲ ਮਨਾਵਾਂਗੇ : ਕਰਮਜੀਤ ਸਿੰਘ ਗਿੱਲ

ਅੰਮ੍ਰਿਤਸਰ, 16 ਅਗੱਸਤ (ਸੁਖਵਿੰਦਰਜੀਤ ਸਿੰਘ ਬਹੋੜੂ): ਦਿੱਲੀ ਸਿੱਖ ਕਤਲੇਆਮ ਦੇ ਮੁੱਖ ਦੋਸ਼ੀ ਜਗਦੀਸ਼ ਟਾਈਟਲਰ ਦਾ ਪੋਸਟਰ ਆਜ਼ਾਦੀ ਦਿਵਸ ਮੌਕੇ ਲਾਉਣ ਵਾਲੇ ਕਰਮਜੀਤ ਸਿੰਘ ਗਿੱਲ ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ਅੱਜ 17 ਅਗੱਸਤ ਨੂੰ ਟਾਈਟਲਰ ਦਾ ਜਨਮ ਦਿਨ ਪੂਰੀ ਸ਼ਰਧਾ ਨਾਲ ਮਨਾਉਣਗੇ। 

ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਉਸ ਨੇ ਸਿੱਖ ਜਥੇਬੰਦੀਆਂ 'ਤੇ ਨਿਸ਼ਾਨੇ ਸਾਧਦਿਆਂ ਕਿਹਾ,''ਮੈਂ ਕੋਈ ਚੂੜੀਆਂ ਨਹੀਂ ਪਾਈਆਂ, ਜੇਕਰ ਮੈਨੂੰ ਦਸ ਕੇ ਆਉਂਦੇ ਤਾਂ ਮੈਂ ਉਨ੍ਹਾਂ ਦੀ ਚੁਨੌਤੀ ਦਾ ਮੁਕਾਬਲਾ ਕਰਦਾ, ਪੋਸਟਰ ਲਾਉਣ ਤੋਂ ਰੋਕਣਾ ਸੀ ਭਾਵੇਂ ਨਤੀਜਾ ਕੁੱਝ ਵੀ ਨਿਕਲਦਾ।'' ਕਰਮਜੀਤ ਸਿੰਘ ਗਿੱਲ ਨੇ  ਵਾਰ-ਵਾਰ ਟਾਈਟਲਰ ਮਾਨਯੋਗ ਸ਼ਬਦ ਨਾਲ ਸੰਬੋਧਨ ਕੀਤਾ ਅਤੇ ਸਪੱਸ਼ਟ ਕਰਦੇ ਹੋਏ ਕਿਹਾ ਕਿਸੇ ਵੀ ਅਦਾਲਤ ਨੇ ਉਸ ਨੂੰ ਦੋਸ਼ੀ ਕਰਾਰ ਨਹੀਂ ਦਿਤਾ, ਇਸ ਸਬੰਧੀ ਹੇਠਲੇ ਅਦਾਲਤ ਤੋਂ ਲੈ ਕੇ  ਉਪਰਲੀ ਤਕ ਝਗੜਣਗੇ। ਉਸ ਨੇ ਮੀਡੀਆ ਨੂੰ ਵਿਕਾਊ ਕਰਾਰ ਦਿੰਦਿਆਂ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੀ ਆਨ ਤੇ ਸ਼ਾਨ ਵਿਰੁਧ ਬੋਲਦਿਆਂ ਬੜੇ ਗੁੱਸੇ ਨਾਲ ਕਿਹਾ ਕਿ ਉਸ ਨੂੰ ਸੰਤ ਕਿਉਂ ਆਖਿਆ ਜਾਂਦਾ ਹੈ।

