ਰਾਜਪੁਰਾ ਵਿਚ ਸੜਕ ਪਾਰ ਕਰ ਰਹੀਆਂ ਤਿੰਨ ਸਹੇਲੀਆਂ ਨੂੰ ਕਾਰ ਨੇ ਮਾਰੀ ਟੱਕਰ, ਇਕ ਦੀ ਮੌਤ 

ਰਾਜਪੁਰਾ (ਸੈਦਖੇੜੀ,ਲਾਲੀ) : ਰਾਜਪੁਰਾ-ਅੰਬਾਲਾ ਰੋਡ ’ਤੇ ਸੜਕ ਹਾਦਸੇ ਵਿਚ ਐਮਾਜ਼ੋਨ ਵੇਅਰ ਹਾਊਸ ਵਿਚ ਕੰਮ ਕਰਦੀ ਇਕ ਲੜਕੀ ਨੇਹਾ ਦੀ ਮੌਤ ਹੋ ਗਈ ਅਤੇ ਉਸ ਦੀਆਂ ਦੋ ਸਾਥੀ ਲੜਕੀਆਂ ਗੰਭੀਰ ਜ਼ਖ਼ਮੀ ਹੋ ਗਈਆਂ।

ਏਐਸਆਈ ਜਸਵੰਤ ਸਿੰਘ ਨੇ ਦਸਿਆ ਕਿ ਮ੍ਰਿਤਕਾ ਨੇਹਾ ਆਪਣੀਆਂ ਦੋ ਸਾਥੀ ਲੜਕੀਆਂ ਨਾਲ ਜਦੋਂ ਸੜਕ ਪਾਰ ਕਰ ਕੇ ਵੇਅਰ ਹਾਊਸ ਵਲ ਜਾ ਰਹੀ ਸੀ ਤਾਂ ਇਕ ਤੇਜ਼ ਰਫ਼ਤਾਰ ਕਾਰ ਨੇ ਉਨ੍ਹਾਂ ਨੂੰ ਟੱਕਰ ਮਾਰ ਦਿਤੀ, ਜਿਸ ਕਾਰਨ ਨੇਹਾ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ ਅਤੇ ਉਸ ਦੀਆਂ ਸਹੇਲੀਆਂ ਗੰਭੀਰ ਜ਼ਖ਼ਮੀ ਹੋ ਗਈਆ।
 ਜ਼ਖ਼ਮੀ ਲੜਕੀਆਂ ਨੂੰ ਰਾਜਪੁਰਾ ਦੇ ਸਿਵਲ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਗਿਆ ਹੈ।