ਜਾਣੋ ਪੂਰਾ ਮਾਮਲਾ ਕਿਵੇਂ ਫਸਿਆ ਪੁਲ ਹੇਠਾਂ ਜਹਾਜ਼

ਕੋਲਕਾਤਾ - ਪੱਛਮੀ ਬੰਗਾਲ ਦੇ ਦੁਰਗਾਪੁਰ 'ਚ ਇੱਕ ਜਹਾਜ਼ ਪੁਲ ਦੇ ਹੇਠਾਂ ਫਸ ਗਿਆ। ਅਸਲ 'ਚ ਭਾਰਤੀ ਪੋਸਟ ਦੇ ਇੱਕ ਲਾਵਾਰਸ ਪਏ ਜਹਾਜ਼ ਨੂੰ ਇੱਕ ਟਰੱਕ 'ਚ ਲੱਦ ਕੇ ਦੂਜੇ ਸਥਾਨ 'ਤੇ ਲਿਜਾਇਆ ਜਾ ਰਿਹਾ ਸੀ।

ਇਸ ਦੌਰਾਨ ਟਰੱਕ ਚਾਲਕ ਨੂੰ ਪੁਲ ਦੀ ਉੱਚਾਈ ਦਾ ਅੰਦਾਜ਼ਾ ਨਹੀਂ ਰਿਹਾ ਅਤੇ ਜਹਾਜ਼ ਪੁਲ ਦੇ ਹੇਠਾਂ ਫਸ ਗਿਆ। ਹਾਲਾਂਕਿ ਇਸ ਅਜੀਬੋ-ਗਰੀਬ ਨਜ਼ਾਰੇ ਨੂੰ ਦੇਖਣ ਲਈ ਪੁਲ ਦੇ ਕੋਲ ਲੋਕਾਂ ਦੀ ਭੀੜ ਲੱਗੀ ਹੋਈ ਹੈ।

ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਵੀ ਉੱਤਰੀ ਮਹਾਰਾਸ਼ਟਰ ਦੀ ਧੁਲੇ ਤਹਿਸੀਲ 'ਚ ਇੱਕ ਦਰਦਨਾਕ ਸੜਕ ਹਾਦਸਾ ਵਾਪਰਿਆ ਸੀ। ਇੱਥੇ ਬੀਤੀ ਰਾਤ ਇੱਕ ਵੈਨ ਪੁਲ ਤੋਂ ਹੇਠਾਂ ਦਰਿਆ 'ਚ ਡਿੱਗ ਗਈ। ਇਸ ਹਾਦਸੇ 'ਚ 7 ਲੋਕਾਂ ਦੀ ਮੌਤ ਹੋ ਗਈ, ਜਦਕਿ 20 ਹੋਰ ਜ਼ਖ਼ਮੀ ਹੋ ਗਏ ਸਨ। ਜ਼ਖ਼ਮੀਆਂ ਨੂੰ ਇਲਾਜ ਲਈ ਹਸਪਤਾਲ 'ਚ ਦਾਖ਼ਲ ਕਰਾਇਆ ਗਿਆ ਸੀ।