Girl committed suicide

ਤਲਵੰਡੀ ਸਾਬੋਂ: ਤਲਵੰਡੀ ਸਾਬੋਂਦੇ ਪਿੰਡ ਲੇਲੇਵਾਲਾ ਤੋਂ ਇੱਕ ਰਿਸ਼ਤਿਆਂ ਨੂੰ ਤਾਰ ਤਾਰ ਕਾਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਥੇ ਦਹੇਜ ਦੀ ਅੱਗ ਨੇ ਮਾਂ ਬਾਪ ਦੀ ਇੱਕ ਲਾਡਲੀ ਧੀ ਨੂੰ ਆਪਣੀ ਅੱਗ ਵਿਚ ਭਸਮ ਕਰ ਦਿੱਤਾ। ਮ੍ਰਿਤਕ ਦਾ ਨਾਮ ਕਿਰਨਪ੍ਰੀਤ ਕੌਰ ਹੈ ਅਤੇ ਇਹ ਵਿਔਹਤਾ ਲੜਕੀ ਦਹੇਜ ਦੀ ਭੇਂਟ ਚੜ੍ਹ ਗਈ। ਪਰਿਵਾਰ ਵਾਲਿਆਂ ਨੇ ਦੱਸਿਆ ਕਿ ਕਿਰਨਪ੍ਰੀਤ ਕੌਰ ਦਾ ਸਾਢੇ ਕੁ ਤਿੰਨ ਸਾਲ ਪਹਿਲਾਂ ਵਿਆਹ ਕੀਤਾ ਗਿਆ ਸੀ ਅਤੇ ਜਿੰਨਾ ਹੋ ਸਕਿਆ ਵਿਆਹ ਦੇ ਵਿਚ ਦਹੇਜ ਦਿੱਤਾ ਗਿਆ।

ਜਿਸ ਤੋਂ ਸਹੁਰਾ ਪਰਿਵਾਰ ਸੰਤੁਸ਼ਟ ਨਹੀਂ ਹੋਇਆ ਅਤੇ ਹਰ ਰੋਜ਼ ਕਿਰਨ ਅਗੇ ਨਵੀਂ ਨਵੀਂ ਫ਼ਰਮਾਇਸ਼ ਰੱਖੀ ਜਾਣ ਲੱਗੀ ਪਰ ਡਿਮਾਂਡ ਪੂਰੀ ਨਾ ਹੋਣ ਕਾਰਨ ਕਿਰਨ ਨੂੰ ਪਰੇਸ਼ਾਨ ਤਾਂ ਕੀਤਾ ਹੀ ਜਾਂਦਾ ਸੀ। ਕੁੜੀ ਦੇ ਪਰਵਾਰ ਵਾਲਿਆਂ ਨੇ ਦਸਿਆ ਕਿ ਉਸ ਨੂੰ ਵਿਆਹ ਤੋਂ ਮਗਰੋਂ ਨਿਤ ਤੰਗ, ਪਰੇਸ਼ਾਨ ਕੀਤਾ ਜਾਣ ਲੱਗਿਆ। ਉਹਨਾਂ ਨੂੰ ਸਹੁਰਿਆਂ ਦੇ ਗੁਆਂਢੀਆਂ ਨੇ ਫੋਨ ਕਰ ਕੇ ਦਸਿਆ ਸੀ ਕਿ ਉਹਨਾਂ ਦੀ ਲੜਕੀ ਨੇ ਖੁਦਕੁਸ਼ੀ ਕਰ ਲਈ ਹੈ।

ਪਰ ਇਸ ਦੀ ਜਾਣਕਾਰੀ ਉਸ ਦੇ ਸਹੁਰੇ ਪਰਵਾਰ ਨੇ ਨਹੀਂ ਸੀ ਦਿੱਤੀ। ਹੁਣ ਉਸ ਨਾਲ ਕੁੱਟਮਾਰ ਵੀ ਸ਼ੁਰੂ ਹੋ ਗਈ ਸੀ ਜਿਸ ਤੋਂ ਤੰਗ ਆ ਕੇ ਕਿਰਨ ਨੇ ਫਾਹਾ ਲੈ ਕੇ ਆਪਣੀ ਜ਼ਿੰਦਗੀ ਖਤਮ ਕਰ ਲਈ। ਉਧਰ ਪੁਲਿਸ ਸੂਚਨਾ ਮਿਲਣ ਤੇ ਪਹੁੰਚੀ ਤਾਂ ਲਾਸ਼ ਨੂੰ ਕਬਜ਼ਾ ਲੈ ਲਿਆ ਗਿਆ। ਪੁਲਿਸ ਨੇ ਮ੍ਰਿਤਕ ਦੇ ਪਰਿਵਾਰ ਦੇ ਬਿਆਨ ਦੇ ਅਧਾਰ ਤੇ ਬਣਦੀ ਕਾਰਵਾਈ ਕਰਨ ਦਾ ਭਰੋਸਾ ਜਤਾਇਆ ਹੈ।

ਪਰ ਉਹਨਾਂ ਨੂੰ ਸਾਰਾ ਦਿਨ ਹੋ ਗਿਆ ਹੈ ਥਾਣੇ ਵਿਚ ਬੈਠਿਆਂ ਨੂੰ ਪਰ ਪੁਲਿਸ ਨੇ ਅਜੇ ਤਕ ਕੋਈ ਕਾਰਵਾਈ ਨਹੀਂ ਕੀਤੀ। ਦੱਸ ਦਈਏ ਕਿ ਮ੍ਰਿਤਕ ਲੜਕੀ ਆਪਣੇ ਪਿਛੇ ਆਪਣਾ ਇੱਕ ਦੋ ਸਾਲ ਦਾ ਬੱਚਾ ਛੱਡ ਗਈ। ਜਿਸ ਨੂੰ ਹੁਣ ਸਾਰੀ ਉਮਰ ਮਾਂ ਦਾ ਪਿਆਰ ਅਤੇ ਮਮਤਾ ਨਹੀਂ ਮਿਲੇਗੀ ਕਿਉਂਕਿ ਦਾਜ ਦੇ ਲੋਭੀਆਂ ਨੇ ਉਸ ਬੱਚੇ ਕੋਲੋਂ ਉਸ ਦੀ ਮਾਂ ਨੂੰ ਖੋਹ ਲਿਆ ਹੈ।