ਪੰਜਾਬ : 24 ਘੰਟੇ ਦੌਰਾਨ 1513 ਹੋਰ ਪਾਜ਼ੇਟਿਵ ਮਾਮਲੇ ਆਏ

ਚੰਡੀਗੜ੍ਹ, 21 ਅਗੱਸਤ (ਗੁਰਉਪਦੇਸ਼ ਭੁੱਲਰ): ਪੰਜਾਬ 'ਚ ਕੋਰੋਨਾ ਕਹਿਰ ਦੇ ਚਲਦਿਆਂ ਬੀਤੇ 24 ਘੰਟੇ ਦੇ ਸਮੇਂ ਦੌਰਾਨ 34 ਹੋਰ ਮੌਤਾਂ ਹੋਈਆਂ ਹਨ ਅਤੇ 1513 ਨਵੇਂ ਪਾਜ਼ੇਟਿਵ ਮਾਮਲੇ ਆਏ ਹਨ।

image
ਲੁਧਿਆਣਾ ਜ਼ਿਲ੍ਹੇ ਵਿਚ 8, ਪਟਿਆਲਾ ਤੇ ਜਲੰਧਰ 'ਚ 5-5 ਮੌਤਾਂ ਹੋਈਆਂ ਹਨ। ਅੱਜ ਲੁਧਿਆਣਾ ਵਿਚ ਫਿਰ ਸੱਭ ਤੋਂ ਵੱਧ 242 ਨਵੇਂ ਪਾਜ਼ੇਟਿਵ ਮਾਮਲੇ ਆਏ ਹਨ। ਪਟਿਆਲਾ ਵਿਚ 201, ਜਲੰਧਰ 169, ਮੋਹਾਲੀ 143, ਸੰਗਰੂਰ 102, ਬਠਿੰਡਾ 90, ਅੰਮ੍ਰਿਤਸਰ 80, ਕਪੂਰਥਲਾ ਵਿਚ 70 ਮਾਮਲੇ ਆਏ ਹਨ। ਕੁੱਲ ਸੈਂਪਲ 8 ਲੱਖ 63 ਹਜ਼ਾਰ 840 ਹੋ ਚੁੱਕੇ ਹਨ।

ਕੁੱਲ ਪਾਜ਼ੇਟਿਵ ਅੰਕੜਾ 39327 ਅਤੇ ਮੌਤਾਂ ਦੀ ਗਿਣਤੀ 991 ਤਕ ਪਹੁੰਚ ਗਈ ਹੈ। ਇਸ ਸਮੇਂ 14443 ਮਰੀਜ਼ ਇਲਾਜ ਅਧੀਨ ਹਨ। ਇਨ੍ਹਾਂ ਵਿਚੋਂ 500 ਗੰਭੀਰ ਹਾਲਤ ਵਾਲੇ ਹਨ। 42 ਵੈਂਟੀਲੇਟਰ ਅਤੇ 418 ਆਕਸੀਜਨ 'ਤੇ ਹਨ। ਕੁਲ 23893 ਮਰੀਜ਼ ਠੀਕ ਵੀ ਹੋ ਚੁੱਕੇ ਹਨ।