ਫੋਟੋ ਫਰੇਮ ਦੀ ਦੁਕਾਨ 'ਚ ਲੱਗੀ ਅੱਗ, ਦੁਕਾਨਦਾਰ ਨੇ ਦੁਕਾਨ ਦੇ ਮਾਲਕ 'ਤੇ ਅੱਗ ਲਾਉਣ ਦੇ ਲਾਏ ਦੋਸ਼
ਇਥੇ ਮਹਿਣਾ ਚੌਕ ਉਤੇ ਬਣੀ ਫੋਟੋ ਫਰੇਮ ਦੀ ਦੁਕਾਨ ਵਿਚ ਅਚਾਨਕ ਅੱਗ ਲੱਗ ਗਈ। ਅੱਗ ਇੰਨੀ ਭਿਆਨਕ ਸੀ ਕਿ ਦੁਕਾਨ 'ਚ ਰਖਿਆ ਪੂਰਾ ਸਾਮਾਨ ਸੜ ਕੇ ਸੁਆਹ ਹੋ ਗਿਆ।
ਬਠਿੰਡਾ (ਜੁਗਨੂੰ ਸ਼ਰਮਾ ) : ਇਥੇ ਮਹਿਣਾ ਚੌਕ ਉਤੇ ਬਣੀ ਫੋਟੋ ਫਰੇਮ ਦੀ ਦੁਕਾਨ ਵਿਚ ਅਚਾਨਕ ਅੱਗ ਲੱਗ ਗਈ। ਅੱਗ ਇੰਨੀ ਭਿਆਨਕ ਸੀ ਕਿ ਦੁਕਾਨ 'ਚ ਰਖਿਆ ਪੂਰਾ ਸਾਮਾਨ ਸੜ ਕੇ ਸੁਆਹ ਹੋ ਗਿਆ।
ਉਥੇ ਹੀ ਦੁਕਾਨਦਾਰ ਨੇ ਦੁਕਾਨ ਦੇ ਅਸਲੀ ਮਾਲਕ ਉਤੇ ਇਲਜ਼ਾਮ ਲਗਾਉਂਦੇ ਹੋਏ ਕਿਹਾ ਕਿ ਉਸ ਕੋਲ ਕਾਫ਼ੀ ਸਾਲਾਂ ਤੋਂ ਇਹ ਦੁਕਾਨ ਕਿਰਾਏ 'ਤੇ ਹੈ, ਜਿਸ ਦਾ ਕੋਰਟ ਵਿਚ ਕੇਸ ਵੀ ਚੱਲ ਰਿਹਾ ਹੈ ਪਰ ਦੁਕਾਨ ਮਾਲਕਾਂ ਵਲੋਂ ਉਨ੍ਹਾਂ ਨੂੰ ਲਗਾਤਾਰ ਦੁਕਾਨ ਖਾਲੀ ਕਰਨ ਲਈ ਤੰਗ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਸੀ।
ਉਥੇ ਹੀ ਜਦੋਂ ਇਸ ਦੁਕਾਨ ਦੇ ਮਾਲਕ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਸਾਰੇ ਦੋਸ਼ਾਂ ਨੂੰ ਨਕਾਰਦੇ ਹੋਏ ਦਸਿਆ ਦੀ ਜੁਗਲ ਕਿਸ਼ੋਰ ਨੇ ਉਨ੍ਹਾਂ ਨੂੰ ਪਹਿਲਾਂ ਵੀ ਖ਼ੁਦ ਨੂੰ ਤੇ ਦੁਕਾਨ ਨੂੰ ਅੱਗ ਲਗਾਉਣ ਧਮਕੀ ਦਿਤੀ ਸੀ। ਉਨ੍ਹਾਂ ਦਾ ਕਹਿਣਾ ਕਿ ਅੱਜ ਵੀ ਉਸ ਨੇ ਆਪ ਹੀ ਅੱਗ ਲਗਾਈ ਹੈ ਜਦੋਂ ਕਿ ਉਨ੍ਹਾਂ ਦੀ ਕੋਰਟ ਵਿਚ ਪੇਸ਼ੀ ਸੀ ਤੇ ਉਹ ਤਾਂ ਇਥੇ ਮੌਜੂਦ ਵੀ ਨਹੀਂ ਸੀ ਤਾਂ ਇਹ ਦੋਸ਼ ਉਨ੍ਹਾਂ 'ਤੇ ਕਿਵੇਂ ਆ ਸਕਦਾ ਹੈ ?
ਉਧਰ ਮੌਕੇ ਉਤੇ ਫਾਇਰ ਬ੍ਰਿਗੇਡ ਕਰਮਚਾਰੀਆਂ ਨੇ ਅੱਗ ਉਤੇ 'ਤੇ ਕਾਬੂ ਪਾਇਆ। ਫਿਲਹਾਲ ਪੁਲਿਸ ਵਲੋਂ ਸਾਰੇ ਮਾਮਲੇ ਨੂੰ ਧਿਆਨ 'ਚ ਲੈ ਕੇ ਅੱਗੇ ਦੀ ਕਾਰਵਾਈ ਕੀਤੀ ਜਾ ਰਹੀ ਹੈ