ਬਠਿੰਡਾ (ਪੀਟੀਆਈ) : ਪੰਜਾਬੀ ਗਾਇਕ ‘ਸ਼ਿੰਦਾ ਸ਼ੌਂਕੀ’ ਜਿਹੜਾ ਕੇ ਕਿਸੇ ਸਮੇਂ ਮੰਸ਼ਹੂਰ ਗਾਇਕਾ ਮਿਸ ਪੂਜਾ ਨਾਲ ਦੋਗਾਣਾ ਜੋੜੀ ਕਾਰਨ ਮਸ਼ਹੂਰ ਹੋਇਆ ਸੀ, ਅੱਜ ਇਕ ਵਾਰ ਫਿਰ ਤੋਂ ਚਰਚਾ ‘ਚ ਆ ਗਿਆ ਹੈ। ਇਸ ਵਾਰ ਗਾਇਕ ਸ਼ਿੰਦਾ ਸੌਂਕੀ ਦਾ ਕੋਈ ਗਾਣ ਨਹੀਂ ਆਇਆ ਜਾਂ ਮਸ਼ਹੂਰ ਨਹੀਂ ਹੋਇਆ ਸਗੋਂ ਉਸ ਵਿਰੁੱਧ ਬਲਾਤਕਾਰ ਦਾ ਮਾਮਲਾ ਦਰਜ ਹੋਇਆ ਹੈ। ਜਾਣਕਾਰੀ ਮੁਤਾਬਿਕ ਸ਼ੌਂਕੀ ਖ਼ਿਲਾਫ਼ ਬਠਿੰਡਾ ਸਿਵਲ ਲਾਈਨਜ਼ ਪੁਲਿਸ ਨੇ ਬਲਾਤਕਾਰ ਦਾ ਕੇਸ ਦਰਜ ਕੀਤਾ ਹੈ। ਜਾਂਚ ਅਧਿਕਾਰੀ ਮੁਤਬਿਕ ਸ਼ਿੰਦਾ ਸ਼ੌਂਕੀ ‘ਤੇ ਗਿਆਰਵੀਂ ਜਮਾਤ ਦੀ ਵਿਦਿਆਰਥਣ ਨਾਲ ਬਲਾਤਕਾਰ ਕਰਨ ਦੇ ਦੋਸ਼ ਲੱਗੇ ਹਨ।

ਸ਼ਿਕਾਇਤ ਕਰਤਾ ਨੇ ਦੋਸ਼ ਲਗਾਇਆ ਹੈ ਕਿ ਗਾਇਕ ਸ਼ਿੰਦੇ ਨੇ ਉਸ ਦੀ ਭਾਣਜੀ ਨੂੰ ਸਕੂਲ ਛੱਡਣ ਦੇ ਬਹਾਨੇ ਫਿਰੋਜ਼ਪੁਰ ਦੇ ਤਲਬੰਡੀ ਭਾਈ ਜਾ ਕੇ ਉਸ ਨਾਲ ਬਲਾਤਕਾਰ ਕੀਤਾ। ਫਿਲਹਾਲ ਸ਼ਿੰਦਾ ਸ਼ੌਂਕੀ ਘਰ ਤੋਂ ਫਰਾਰ ਦੱਸਿਆ ਜਾ ਰਿਹਾ ਹੈ। ਇਸ ਤੋਂ ਬਾਅਦ ਉਸ ਨੇ ਸ਼ਹਿਰ ‘ਚ ਇਕ ਝੀਲ ਦੇ ਨੇੜੇ ਉਸ ਲੜਕੀ ਨੂੰ ਛੱਡ ਦਿਤਾ। ਸ਼ਿਕਾਇਤ ਕਰਤਾ ਅਤੇ ਪੀੜਤ ਬੁੱਧਵਾਰ ਨੂੰ ਐਸ.ਐਸ.ਪੀ ਡਾ ਨਾਨਕ ਸਿੰਘ ਨੂੰ ਮਿਲੇ ਅਤੇ ਸ਼ਿਕਾਇਤ ਦਰਜ ਕਰਵਾਈ। ਜ਼ਿਕਰਯੋਗ ਹੈ ਕਿ ਸ਼ਿੰਦਾ ਸ਼ੌਂਕੀ ‘ਝੋਨਾ’, ਝੋਨਾ 2, ‘ਕਾਲਜ’, ‘ਅੰਨਦਾਤਾ’, ‘ਵੈਲੀ’, ‘ਮੋਬਾਇਲ’, ਸਰੂਰ ਵਰਗੇ ਗੀਤਾਂ ਨਾਲ ਕਾਫ਼ੀ ਲੋਕਾਂ ਵਿਚ ਮਸ਼ਹੂਰ ਹੋਏ ਸੀ।