Harsimrat Kaur Badal

ਸੋਸ਼ਲ ਮੀਡੀਆ ’ਤੇ ਇਕ ਪੱਤਰਕਾਰ ਨਾਲ ਬੀਬੀ ਹਰਸਿਮਰਤ ਦੀ ਖੇਤੀ ਬਿੱਲਾਂ ਬਾਰੇ ਇਕ ਇੰਟਰਵਿਊ ਦੀ ਕਲਿੱਪ ਬੜੀ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਇਸ ਇੰਟਰਵਿਊ ’ਚ ਹਰਸਿਮਰਤ ਬਾਦਲ ਖੇਤੀ ਆਰਡੀਨੈਂਸ ਬਿੱਲ ’ਤੇ ਯੂ. ਟਰਨ ਲੈਂਦੇ ਹੋਏ ਦੇਖੀ ਜਾ ਰਹੀ ਹੈ।

ਇਸ ਵੀਡੀਓ ਵਿਚ ਬੀਬੀ ਹਰਸਿਮਰਤ  ਬਾਦਲ ਨੇ ਇਕ ਸਵਾਲ ਦੇ ਜਵਾਬ ’ਚ  ਆਖ ਦਿੱਤਾ ਕਿ ਮੈਂ ਖੇਤੀ ਆਰਡੀਨੈਂਸ ਬਿੱਲ ਦੇ ਵਿਰੋਧ ’ਚ ਨਹੀਂ, ਸਗੋ ਕਿਸਾਨ ਉਸ ਦੇ ਵਿਰੋਧ ’ਚ ਹਨ।

ਹਾਲਾਂਕਿ ਬੀਬੀ ਬਾਦਲ ਵਲੋਂ ਉਕਤ ਬਿਆਨ ਦਿੱਤੇ ਜਾਣ ਦੇ  ਮਗਰੋਂ ਨਾਲ ਦੀ ਨਾਲ ਇਹ ਕਲਿੱਪ ਖਤਮ ਹੋ ਜਾਂਦਾ ਹੈ। ਇਸ ਕਾਰਣ ਬੀਬੀ ਬਾਦਲ ਦੇ ਇਸ ਬਿਆਨ ਬਾਰੇ ਉਨ੍ਹਾਂ ਨੇ ਅੱਗੇ ਕੀ ਕਿਹਾ ਹੈ, ਉਸ ਬਾਰੇ ਇਸ ਵੀਡੀਓ ਕਲਿੱਪ ’ਚ ਨਹੀਂ ਦਿਖਾਇਆ ਗਿਆ ਹੈ।

ਕਲਿੱਪ ’ਚ ਪੂਰੀ ਜਾਣਕਾਰੀ ਨਾ ਹੋਣ ਕਰਕੇ ਉਨ੍ਹਾਂ ਦੇ ਬਿਆਨ ਬਾਰੇ ਅਸਲ ’ਚ ਕੀ ਵਿਚਾਰ ਹਨ, ਇਸ ਬਾਰੇ ਕੁੱਝ ਵੀ ਕਹਿਣਾ ਮੁਸ਼ਕਿਲ ਹੈ।