ਅੰਗਹੀਣ ਹੋਣ ਦੇ ਬਾਵਜੂਦ ਪੋਸਟਰ ਮੁਕਾਬਲਿਆਂ 'ਚ ਪੰਜਾਬ ਭਰ ਵਿਚੋਂ ਹਾਸਲ ਕੀਤਾ ਪਹਿਲਾ ਸਥਾਨ
ਪੰਜਾਬ ਭਰ ਵਿਚ ਬੱਚੇ ਦੀ ਕਾਬਲੀਅਤ ਦੇ ਹੋ ਰਹੇ ਨੇ ਚਰਚੇ
ਸੰਗਰੂਰ: ਬੇ-ਹਿੰਮਤੇ ਨੇ ਜੋ ਸ਼ਿਕਵਾ ਕਰਨ ਮੁਕੱਦਰਾਂ ਦਾ ਉਗਣ ਵਾਲੇ ਤਾਂ ਉਗ ਪੈਂਦੇ ਨੇ ਪਾੜ ਕੇ ਸੀਨਾਂ ਪੱਥਰਾਂ ਦਾ। ਇਨ੍ਹਾਂ ਬੋਲਾਂ ਨੂੰ ਸੱਚ ਕਰ ਦਿਖਾਇਆ ਸੰਗੂਰਰ ਦੇ ਲਹਿਰਾਗਾਗਾ ਵਿਚ ਪੈਂਦੇ ਪਿੰਡ ਕਾਲਬੰਜਾਰਾ 'ਚ ਰਹਿੰਦੇ ਬੱਚੇ ਜ਼ਸ਼ਨਦੀਪ ਨੇ।
ਜੋ ਦੋਵੇਂ ਬਾਹਵਾਂ ਨਾ ਹੋਣ ਤੇ ਇਕ ਲੱਤ ਛੋਟੀ ਹੋਣ ਦੇ ਬਾਵਜੂਦ ਵੀ ਪੈਰਾਂ ਨਾਲ ਕਲਾ ਦਾ ਅਜਿਹਾ ਰੰਗ ਬਿਖੇਰਦਾ ਹੈ ਜਿਸ ਨੂੰ ਦੇਖਣ ਵਾਲਾ ਹਰ ਕੋਈ ਹੈਰਾਨ ਰਹਿ ਜਾਂਦਾ। ਇਸ ਛੋਟੇ ਬੱਚੇ ਨੇ ਆਪਣੇ ਹੁਨਰ ਨਾਲ ਪੋਸਟਰ ਮੁਕਾਬਲਿਆਂ ਦੇ ਵਿਚ ਪੰਜਾਬ ਪੱਧਰ ਤੇ ਪਹਿਲਾ ਸਥਾਨ ਅਤੇ ਪੇਟਿੰਗ ਮੁਕਾਲਬਿਆਂ 'ਚ ਦੂਸਰਾ ਸਥਾਨ ਹਾਸਲ ਕੀਤਾ ਹੈ।
ਦੋਵੇਂ ਹੱਥ ਨਾ ਹੋਣ ਤੇ ਇਕ ਲੱਤ ਛੋਟੀ ਹੋਣ ਦੇ ਬਾਵਜੂਦ ਵੀ ਇਹ ਛੋਟਾ ਬੱਚਾ ਵੱਡੇ ਇਰਾਦੇ ਚੁੱਕੀ ਫਿਰਦਾ ਹੈ ਅਤੇ ਵੱਡਾ ਹੋ ਕੇ ਜੱਜ ਬਣ ਦੀ ਖੁਆਇਸ਼ ਰੱਖ ਰਿਹਾ ਹੈ। ਬੱਚੇ ਦੇ ਮਾਤਾ-ਪਿਤਾ ਨੂੰ ਵੀ ਆਪਣੇ ਇਸ ਹੋਣ-ਹਾਰ ਬੱਚੇ ਉੱਤੇ ਬੜਾ ਮਾਣ ਮਹਿਸੂਸ ਹੋ ਰਿਹਾ ਜੋ ਆਪਣੀ ਕਲਾ ਨਾਲ ਮਾਤਾ ਪਿਤਾ ਤੇ ਇਲਾਕੇ ਨੇ ਨਾਮ ਨੂੰ ਚਮਕਾ ਰਿਹਾ ਹੈ।
ਮਾਪਿਆ ਵੱਲੋਂ ਘਰ ਦੀ ਹਾਲਤ ਚੰਗੀ ਨਾ ਹੋਣ ਕਰਕੇ ਪ੍ਰਸਾਸ਼ਨ ਦੇ ਕੋਲੋ ਬੱਚੇ ਦੇ ਇਲਾਜ਼ ਲਈ ਮਦਦ ਦੀ ਵੀ ਮੰਗ ਕੀਤੀ ਜਾ ਰਹੀ ਹੈ। ਬੱਚੇ ਦੀ ਕਲਾ ਦੇ ਚਰਚੇ ਸੁਣ ਬੱਚੇ ਨੂੰ ਮਿਲਣ ਪਹੁੰਚੀ ਲਹਿਰਾਗਾਗਾ ਦੀ ਐੱਸ.ਡੀ.ਐਮ ਜੀਵਨ ਜੋਤ ਕੌਰ ਨੇ ਬੱਚੇ ਦੀ ਪ੍ਰਸੰਸ਼ਾ ਕਰਦਿਆ ਕਿਹਾ ਕਿ ਬੱਚਾ ਬਹੁਤ ਹੀ ਹੋਣਹਾਰ ਹੈ ਇਸ ਲਈ ਉਸ ਦੀ ਕਾਬਲੀਅਤ ਨੂੰ ਧਿਆਨ ਚ ਰੱਖਦਿਆਂ ਪ੍ਰਸਾਸ਼ਨ ਦੇ ਵੱਲੋਂ ਬੱਚੇ ਦੀ ਹਰ ਸੰਭਵ ਮਦਦ ਕਰਨ ਦੀ ਕੋਸ਼ਿਸ ਕੀਤੀ ਜਾਵੇਗੀ।
ਭਾਵੇਂ ਕਿ ਬੱਚੇ ਦੀ ਕਾਬਲੀਅਤ ਤੇ ਕੋਈ ਵੀ ਸ਼ੰਕਾ ਨਹੀਂ ਹੈ ਪਰ ਇਹ ਨਾ ਹੋਵੇ ਕਿ ਇੰਨਾ ਹੋਣਹਾਰ ਬੱਚਾ ਕਿਤੇ ਪੈਸਿਆਂ ਦੇ ਕਾਰਨ ਪਿਛੇ ਰਹਿ ਜਾਵੇ। ਇਸ ਲਈ ਪ੍ਰਸਾਸ਼ਨ ਨੂੰ ਚਾਹੀਦਾ ਹੈ ਕਿ ਬੱਚੇ ਦੀ ਹਰ ਸੰਭਵ ਮਦਦ ਕੀਤੀ ਜਾਵੇ ਤਾਂ ਜੋ ਵੱਡੇ-ਵੱਡੇ ਸੁਪਨੇ ਰੱਖਣ ਵਾਲਾ ਇਹ ਨਿੱਕਾ ਜਿਹਾ ਜਸ਼ਨਦੀਪ ਅਪਣੀਆਂ ਮੰਜ਼ਿਲਾਂ ਨੂੰ ਸਕਾਰ ਕਰ ਸਕੇ।