ਐਪਲ ਇਵੈਂਟ ਨੂੰ ਪਹਿਲੀ ਵਾਰ ਇਕ ਸਿੱਖ ਨੇ ਕੀਤਾ ਹੋਸਟ, ਕੀਤਾ ਵੱਡਾ ਮੁਕਾਮ ਹਾਸਲ

ਜਦੋਂ ਹੀ ਇਸ ਸਿੱਖ ਦੀ ਵੀਡੀਓ ਨੂੰ ਪੰਜਾਬੀ ਗਾਇਕ ਫਤਿਹ ਸਿੰਘ ਨੇ ਦੇਖਿਆ ਤਾਂ ਉਨ੍ਹਾਂ ਨੇ ਇਸ ਨੂੰ ਲੈ ਕੇ ਟਵੀਟ ਕੀਤਾ। ਫਤਿਹ ਸਿੰਘ ਨੇ ਆਪਣੇ ਟਵੀਟ ’ਚ ਲਿਖਿਆ, ‘ਮੈਂ ਐਪਲ ਇਵੈਂਟ ਆਈਫੋਨ 3ਜੀ ਦੇ ਲਾਂਚ ਹੋਣ ਤੋਂ ਬਾਅਦ ਲਗਾਤਾਰ ਦੇਖਦਾ ਹਾਂ। ਅੱਜ ਕੁਝ ਖ਼ਾਸ ਸੀ। ਇਸ ਸਿੰਘ ਨੂੰ ਵਧਾਈਆਂ, ਜਿਸ ਨੇ ਐਪਲ ’ਚ ਵੱਡਾ ਮੁਕਾਮ ਹਾਸਲ ਕੀਤਾ ਹੈ।’

ਜ਼ਿਕਰਯੋਗ ਹੈ ਕਿ ਨਵਪ੍ਰੀਤ ਐਪਲ ’ਚ ਇੰਜੀਨੀਅਰਿੰਗ ਪ੍ਰੋਗਰਾਮ ਮੈਨੇਜਰ ਦੇ ਰੂਪ ’ਚ ਕੁਪਰਟੀਨੋ ਹੈੱਡਕੁਆਰਟਰਜ਼ ’ਚ ਕੰਮ ਕਰਦੇ ਹਨ। ਉਹ ਕੈਲੀਫੋਰਨੀਆ ਦੇ ਕੁਪਰਟੀਨੋ ’ਚ ਰਹਿੰਦੇ ਹਨ। ਐਪਲ ਸਪਰਿੰਗ ਲੋਡੇਡ ਇਵੈਂਟ ਨੂੰ ਪੂਰੀ ਤਰ੍ਹਾਂ ਨਾਲ ਐਪਲ ਪਾਰਕ ’ਚ ਹੀ ਰਿਕਾਰਡ ਕੀਤਾ ਗਿਆ ਸੀ। ਐਪਲ ਦੇ ਨਾਲ ਨਵਪ੍ਰੀਤ ਦਾ ਇਹ 5ਵਾਂ ਸਾਲ ਹੈ। ਸਾਲ 2016 ’ਚ ਐਪਲ ਨਾਲ ਜੁੜਨ ਤੋਂ ਪਹਿਲਾਂ ਉਨ੍ਹਾਂ ਨੇ ਇੰਟਰਨ ਦੇ ਰੂਪ ’ਚ ਕੰਮ ਕੀਤਾ ਸੀ ਤੇ ਪ੍ਰੋਜੈਕਟ ਮੈਨੇਜਮੈਂਟ ਟੀਮ ਦਾ ਹਿੱਸਾ ਸਨ।