ਮੰਤਰੀ ਬਣਨ ਤੋਂ ਪਹਿਲਾਂ Raja Warring ਦੀ ਦੇਖੋ ਖੁਸ਼ੀ, ਕਿਹਾ ਬਦਲਾਅ ਦੀ ਹਮੇਸ਼ਾਂ ਹੀ ਲੋੜ ਹੁੰਦੀ ਹੈ

Amrinder Singh Raja Warring

 

 ਚੰਡੀਗੜ੍ਹ  ( ਚਰਨਜੀਤ ਸਿੰਘ ਸੁਰਖਾਬ) ਪੰਜਾਬ ਕੈਬਨਿਟ ਦੇ ਨਵੇਂ ਮੰਤਰੀਆਂ ਦੀ ਸੂਚੀ ਫਾਈਨਲ ਹੋ ਗਈ ਹੈ। ਨਵੇਂ ਮੰਤਰੀ ਮੰਡਲ ਵਿੱਚ 7 ਨਵੇਂ ਮੰਤਰੀ ਸ਼ਾਮਲ ਕੀਤੇ ਜਾਣਗੇ। ਇਹਨਾਂ ਵਿਚ ਇਕ ਰਾਜਾ ਵੜਿੰਗ ਦਾ ਨਾਮ ਵੀ ਸ਼ਾਮਲ ਹੈ। 

 

 

ਮੰਤਰੀ ਬਣਨ ਤੋਂ ਪਹਿਲਾਂ ਰਾਜਾ ਵੜਿੰਗ ਨੇ  ਗੱਲਬਾਤ ਕਰਦਿਆਂ ਕਿਹਾ ਕਿ ਚਰਨਜੀਤ ਚੰਨੀ ਨੂੰ ਅੱਜ ਮੁੱਖ ਮੰਤਰੀ ਬਣੇ 6 ਦਿਨ ਹੋਏ ਹਨ ਤੇ 6 ਦਿਨਾਂ ਵਿਚ ਉਹਨਾਂ ਨੇ ਕਿੰਨੇ ਬਦਲਾਅ ਕਰ ਦਿੱਤੇ। ਉਹਨਾਂ ਨੇ ਸਧਾਰਨ ਬੰਦੇ, ਦੱਬੇ ਕੁਚਲਿਆਂ, ਆਮ- ਛੋਟੇ ਵਪਾਰੀ ਦੀ ਗੱਲ ਕੀਤੀ ਹੈ।

 

 ਪੰਜਾਬ ਦੇ ਪ੍ਰਧਾਨ ਨਵਜੋਤ ਸਿੰਘ ਤੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਜਦੋਂ ਦੋਵੇਂ ਇਕੱਠੇ ਮੈਦਾਨ ਵਿਚ ਉਤਰਣਗੇ ਤਾਂ ਬਦਲਾਅ  ਹੀ ਬਦਲਾਅ ਵੇਖਣ ਨੂੰ ਮਿਲਣਗੇ।  ਰਾਜਾ ਵੜਿੰਗ ਨੇ ਕਿਹਾ ਕਿ ਉਹ ਚਾਰ ਸਾਲ ਤੋਂ ਇਸ ਪਲ ਦਾ ਇੰਤਜ਼ਾਰ ਕਰ ਰਹੇ ਸਨ। ਬਦਲਾਅ ਦੀ ਹਮੇਸ਼ਾਂ ਹੀ ਲੋੜ ਹੁੰਦੀ ਹੈ।  ਚੰਗੇ ਚਿਹਰੇ ਆਉਣਗੇ ਤੇ  ਲੋਕਾਂ ਦੀਆਂ ਉਮੀਦਾਂ ਤੇ ਖਰੇ ਉਤਰਣਗੇ।