ਨਸ਼ਾ ਛੱਡਣ ਲਈ ਨੌਜਵਾਨਾਂ ਨੂੰ ਪ੍ਰੇਰਿਆ

Sub Inspector Rajinder Singh With others

ਧਰਮਕੋਟ,  ਪੰਜਾਬ ਸਰਕਾਰ ਦੀਆ ਸਖਤ ਹਦਾਇਤਾਂ ਕਾਰਨ ਪੁਲਿਸ ਪ੍ਰਸ਼ਾਸ਼ਨ ਤੇ ਸਮਾਜ ਸੇਵਾ ਸੰਸਥਾਵਾਂ ਨਸ਼ੇ ਦੇ ਕੋਹੜ ਨੂੰ ਖਤਮ ਕਰਨ ਲਈ ਦਿਨ-ਰਾਤ ਇੱਕ ਕਰ ਰਹੇ ਹਨ। ਇਸੇ ਤਰ੍ਹਾਂ ਪਿੰਡ ਰੇੜਵਾ, ਭੋਏ ਪੁਰ ਵਿਖੇ ਸਬ ਇੰਸਪੈਕਟਰ ਰਜਿੰਦਰ ਸਿੰਘ, ਪ੍ਰਭਜੀਤ ਕੌਰ ਐਸ.ਆਈ ਵੱਲੋਂ ਨਸ਼ੇ ਦੇ ਆਦੀ ਨੌਜਵਾਨਾਂ ਨੂੰ ਨਸ਼ੇ ਤੋਂ ਬਚਣ ਲਈ ਪ੍ਰੇਰਿਆ।

ਇਸ ਮੌਕੇ ਜਗਰੂਪ ਸਿੰਘ ਰੇੜਵਾ, ਜਗਤਾਰ ਸਿੰਘ ਰੇੜਵਾ ਤੇ ਨਿਰਮਲ ਸਿੰਘ ਭੋਏ ਪੁਰ ਨੇ ਕਿਹਾ ਕਿ ਸਾਡਾ ਇਲਾਜ ਕਰਵਾਉ ਅਸੀ ਨਸ਼ਾ ਛੱਡਣ ਲਈ ਤਿਆਰ ਹਾਂ ਤਾਂ ਐਸ.ਆਈ ਰਜਿੰਦਰ ਸਿੰਘ ਤੇ ਪ੍ਰਭਜੀਤ ਕੌਰ ਵੱਲੋਂ ਇਹਨਾ ਨਸ਼ੇ ਦੇ ਆਦੀ ਨੌਜਵਾਨਾਂ ਨੂੰ ਡਾ.ਹਰਮੀਤ ਸਿੰਘ ਮੱਪੀ ਜੋ ਕਿ ਨਸ਼ੇ ਦਾ ਫਰੀ ਇਲਾਜ ਕਰ ਰਹੇ ਹਨ ਉਹਨਾਂ ਕੋਲੋ ਦਵਾਈ ਲੈ ਕੇ ਦਿੱਤੀ। ਇਸ ਮੌਕੇ ਪੁਲਿਸ ਮੁਲਾਜਮ ਗੋਪਾਲ ਸਿੰਘ, ਸਰਬਜੀਤ ਸਿੰਘ, ਜਸਕਰਨ ਸਿੰਘ, ਸੁਰਜੀਤ ਸਿੰਘ, ਸੁਖਵਿੰਦਰ ਸਿੰਘ ਹਾਜਰ ਸਨ।