ਮਾਪਿਆਂ ਦੇ ਇਕਲੌਤੇ ਪੁੱਤ ਦੀ ਭਿਆਨਕ ਸੜਕ ਹਾਦਸੇ ’ਚ ਮੌਤ

ਮਿਲਾਨ, 21 ਅਕਤੂਬਰ : ਉੱਤਰੀ ਇਟਲੀ ਦੇ ਜ਼ਿਲ੍ਹਾ ਤੇਰੈਨਤੋ ’ਚ ਵਾਪਰੇ ਇਕ ਭਿਆਨਕ ਸੜਕ ਹਾਦਸੇ ’ਚ 27 ਸਾਲਾ ਭਾਰਤੀ ਨੌਜਵਾਨ ਹਰਮਿੰਦਰ ਸਿੰਘ ਦੀ ਮੌਤ ਹੋ ਗਈ। ਜਾਣਕਾਰੀ ਮੁਤਾਬਕ ਨੌਜਵਾਨ ਜਦ ਦੇਰ ਰਾਤ ਅਪਣੇ ਘਰ ਵਾਪਸ ਜਾ ਰਿਹਾ ਸੀ ਤੇ ਪਹਾੜੀ ਵਾਲੀ ਸੜਕ ਤੋਂ ਕਾਰ ਦਾ ਸੰਤੁਲਨ ਗੁਆ ਬੈਠਾ। ਕਾਰ ਕਿਸੇ ਨੀਵੀ ਜਗ੍ਹਾ ਘਰ ਦੇ ਵਿਹੜੇ ’ਚ ਜਾ ਡਿੱਗੀ।
ਹਾਦਸਾ ਇੰਨਾ ਭਿਆਨਕ ਸੀ ਕਿ ਕਾਰ ਦੀਆਂ ਕਈ ਪਲਟੀਆਂ ਵਜੀਆਂ ਤੇ ਅੱਗ ਲੱਗ ਜਾਣ ਕਾਰਨ ਮਿ੍ਰਤਕ ਦਾ ਸਰੀਰ ਵੀ ਬੁਰੀ ਤਰ੍ਹਾਂ ਕਾਰ ’ਚ ਹੀ ਝੁਲਸ ਗਿਆ। ਮੌਕੇ ’ਤੇ ਪੁੱਜੇ ਅੱਗ ਬੁਝਾਊ ਮਹਿਕਮੇ ਵਲੋਂ ਸਥਾਨਕ ਪੁਲਿਸ ਦੇ ਸਹਿਯੋਗ ਨਾਲ ਇਸ ਭਿਆਨਕ ਸੜਕ ਹਾਦਸੇ ਦੇ ਅਸਲ ਕਾਰਨ ਦੀ ਗੰਭੀਰਤਾ ਨਾਲ ਜਾਂਚ ਪੜਤਾਲ ਕੀਤੀ ਜਾ ਰਹੀ ਹੈ। ਸੂਤਰਾਂ ਮੁਤਾਬਕ ਭਾਰਤੀ ਨੌਜਵਾਨ ਕਿਸੇ ਡੋਨਰ ਕਬਾਬ ਪਿੱਜਾ ਹੱਟ ’ਤੇ ਕੰਮ ਕਰਦਾ ਸੀ ਤੇ ਭਿਆਨਕ ਸੜਕ ਹਾਦਸੇ ’ਚ ਉਸ ਦੀ ਜਾਨ ਚਲੀ ਗਈ।  (ਏਜੰਸੀ)