ਸੀ ਬੀ ਆਈ 3 ਵਾਰ ਟਾਈਟਲਰ ਨੂੰ ਕਲੀਨ ਚਿੱਟ ਦੇ ਚੁੱਕੀ ਹੈ। ਸਾਡੀ ਜਾਗਦੀ ਜ਼ਮੀਰ ਹੈ ਤੇ ਪੋਸਟਰ ਪ੍ਰਾਈਵੇਟ ਥਾਂ ਤੇ ਲਾਏ ਸੀ ਜਿਸ ਤੋ  ਉਤਾਰਿਆ ਜਾਣਾ ਗਲਤ ਹੈ। ਕਰਮਜੀਤ ਸਿੰਘ ਨੇ ਟਾਈਟਲਰ ਨੂੰ ਬੇਦਾਗ ਤੇ ਉੱਚੇ ਕੱਦ ਦਾ ਨੇਤਾ ਦੱਸਦਿਆਂ ਕਿਹਾ ਮੈ ਆਪਣੇ ਹਿਮਾਇਤੀਆਂ ਨਾਲ ਕੇਕ ਵੀ ਕੱਟਿਆ ਹੈ ਤੇ ਗੁਰਦਆਰਾ ਸਾਹਿਬ ਅਰਦਾਸ ਵੀ ਕੀਤੀ ਹੈ। ਉਸ ਕਿਹਾ ਕਿ ਮੈਨੂੰ ਕਾਨੂੰਨ ਤੇ ਪੂਰਾ ਭਰੋਸਾ ਹੈ ਜੋ ਵੀ ਪੁਲਿਸ ਕਾਰਵਾਈ ਹੋਵੇਗੀ ਉਸ ਨੂੰ ਵੇਖ ਲਿਆ ਜਾਵੇਗਾ। ਮੈ ਵੀ ਦਸਮ ਪਿਤਾ ਦਾ ਸਿੱਖ ਹਾਂ। ਉਸ ਕਿਹਾ ਕਿ ਪਹਿਲੀ ਵਾਰ ਨਹੀ ਮੈ ਪਹਿਲਾਂ ਵੀ ਮਨਾ ਚੁੱਕਾ ਹਾਂ।  

ਅਸੀ ਜਾਗਦੀ ਜਮੀਰ ਵਾਲੇ ਅਤੇ ਐਸ ਸੀ ਪਰਿਵਾਰ ਨਾਲ ਸਬੰਧਤ ਹਾਂ । ਇਨਾ ਕੋਲ ਕੀ ਪਰੂਫ ਹੈ ਕਿ ਜਗਦੀਸ਼ ਟਾਈਟਲਰ ਨੇ ਸਿੱਖ ਮਾਰੇ ਹਨ। ਡਿਬੇਟ ਚ ਆਉਣ । ਖੁੱਲੇ ਮੈਦਾਨ ਚ ਆਉਣ ,ਸੰਤਭਿੰਡਰਾਂਵਾਲਿਆਂ ਦੀ ਤਸਵੀਰ ਬੈਨ ਕਰਾਂਵਾਗੇ। ਖਾਲਿਸਤਾਨੀਆਂ ਤੇ ਗਰਮ ਖਿਆਲੀਆਂ ਨੂੰ ਚੁਨੌਤੀ ਦਿੱਤੀ ਹੈ। ਗੁਰੂ ਦੀ ਅਰਦਾਸ ਕਰਾਂਗੇ ਅਤੇ ਕਰਦੇ ਰਹਾਂਗੇ। ਦਿੱਲੀ ਚ ਮੇਰੇ ਬੋਰਡ ਲੱਗਦੇ ਹਨ। ਉਸ ਨੇ ਬਰਗਾੜੀ ਕਾਂਡ ਦਾ ਤਾਅਨਾ ਵੀ ਦਿੱਤਾ।  ਉਥੇ ਇਨਾ ਨੇ ਕੀ ਕਰ ਲਿਆ , ਉਸ ਨੇ ਕਾਂਗਰਸੀ ਸਰਕਾਰ ਦੀ ਤਾਰੀਫ ਕਰਦਿਆਂ ਕਿਹਾ 3 ਸਾਲ ਅਹਿਮ ਕੰਮ ਕੀਤੇ ਹਨ। ਗੰਦੇ ਭਾਂਡੇ ਨੂੰ ਸਾਫ ਕਰਨ ਲਈ ਕੁਝ ਸਮਾ ਲੱਗਦਾ ਹੈ।