file photo

ਜਲੰਧਰ : ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਸਕੀਮ ਵਿਚ  ਸ਼ਾਮਿਲ ਐਸ.ਸੀ. / ਐਸ.ਟੀ. ਵਿਦਿਆਰਥੀ ਤੋਂ ਨਿੱਜੀ ਕਾਲਜ ਪ੍ਰਬੰਧਕਾਂ ਦੁਆਰਾ ਜ਼ਬਰਦਸਤੀ ਫੀਸਾਂ ਦੀ ਮੰਗ ਕਰਨ ਦੇ ਵਿਰੋਧ ਵਿੱਚ ਵਿਦਿਆਰਥੀ ਇੰਨਸਾਫ਼  ਮੋਰਚਾ ਨੇ ਡਿਪਟੀ ਕਮਿਸ਼ਨਰ ਦਫ਼ਤਰ ਅੱਗੇ ਰੋਸ ਪ੍ਰਦਰਸ਼ਨ ਕੀਤਾ। ਇਸ ਦੌਰਾਨ ਪ੍ਰਦਰਸ਼ਨਕਾਰੀਆਂ ਵਿੱਚ ਜਸਵੀਰ ਸਿੰਘ ਬੱਗਾ, ਸਾਜਨ, ਹਰੀਸ਼, ਹਰਸ਼ਦੀਪ, ਰਣਜੀਤ, ਬਲਰਾਜ ਕੁਮਾਰ, ਸਾਗਰ ਸੁਮਨ, ਪ੍ਰਕਾਸ਼ ਕੋਟਲੀ, ਰੋਹਿਤ ਜੱਸਲ

ਅਤੇ ਹੋਰਨਾਂ ਨੇ ਦੱਸਿਆ ਕਿ ਉਨ੍ਹਾਂ ਨੇ ਕੇਂਦਰ ਸਰਕਾਰ ਵੱਲੋਂ ਚਲਾਈ ਜਾ ਰਹੀ ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਸਕੀਮ ਤਹਿਤ ਸਰਕਾਰ ਦੇ ਪੋਰਟਲ ਤੇ  ਆਨਲਾਈਲ ਅਪਲਾਈ ਕੀਤਾ ਗਿਆ ਪਰ ਇਸ ਦੇ ਬਾਵਜੂਦ, ਕਾਲਜ ਪ੍ਰਬੰਧਕ ਫੀਸਾਂ ਦੀ ਵਸੂਲੀ ਦੇ ਨਾਂਅ 'ਤੇ ਦਲਿਤ ਵਿਦਿਆਰਥੀਆਂ' ਤੇ ਅੱਤਿਆਚਾਰ ਕਰ ਰਹੇ ਹਨ

ਅਤੇ ਫੀਸਾਂ ਦੀ ਅਦਾਇਗੀ ਨਾ ਕੀਤੇ ਜਾਣ ਦੀ ਸਥਿਤੀ ਵਿਚ  ਵਿਦਿਆਰਥੀਆਂ' ਦਾ ਭਵਿੱਖ ਵਿਗਾੜਣ ਦੀ ਧਮਕੀ ਦੇ ਰਹੇ ਹਨ ਅਤੇ ਹੁਣ ਵਿਦਿਆਰਥੀਆਂ ਦੀ ਕਲਾਸ ਵਿਚ ਹਾਜ਼ਰੀ ਵੀ ਰੋਕ ਦਿੱਤੀ ਗਈ ਹੈ।ਪ੍ਰਦਰਸ਼ਨਕਾਰੀਆਂ ਨੇ ਦੱਸਿਆ ਕਿ ਕਾਲਜ ਮੈਨੇਜਰ ਕਹਿੰਦੇ ਹਨ ਕਿ ਉਨ੍ਹਾਂ ਨੂੰ ਕਲਾਸਾਂ ਵਿੱਚ ਬੈਠਣ ਦੀ ਆਗਿਆ ਨਹੀਂ ਦਿੱਤੀ ਜਾਂਦੀ ਜਦੋਂ ਤੱਕ ਉਹ ਫੀਸ ਅਦਾ ਨਹੀਂ ਕਰਦੇ।

 ਇਸ ਦੌਰਾਨ ਉਨ੍ਹਾਂ ਐਸਡੀਐਮ -1 ਡਾ ਜੈਇੰਦਰ ਸਿੰਘ ਨੂੰ ਮੰਗ ਪੱਤਰ ਸੌਂਪਿਆ ਅਤੇ ਕਿਹਾ ਕਿ ਇਸ ਸਕੀਮ ਨੂੰ ਉਸਦੇ ਆਉਣ ਵਾਲੇ ਘਾਟੇ ਦੇ ਮੱਦੇਨਜ਼ਰ ਪੂਰੀ ਤਰ੍ਹਾਂ ਲਾਗੂ ਕੀਤਾ ਜਾਣਾ ਚਾਹੀਦਾ ਹੈ ਤਾਂ ਜੋ ਸਾਡੀ ਪੜ੍ਹਾਈ ਨਿਰਵਿਘਨ ਜਾਰੀ ਰਹੇ। ਪ੍ਰਦਰਸ਼ਨਕਾਰੀਆਂ ਨੇ ਕਿਹਾ ਕਿ ਜੇਕਰ ਉਨ੍ਹਾਂ ਦੀਆਂ ਮੰਗਾਂ ਜਲਦੀ ਨਾ ਮੰਨੀਆਂ ਗਈਆਂ ਤਾਂ ਉਹ ਆਪਣਾ ਸੰਘਰਸ਼ ਤੇਜ਼ ਕਰਨਗੇ।