RCF ਤਿਆਰ ਕਰ ਰਿਹਾ ਹੈ ਵਿਸ਼ੇਸ਼ ਡੱਬੇ, ਟ੍ਰੇਨਾਂ ਨੂੰ ਅੱਗ ਤੋਂ ਬਚਾਉਣ ਦਾ ਨਵਾਂ ਆਟੋਮੈਟਿਕ ਸਿਸਟਮ 

ਕਪੂਰਥਲਾ: ਕਪੂਰਥਲਾ ਦੀ ਰੇਲ ਕੋਚ ਫੈਕਟਰੀ (ਆਰਸੀਐਫ) ਨੇ 5 ਅਜਿਹੇ ਡੱਬੇ ਤਿਆਰ ਕੀਤੇ ਹਨ ਜੋ ਆਪਣੇ ਆਪ ਅੱਗ ਅਤੇ ਧੂੰਏਂ ਦਾ ਪਤਾ ਲਗਾ ਲੈਣਗੇ। ਇਹ ਡੱਬੇ ਫਾਇਰ ਰਿਟਾਰਡੈਂਟ ਸਮੱਗਰੀ ਅਤੇ ਛੱਤ 'ਤੇ ਲੱਗਣ ਵਾਲੇ ਏਅਰ ਕੰਡੀਸ਼ਨਿੰਗ ਪੈਕੇਜ ਯੂਨਿਟਾਂ ਦੀ ਵਰਤੋਂ ਕਰਕੇ ਬਣਾਏ ਗਏ ਹਨ। ਆਰਸੀਐਫ ਦੇ ਜਨਰਲ ਮੈਨੇਜਰ ਰਵਿੰਦਰ ਗੁਪਤਾ ਨੇ ਕਿਹਾ ਕਿ ਉਨ੍ਹਾਂ ਦੇ ਕੰਮਕਾਜ ਨੂੰ ਵੇਖਦਿਆਂ ਇਹ ਤਕਨਾਲੋਜੀ ਹੋਰ ਡੱਬਿਆਂ ਵਿਚ ਵੀ ਵਰਤੀ ਜਾਵੇਗੀ।

ਉਨ੍ਹਾਂ ਕਿਹਾ ਕਿ ਤਕਨੀਕੀ ਸਮੱਗਰੀ ਬਿਜਲੀ ਦੀ ਫੀਟਿੰਗ ਅਤੇ ਹੋਰ ਤਕਨੀਕੀ ਕੰਮਾਂ ਲਈ ਵਰਤੀ ਜਾਂਦੀ ਰਹੀ ਹੈ। ਫਾਇਰ ਰੈਡਰੈਂਟ ਸਮੱਗਰੀ ਦੀ ਵਰਤੋਂ ਡੱਬਿਆਂ ਆਦਿ ਦੀਆਂ ਸੀਟਾਂ 'ਤੇ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ ਯਾਤਰੀਆਂ ਦੀ ਸੁਰੱਖਿਆ ਲਈ ਡੱਬਿਆਂ ਵਿਚ ਅੱਗ ਬੁਝਾਊ ਯੰਤਰ ਲਗਾਏ ਜਾ ਰਹੇ ਹਨ। ਜ਼ਿਕਰਯੋਗ ਹੈ ਕਿ ਆਰਸੀਐਫ ਨੇ 31 ਜਨਵਰੀ 1992 ਨੂੰ ਛੱਤ 'ਤੇ ਲੱਗਣ ਵਾਲੇ ਮਾਊਂਟੇਡ ਏਸੀ ਪੈਕੇਜ ਯੂਨਿਟ ਦੇ ਨਾਲ ਪਹਿਲਾ ਏਸੀ ਕੋਚ ਬਣਾਇਆ।

ਛੱਤ ਵਾਲੇ ਮਾਊਂਟੇਡ ਪੈਕੇਜ ਯੂਨਿਟ ਏਅਰ ਕੰਡੀਸ਼ਨਡ ਕੋਚਾਂ ਦੇ ਅੰਦਰ ਆਰਾਮਦਾਇਕ ਤਾਪਮਾਨ ਅਤੇ ਨਮੀ ਬਣਾਈ ਰੱਖਦਾ ਹੈ। ਦੂਜੇ ਏਅਰ ਕੰਡੀਸ਼ਨਰਾਂ ਦੇ ਮੁਕਾਬਲੇ ਇਸ ਦੇ ਬਹੁਤ ਸਾਰੇ ਫਾਇਦੇ ਹਨ। ਇਸ ਏਅਰ ਕੰਡੀਸ਼ਨਰ ਨੂੰ ਸਟੇਨਲੈਸ ਸਟੀਲ ਗਰੇਡ 304 ਨਾਲ ਬਣਾਇਆ ਗਿਆ ਹੈ ਜੋ ਇਸ ਨੂੰ ਸਖ਼ਤ ਅਤੇ ਖ਼ਰਾਬ ਮੌਸਮ ਤੋਂ ਬਚਾਉਂਦਾ ਹੈ। ਛੱਤ ਉੱਤੇ ਲੱਗੇ ਏਅਰ ਕੰਡੀਸ਼ਨਡ ਪੈਕੇਜ ਯੂਨਿਟ ਦੀ ਸਮਰੱਥਾ ਸੱਤ ਟਨ ਅਤੇ ਛੇ ਕਿਲੋਵਾਟ ਦੀ ਥਰਮਲ ਸਮਰੱਥਾ ਹੈ।