ਭਾਰਤ ਭੂਸ਼ਣ ਆਸ਼ੂ ਨੂੰ ਬੇਅੰਤ ਸਿੰਘ ਨੇ ਦਿਤੀ ਸੀ ਸਿਆਸਤ ਦੀ ਗੁੜ੍ਹਤੀ

90 ਦੇ ਦਹਾਕੇ ਵਿਚ ਸਾਬਕਾ ਮਰਹੂਮ ਮੁੱਖ ਮੰਤਰੀ ਬੇਅੰਤ ਸਿੰਘ ਤੋਂ ਸਿਆਸਤ ਦੀ ਗੁੜ੍ਹਤੀ ਲੈ ਕੇ ਰਾਜਨੀਤੀ ਵਿਚ ਆਏ ਆਮ ਕਿਸਾਨ ਦੇ ਸਪੁੱਤਰ ਭਾਰਤ ਭੂਸ਼ਨ ਆਸ਼ੂ ਦੇ ਮੰਤਰੀ ਬਣਨ ਦੀ ਖ਼ਬਰ ਜਿਉਂ ਹੀ ਮਹਾਨਗਰ ਆਈ ਤਾਂ ਜਿਸ ਪਾਰਕ ਵਿਚ ਕਰੀਬ 29 ਸਾਲ ਪਹਿਲਾਂ ਆਸ਼ੂ ਨੇ ਯੂਥ ਕਾਂਗਰਸ ਤੋਂ ਰਾਜਨੀਤੀ ਸ਼ੁਰੂ ਕੀਤੀ ਸੀ, ਉਸੇ ਪਾਰਕ ਵਿਚ ਜਸ਼ਨ ਦਾ ਮਾਹੌਲ ਬਣ ਗਿਆ। 

ਉਨ੍ਹਾਂ ਦਾ ਜਨਮ 1971 ਵਿਚ ਹੋਇਆ ਸੀ। ਪਾਰਟੀ ਨੇ 1997 ਵਿਚ ਆਸ਼ੂ ਨੂੰ ਕੌਂਸਲਰ ਦੀ ਟਿਕਟ ਦਿਤੀ ਸੀ। 2012 ਤਕ ਕੌਂਸਲਰ ਰਹਿਣ ਵਾਲੇ ਆਸ਼ੂ ਨੂੰ ਪਾਰਟੀ ਹਾਈ ਕਮਾਡ ਨੇ ਵਿਧਾਇਕ ਦੀ ਟਿਕਟ ਦਿਤੀ। ਇਸ ਵਾਰ ਦੂਜੀ ਵਾਰ ਜਿੱਤ ਦਰਜ ਕਰਨ ਵਾਲੇ ਆਸ਼ੂ ਨੂੰ ਵਜ਼ਾਰਤ ਵਿਚ ਥਾਂ ਮਿਲੀ ਹੈ। ਰਾਹੁਲ ਗਾਂਧੀ ਦੀ ਸਿਫ਼ਾਰਸ਼ 'ਤੇ ਪਹਿਲੀ ਵਾਰ 2012 ਵਿਚ ਉਨ੍ਹਾਂ ਨੂੰ ਵਿਧਾਨ ਸਭਾ ਦੀ ਟਿਕਟ ਦਿਤੀ ਗਈ ਸੀ। ਉਹ ਈਮਾਨਦਾਰੀ, ਲੋਕ ਸੇਵਾ ਅਤੇ ਸਾਦਗੀ ਲਈ ਜਾਣੇ ਜਾਂਦੇ ਹਨ।