ਅੰਮ੍ਰਿਤਸਰ ਦੇ ਲੋਹਗੜ ਠੇਕੇ ਤੋਂ ਐਕਸਪਾਇਰੀ ਸ਼ਰਾਬ ਦਾ ਜਖ਼ੀਰਾ ਬਰਾਮਦ
54 ਐਕਸਪਾਇਰੀ ਸ਼ਰਾਬ ਦੀਆਂ ਪੇਟੀਆਂ ਬਰਾਮਦ
ਅੰਮ੍ਰਿਤਸਰ (ਰਾਜੇਸ਼ ਕੁਮਾਰ ਸੰਧੂ) ਮਾਮਲਾ ਅੰਮ੍ਰਿਤਸਰ ਦੇ ਲੋਹਗੜ ਗੇਟ ਨਜ਼ਦੀਕ ਸਥਿਤ ਹਿੰਦੁਸਤਾਨ ਬਸਤੀ ਦਾ ਹੈ ਜਿਥੋਂ ਦੇ ਇਕ ਸ਼ਰਾਬ ਦੇ ਠੇਕੇ ਤੇ ਐਕਸਪਾਇਰੀ ਸ਼ਰਾਬ ਬਰਾਮਦ ਹੋਈ ਹੈ ਜਾਣਕਾਰੀ ਮੁਤਾਬਕ ਐਕਸਪਾਇਰੀ ਸ਼ਰਾਬ ਦੀਆਂ 54 ਪੇਟੀਆਂ ਬਰਾਮਦ ਕੀਤੀਆਂ ਗਈਆਂ ਹਨ।
ਵਿਕ ਰਹੀ ਐਕਸਪਾਇਰੀ ਬੀਅਰ ਪ੍ਰਤੀ ਰੋਸ ਪ੍ਰਦਰਸ਼ਨ ਕਰਦਿਆਂ ਇਲਾਕਾ ਨਿਵਾਸੀਆਂ ਅਤੇ ਬੀਜੇਪੀ ਐਸ ਸੀ ਮੋਰਚਾ ਵਿੰਗ ਦੇ ਜਿਲ੍ਹਾ ਪ੍ਰਧਾਨ ਸੰਜੀਵ ਕੁਮਾਰ ਦੀ ਵੱਲੋਂ ਠੇਕੇ ਦੇ ਬਾਹਰ ਸੂਬਾ ਸਰਕਾਰ ਖਿਲਾਫ ਜੰਮ ਕੇ ਨਾਅਰੇਬਾਜ਼ੀ ਕੀਤੀ ਗਈ।
ਇਸ ਮੌਕੇ ਗੱਲਬਾਤ ਕਰਦਿਆਂ ਬੀਜੇਪੀ ਜਿਲਾ ਐਸ ਸੀ ਮੋਰਚਾ ਦੇ ਪ੍ਰਧਾਨ ਸੰਜੀਵ ਕੁਮਾਰ ਅਤੇ ਕੌਸ਼ਲਰ ਰਾਮ ਚਾਵਲਾ ਨੇ ਦੱਸਿਆ ਕਿ ਸਾਡੇ ਇਲਾਕੇ ਵਿਚ ਇਕ ਠੇਕੇ ਤੇ ਐਕਸਪਾਇਰੀ ਸ਼ਰਾਬ ਵੇਚਣ ਦਾ ਮਾਮਲਾ ਸਾਹਮਣੇ ਆਇਆ ਹੈ ਜਿਸਦੇ ਚਲਦੇ ਇਲਾਕੇ ਨਿਵਾਸੀਆ ਅਤੇ ਸਾਡੇ ਵੱਲੋਂ ਲੋਕਾਂ ਦੀ ਸਿਹਤ ਨਾਲ ਖਿਲਵਾੜ ਹੋਣ ਦੇ ਰੋਸ ਪ੍ਰਤੀ ਪ੍ਰਦਰਸ਼ਨ ਕਰ ਸੂਬਾ ਸਰਕਾਰ ਖਿਲਾਫ ਜੰਮ ਕੇ ਨਾਅਰੇਬਾਜੀ ਕੀਤੀ ਗਈ।
ਪੁਲਿਸ ਪ੍ਰਸ਼ਾਸ਼ਨ ਅਤੇ ਐਕਸਾਈਜ ਵਿਭਾਗ ਵੱਲੋਂ ਹਰਕਤ ਵਿਚ ਆਉਂਦਿਆ ਠੇਕੇ ਤੇ ਕਾਰਵਾਈ ਕਰਦਿਆ ਉਥੋਂ 54 ਪੇਟੀਆਂ ਸ਼ਰਾਬ ਬਰਾਮਦ ਕੀਤੀਆਂ ਗਈਆਂ। ਜੇਕਰ ਸਮੇਂ ਰਹਿੰਦੇ ਐਕਸਨ ਨਾ ਲਿਆ ਜਾਂਦਾ ਤਾ ਤਰਨ ਤਾਰਨ ਦੀ ਨਕਲੀ ਸ਼ਰਾਬ ਦੀ ਘਟਨਾ ਵਾਂਗ ਇਹ ਐਕਸਪਾਇਰੀ ਬੀਅਰ ਪੀ ਕੇ ਕਈ ਘਰਾਂ ਦੇ ਚਿਰਾਗ ਬੁਝ ਜਾਣੇ ਸਨ।
ਉਹਨਾ ਪੰਜਾਬ ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿ ਉਹ ਸੂਬੇ ਵਿਚ ਵਿਕ ਰਹੀ ਨਕਲੀ ਅਤੇ ਐਕਸਪਾਇਰੀ ਸ਼ਰਾਬ ਵੇਚਣ ਵਾਲਿਆਂ ਖਿਲਾਫ ਸਖਤ ਲਕਾਰਵਾਈ ਕਰਨ।