ਕੋਰੋਨਾ ਆਫ਼ਤ : ਲਾਹੌਰ 'ਚ ਹਿੰਦੂਆਂ ਅਤੇ ਸਿੱਖਾਂ ਦੇ ਧਾਰਮਕ ਅਸਥਾਨਾਂ ਦੀ ਮੁਰੰਮਤਦਾ ਕੰਮਦੁਬਾਰਾਸ਼ੁਰੂ

ਇਸਲਾਮਾਬਾਦ, 20 ਜੂਨ : ਚੱਕਵਾਲ 'ਚ, ਕਟਾਸ ਰਾਜ ਵਿਚ ਹਿੰਦੂਆਂ ਦੇ ਬਹੁਤ ਸਾਰੇ ਮੰਦਰ ਹਨ | ਕਟਾਸ ਰਾਜ ਕੰਪਲੈਕਸ ਦੀ ਵਿਵਸਥਾ ਦਾ ਪ੍ਰਬੰਧ ਮਈ ਮਹੀਨੇ ਵਿਚ ਮਹਿਕਮਾ ਆਸਰੇ-ਏ-ਕਾਦੀਮਾਂ ਦੁਆਰਾ ਮਟਰੂਕਾ ਵਕਫ ਇਮਲਾਕ ਬੋਰਡ ਨੂੰ  ਸੌਂਪਿਆ ਗਿਆ ਸੀ, ਜਿਸ ਤੋਂ ਬਾਅਦ ਇਥੇ ਵਖ ਵਖ ਥਾਵਾਂ ਦੀ ਬਹਾਲੀ ਦਾ ਕੰਮ ਤੇਜ਼ੀ ਨਾਲ ਮੁਕੰਮਲ ਕੀਤਾ ਜਾ ਰਿਹਾ ਹੈ | ਮਟਰੂਕਾ ਵਕਫ਼ ਇਮਲਾਕ ਬੋਰਡ ਦੇ ਡਿਪਟੀ ਸੈਕਟਰੀ ਸਯਦ ਫ਼ਰਾਜ਼ ਅੱਬਾਸ ਨੇ ਦਸਿਆ ਕਿ ਵਸੀਹ ਖੇਤਰ ਵਿਚ ਫੈਲੇ ਮੰਦਰਾਂ ਨੂੰ  ਸਾਫ਼ ਕਰ ਦਿਤਾ ਗਿਆ ਹੈ ਅਤੇ ਇਥੇ ਉੱਗੀਆਂ ਝਾੜੀਆਂ ਨੂੰ  ਵੱਢ ਦਿਤਾ ਗਿਆ ਹੈ | ਹਿੰਦੂ ਮਾਨਤਾਵਾਂ ਅਨੁਸਾਰ ਮੰਦਰਾਂ ਵਿਚ ਵੱਖ ਵੱਖ ਮੂਰਤੀਆਂ ਰਖੀਆਂ ਗਈਆਂ ਹਨ |

ਸਿਆਲਕੋਟ ਦੀ ਤਹਿਸੀਲ ਡਸਕਾ ਦੇ ਫ਼ਤਹਿ ਭਿੰਡਰ ਵਿਚ ਸਿੱਖਾਂ ਦੇ ਬਾਨੀ ਬਾਬਾ ਗੁਰੂ ਨਾਨਕ ਦੇਵ ਜੀ ਨਾਲ ਜੁੜੇ ਗੁਰਦੁਆਰਾ ਨਾਨਕਸਰ ਦੀ ਬਹਾਲੀ ਅਤੇ ਰਿਹਾਇਸ਼ ਲਈ ਸਿੱਖ ਸੰਗਤਾਂ ਦੇ ਹਵਾਲੇ ਕਰਨ ਦਾ ਫ਼ੈਸਲਾ ਕੀਤਾ ਗਿਆ ਹੈ | ਸਹਾਇਕ ਕਮਿਸ਼ਨਰ ਡਸਕਾ ਬਿਲਾਲ ਬਿਨ ਅਬਦੁੱਲ ਲਤੀਫ਼ ਨੇ ਦਸਿਆ ਕਿ ਸਿੱਖਾਂ ਦਾ ਇਹ ਮਸਲਾ ਗੁਰਦੁਆਰਾ ਬਹਾਲੀ ਅਤੇ ਰਿਹਾਇਸ਼ ਦਾ ਪ੍ਰਬੰਧ ਕਰਨ ਦੀ ਸ਼ੁਰੂਆਤ ਕਰ ਰਿਹਾ ਹੈ, ਗੁਰਦੁਆਰਾ ਸਾਹਿਬ ਦੀ ਇਮਾਰਤ ਨੂੰ  ਬਹੁਤ ਨੁਕਸਾਨ ਹੋਇਆ ਹੈ | ਅਸੀਂ ਇਸ ਗੱਲ ਦਾ ਨੋਟਿਸ ਲਿਆ ਹੈ, ਹੁਣ ਸਿੱਖ ਕੌਮ ਦੇ ਸਹਿਯੋਗ ਨਾਲ ਅਤੇ ਮਟਰੂਕਾ ਵਕਫ਼ ਇਮਲਕ ਬੋਰਡ ਦੀ ਸਹਾਇਤਾ ਨਾਲ ਇਹ ਗੁਰਦੁਆਰਾ ਦੁਬਾਰਾ ਬਣਾਇਆ ਜਾਵੇਗਾ ਅਤੇ ਇਸ ਦਾ ਧਿਆਨ ਵੀ ਰਖਿਆ ਜਾਵੇਗਾ |
ਮਟਰੂਕਾ ਵਕਫ਼ ਇਮਲਾਕ ਬੋਰਡ ਦੇ ਡਿਪਟੀ ਸੈਕਟਰੀ ਇਮਰਾਨ ਗੌਂਦਲ ਨੇ ਕਿਹਾ ਕਿ ਕਟਾਸ ਰਾਜ ਵਿਚ ਬਹੁਤ ਸਾਰੇ ਹਿੰਦੂ ਮੰਦਰ ਹਨ, ਉਥੇ ਸਿੱਖ ਜਨਰਲ ਸਰਦਾਰ ਹਰੀ ਸਿੰਘ ਨਲਵਾ ਦੀ ਹਵੇਲੀ ਵੀ ਹੈ | ਇਸ ਹਵੇਲੀ ਦੀ ਮੁਰੰਮਤ ਦਾ ਕੰਮ ਜਲਦੀ ਹੀ ਸ਼ੁਰੂ ਹੋ ਜਾਵੇਗਾ | ਪਾਕਿਸਤਾਨ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਮਟਰੂਕਾ ਵਕਫ਼ ਇਮਲਾਕ ਬੋਰਡ ਨਿਸਚਤ ਤੌਰ 'ਤੇ ਇਸ ਹਵੇਲੀ ਦੀ ਮੁਰੰਮਤ ਦਾ ਕੰਮ ਪੂਰਾ ਕਰਨਗੇ | ਜਿਹਲਾਮ ਵਿਚ ਗੁਰਦੁਆਰਾ ਚੋਆ ਸਾਹਿਬ ਦੀ ਬਹਾਲੀ ਅਤੇ ਮੁਰੰਮਤ ਦਾ ਕੰਮ ਵੀ ਜ਼ੋਰਾਂ-ਸ਼ੋਰਾਂ 'ਤੇ ਚੱਲ ਰਿਹਾ ਹੈ | ਇਸ ਗੁਰੁਦੁਆਰਾ ਸਾਹਿਬ ਵਿਚ ਰਿਹਾਇਸ਼ ਲਈ ਯੂਏਈ ਨਾਲ ਸਬੰਧਤ ਸਰਦਾਰ ਰਣਜੀਤ ਨਾਗਰਾ ਤੋਂ ਵੀ ਸਹਾਇਤਾ ਲਈ ਜਾ ਰਹੀ ਹੈ | (ਏਜੰਸੀ)