ਮਨਪ੍ਰੀਤ ਬਾਦਲ ਵਲੋਂ ਚੰਨੀ ਨੂੰ ਮੁੱਖ ਮੰਤਰੀ ਬਣਾਉਣ 'ਚ ਅਹਿਮ ਭੂਮਿਕਾ ਨਿਭਾਉਣ ਦੀ ਚਰਚਾ

ਚੰਡੀਗੜ੍ਹ, 19 ਸਤੰਬਰ (ਭੁੱਲਰ) : ਵਿੱਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਦੀ ਚਰਨਜੀਤ ਸਿੰਘ ਚੰਨੀ ਨੂੰ ਮੁੱਖ ਮੰਤਰੀ ਬਣਾਉਣ ਵਿਚ ਅਹਿਮ ਭੂਮਿਕਾ ਨਿਭਾਏ ਜਾਣ ਦੀ ਚਰਚਾ ਹੈ | ਇਸ ਗੱਲ ਦਾ ਸਬੂਤ ਚਰਨਜੀਤ ਸਿੰਘ ਚੰਨੀ ਦੇ ਨਾਂ ਦੇ ਐਲਾਨ ਮਗਰੋਂ ਦੋਹਾਂ ਵਲੋਂ ਇਕ ਦੂਜੇ ਨਾਲ ਬੜੀ ਹੀ ਗਰਮਜੋਸ਼ੀ ਨਾਲ ਮਿਲਣ ਸਮੇਂ ਹੋਇਆ | ਦੋਵੇਂ ਆਗੂ ਇਕ ਦੂਜੇ ਦੇ ਘਰ ਗਏ ਅਤੇ ਜੱਫੀ ਪਾ ਕੇ ਮਿਲਣ ਸਮੇਂ ਅਥਾਹ ਖ਼ੁਸ਼ੀ ਦਾ ਪ੍ਰਗਟਾਵਾ ਸੱਭ ਕੁੱਝ ਆਪ ਹੀ ਕਹਿ ਰਿਹਾ ਸੀ |