ਮੂਸੇਵਾਲਾ ਨੇ ਡਾ. ਸਿੰਗਲਾ ’ਤੇ ਵਿਅੰਗ ਕਸਿਆ, ਹੁਣ ਦੱਸੋ ਗੱਦਾਰ ਕੌਣ?

ਚੰਡੀਗੜ੍ਹ, 24 ਮਈ (ਭੁੱਲਰ) : ਗ੍ਰਿਫ਼ਤਾਰ ਹੋ ਚੁਕੇ ‘ਆਪ’ ਸਰਕਾਰ ਦੇ ਸਾਬਕਾ ਮੰਤਰੀ ਡਾ. ਵਿਜੈ ਸਿੰਗਲਾ ਹੱਥੋਂ ਮਾਨਸਾ ਹਲਕੇ ਤੋਂ  66 ਹਜ਼ਾਰ ਵੋਟਾਂ ਨਾਲ ਹਾਰਨ ਵਾਲੇ ਕਾਂਗਰਸੀ ਉਮੀਦਵਾਰ ਅਤੇ ਪ੍ਰਸਿੱਧ ਗਾਇਕ ਸਿੱਧੂ ਮੂਸੇਵਾਲਾ ਨੇ ਅਪਣੇ ਅੰਦਾਜ਼ ’ਚ ਪ੍ਰਤੀਕਰਮ ਦਿਤਾ ਹੈ। ਮੂਸੇਵਾਲਾ ਨੇ ਗੀਤ ਗਾਉਂਦੇ ਹੋਏ ਵੀਡੀਉ ਜਾਰੀ ਕਰਦੇ ਹੋਏ ਡਾ. ਸਿੰਗਲਾ ’ਤੇ ਵਿਅੰਗ ਕਰਦਿਆਂ ਕਿਹਾ ਕਿ ‘‘ਬਾਬਾ ਕਹਿੰਦਾ ਸੀ ਕਿ ਵੇਖੀ ਜਾ ਮਰਦਾਨਿਆ ਰੰਗ ਕਰਤਾਰ ਦੇ, ਆਪੇ ਮਰ ਜਾਂਦੇ ਜਿਹੜੇ ਦੂਜਿਆਂ ਨੂੰ ਮਾਰਦੇ’’। ਮੂਸੇਵਾਲਾ ਨੇ ਚੋਣ ਨਤੀਜਿਆਂ ਬਾਅਦ ਅਪਣੀ ਵਾਇਰਲ ਵੀਡੀਉ ’ਤੇ ਵਿਵਾਦ ਹੋਣ ਦੇ ਸਬੰਧ ’ਚ ਕਿਹਾ ਕਿ ਹੁਣ ਦੱਸੋ ਕੌਣ ਗੱਦਾਰ ਹੈ? ਵੀਡੀਉ ’ਚ ਮੂਸੇਵਾਲਾ ਨੇ ਸਿੰਗਲਾ ਨੂੰ ਵੋਟਾਂ ਪਾਉਣ ਵਾਲਿਆਂ ਵਲ ਸੰਕੇਤ ਕਰਦਿਆਂ ਗੱਦਾਰ ਸ਼ਬਦ ਦੀ ਵਰਤੋਂ ਕੀਤੀ ਸੀ।