ਸੋਨਾ ਹੋਇਆ ਸਸਤਾ, ਚਾਂਦੀ 1200 ਰੁਪਏ ਤੋਂ ਵੱਧ ਡਿੱਗੀ

ਨਵੀਂ ਦਿੱਲੀ, 21 ਜੁਲਾਈ : ਸੋਨੇ-ਚਾਂਦੀ ਦੀਆਂ ਕੀਮਤਾਂ ’ਚ ਉਤਰਾਅ-ਚੜ੍ਹਾਅ ਜਾਰੀ ਹੈ। ਕੌਮਾਂਤਰੀ ਪੱਧਰ ’ਤੇ ਸੋਨੇ ਦੀਆਂ ਕੀਮਤਾਂ ’ਚ ਗਿਰਾਵਟ ਆਉਣ ਨਾਲ ਰਾਸ਼ਟਰੀ ਰਾਜਧਾਨੀ ’ਚ ਵੀਰਵਾਰ ਨੂੰ ਸੋਨੇ ਦੀ ਕੀਮਤ 478 ਰੁਪਏ ਡਿੱਗ ਕੇ 49,830 ਰੁਪਏ ਪ੍ਰਤੀ 10 ਗ੍ਰਾਮ ’ਤੇ ਆ ਗਈ, ਜੋ ਪਿਛਲੇ ਕਾਰੋਬਾਰੀ ਸੈਸ਼ਨ ’ਚ 50,308 ਰੁਪਏ ਪ੍ਰਤੀ 10 ਗ੍ਰਾਮ ਸੀ। 
ਇਸ ਦੇ ਨਾਲ ਹੀ ਚਾਂਦੀ ਵੀ 1265 ਰੁਪਏ ਦੀ ਗਿਰਾਵਟ ਨਾਲ 54,351 ਰੁਪਏ ਪ੍ਰਤੀ ਕਿਲੋਗ੍ਰਾਮ ’ਤੇ ਆ ਗਈ, ਜੋ ਪਿਛਲੇ ਕਾਰੋਬਾਰ ’ਚ 55,616 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸੀ।
ਕੌਮਾਂਤਰੀ ਬਾਜ਼ਾਰ ’ਚ ਸੋਨਾ 1,689 ਡਾਲਰ ਪ੍ਰਤੀ ਔਂਸ ’ਤੇ ਕਾਰੋਬਾਰ ਕਰ ਰਿਹਾ ਸੀ, ਜਦਕਿ ਚਾਂਦੀ 18.42 ਡਾਲਰ ਪ੍ਰਤੀ ਔਂਸ ’ਤੇ ਸਥਿਰ ਰਹੀ। ਸੱਟੇਬਾਜ਼ਾਂ ਨੇ ਅਪਣੀ ਸਥਿਤੀ ਘਟਾਈ ਹੈ ਕਿਉਂਕਿ ਵੀਰਵਾਰ ਨੂੰ ਫ਼ਿਊਚਰਜ਼ ਵਪਾਰ ਵਿਚ ਸੋਨਾ 267 ਰੁਪਏ ਡਿੱਗ ਕੇ 49,958 ਰੁਪਏ ਪ੍ਰਤੀ 10 ਗ੍ਰਾਮ ’ਤੇ ਆ ਗਿਆ। ਮਲਟੀ ਕਮੋਡਿਟੀ ਐਕਸਚੇਂਜ ’ਤੇ ਅਗੱਸਤ ਵਿਚ ਡਿਲੀਵਰੀ ਲਈ ਸੋਨਾ 267 ਰੁਪਏ ਜਾਂ 0.53 ਫ਼ੀ ਸਦੀ ਦੀ ਗਿਰਾਵਟ ਨਾਲ 49,958 ਰੁਪਏ ਪ੍ਰਤੀ 10 ਗ੍ਰਾਮ ’ਤੇ ਬੰਦ ਹੋਇਆ, ਜਿਸ ਵਿਚ 5,402 ਲਾਟ ਲਈ ਕਾਰੋਬਾਰ ਹੋਇਆ। ਵਿਸ਼ਲੇਸ਼ਕਾਂ ਨੇ ਸੋਨੇ ਦੀਆਂ ਕੀਮਤਾਂ ਵਿਚ ਗਿਰਾਵਟ ਦਾ ਕਾਰਨ ਹਿੱਸੇਦਾਰਾਂ ਦੁਆਰਾ ਅਹੁਦਿਆਂ ਨੂੰ ਉਤਾਰਨਾ ਦਸਿਆ। ਵਿਸ਼ਵ ਪੱਧਰ ’ਤੇ ਨਿਊਯਾਰਕ ’ਚ ਸੋਨਾ 0.79 ਫ਼ੀ ਸਦੀ ਡਿੱਗ ਕੇ 1,704.10 ਡਾਲਰ ਪ੍ਰਤੀ ਔਂਸ ’ਤੇ ਕਾਰੋਬਾਰ ਕਰ ਰਿਹਾ ਸੀ।
ਚਾਂਦੀ ਦਾ ਵਾਇਦਾ ਵੀਰਵਾਰ ਨੂੰ 723 ਰੁਪਏ ਡਿੱਗ ਕੇ 54,896 ਰੁਪਏ ਪ੍ਰਤੀ ਕਿਲੋਗ੍ਰਾਮ ’ਤੇ ਆ ਗਿਆ ਕਿਉਂਕਿ ਹਿੱਸੇਦਾਰਾਂ ਨੇ ਅਪਣਾ ਸੱਟਾ ਘਟਾ ਦਿਤਾ। 
ਮਲਟੀ ਕਮੋਡਿਟੀ ਐਕਸਚੇਂਜ ’ਤੇ ਚਾਂਦੀ ਦਾ ਸਤੰਬਰ ਡਿਲੀਵਰੀ ਵਾਲਾ ਭਾਅ 723 ਰੁਪਏ ਜਾਂ 1.3 ਫ਼ੀ ਸਦੀ ਡਿੱਗ ਕੇ 54,896 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹਿ ਗਿਆ ਜਿਸ ’ਚ 23,033 ਲਾਟ ਲਈ ਕਾਰੋਬਾਰ ਹੋਇਆ। ਵਿਸ਼ਵ ਪੱਧਰ ’ਤੇ ਨਿਊਯਾਰਕ ’ਚ ਚਾਂਦੀ 1.54 ਫ਼ੀ ਸਦੀ ਡਿੱਗ ਕੇ 18.38 ਡਾਲਰ ਪ੍ਰਤੀ ਔਂਸ ’ਤੇ ਕਾਰੋਬਾਰ ਕਰ ਰਹੀ ਹੈ। (ਏਜੰਸੀ)