Kewal Singh Dhillon

ਚੰਡੀਗੜ੍ਹ- ਸੰਗਰੂਰ ਤੋਂ ਕਾਂਗਰਸ ਦੇ ਉਮੀਦਵਾਰ ਕੇਵਲ ਸਿੰਘ ਢਿੱਲੋਂ ਵਲੋਂ ਨਾਮਜ਼ਦਗੀ ਪੱਤਰ ਦਾਖ਼ਲ ਕੀਤਾ ਗਿਆ ਹੈ। ਢਿੱਲੋਂ ਨੇ ਹਲਫ਼ਨਾਮੇ ‘ਚ ਆਪਣੀ ਪੂਰੀ ਜਾਇਦਾਦ ਦਾ ਬਿਓਰਾ ਦਿੱਤਾ ਹੈ। ਬਿਓਰੇ ਮੁਤਾਬਕ ਕਾਂਗਰਸੀ ਆਗੂ ਕੋਲ ਕੁੱਲ 16 ਲੱਖ ਦੀਆਂ ਘੜੀਆਂ ਹਨ। ਇਸ ਤੋਂ ਇਲਾਵਾ ਕੇਵਲ ਢਿੱਲੋਂ 23 ਲੱਖ ਰੁਪਏ ਦੀ ਲੈਕਸਸ ਗੱਡੀ ਦੇ ਮਾਲਕ ਹਨ। ਉਨ੍ਹਾਂ ਕੋਲ 3.82 ਲੱਖ ਰੁਪਏ ਦੇ ਹੀਰੇ ਤੇ 62 ਲੱਖ ਰੁਪਏ ਦਾ ਸੋਨਾ ਹੈ। ਕੇਵਲ ਢਿੱਲੋਂ ਦੀ ਪਤਨੀ ਮਨਜੀਤ ਢਿੱਲੋਂ ਕੋਲ 4352 ਗਰਾਮ ਯਾਨੀ 1.40 ਕਰੋੜ ਰੁਪਏ ਦਾ ਸੋਨਾ ਹੈ ਤੇ 68.96 ਲੱਖ ਰੁਪਏ ਦੇ ਹੀਰੇ ਹਨ।

ਕੇਵਲ ਸਿੰਘ ਢਿੱਲੋਂ ਕੋਲ ਕਿਸੇ ਤਰ੍ਹਾਂ ਦੀ ਖੇਤੀਬਾੜੀ ਜ਼ਮੀਨ ਨਹੀਂ ਹੈ, ਪਰ ਉਹ 30 ਕਰੋੜ ਦੀ ਜਾਇਦਾਦ ਦੇ ਮਾਲਕ ਵੀ ਹਨ। ਹਾਲਾਂਕਿ ਜਾਇਦਾਦ ਦੇ ਮਾਮਲੇ ‘ਚ ਕੇਵਲ ਸਿੰਘ ਢਿੱਲੋਂ ਦੀ ਪਤਨੀ ਉਨ੍ਹਾਂ ਤੋਂ ਕਿਤੇ ਵੱਧ ਹਨ। ਚੰਡੀਗੜ੍ਹ, ਗੁੜਗਾਓਂ, ਦਿੱਲੀ ਤੇ ਸਪੇਨ ‘ਚ ਉਨ੍ਹਾਂ ਦੀ ਪਤਨੀ ਦੇ ਨਾਂ 'ਤੇ ਫਲੈਟ ਮੌਜੂਦ ਹਨ ਤੇ ਇਨ੍ਹਾਂ ਦੀ ਕੀਮਤ 50.46 ਕਰੋੜ ਰੁਪਏ ਹੈ। ਇਸ ਤੋਂ ਇਲਾਵਾ ਢਿੱਲੋਂ ਦੀ ਪਤਨੀ ਮਨਜੀਤ ਢਿੱਲੋਂ ਚਾਰ ਏਕੜ ਜ਼ਮੀਨ ਦੀ ਮਾਲਕਣ ਹੈ।

ਇਸ ਜ਼ਮੀਨ ਦੀ ਕੁੱਲ ਕੀਮਤ 50 ਲੱਖ ਰੁਪਏ ਹੈ। ਇਸ ਤੋਂ ਇਲਾਵਾ 10 ਲੱਖ ਰੁਪਏ ਦਾ ਗਮਾਡਾ ਦਾ ਇੱਕ ਪਲਾਟ ਵੀ ਹੈ। ਜੇਕਰ ਖਾਤਿਆਂ ਦੀ ਗੱਲ ਕੀਤੀ ਜਾਵੇ ਤਾਂ ਬਿਓਰੇ ਮੁਤਾਬਕ ਢਿੱਲੋਂ ਦੇ 6 ਬੈਂਕ ਖਾਤੇ ਨੇ ਤੇ ਜਿਨ੍ਹਾਂ ‘ਚੋਂ ਪੰਜ ‘ਚ 2.82 ਹਜਾਰ ਤੇ ਇੱਕ ਖਾਤੇ ‘ਚ 20.27 ਲੱਖ ਰੁਪਏ ਹਨ। ਜੇ ਉਨ੍ਹਾਂ ਦੀ ਪਤਨੀ ਮਨਜੀਤ ਢਿੱਲੋਂ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦੇ ਵੀ ਪੰਜ ਬੈਂਕਾਂ ‘ਚ ਵੱਖ-ਵੱਖ ਖ਼ਾਤੇ ਹਨ, ਜਿਨ੍ਹਾਂ ਚੋਂ 4 ‘ਚ 93 ਲੱਖ 16 ਹਜ਼ਾਰ ‘ਤੇ ਇੱਕ ‘ਚ 10 ਕਰੋੜ 31 ਲੱਖ ਰੁਪਏ ਹਨ।  ਦੇਖੋ ਵੀਡੀਓ.............