Republic Day: CM ਮਾਨ ਨੇ ਲੁਧਿਆਣਾ 'ਚ ਲਹਿਰਾਇਆ ਤਿਰੰਗਾ, ਕਿਹਾ- ਗਣਤੰਤਰ ਦਿਵਸ ਪੰਜਾਬ ਕਰਕੇ ਆਇਆ

ਮੁੱਖ ਮੰਤਰੀ ਨੇ ਕਿਹਾ ਕਿ ਮੈਂ ਕੱਲ੍ਹ ਖੰਨਾ ਵਿਖੇ ਸ਼ਹੀਦ ਦੇ ਘਰ 1 ਕਰੋੜ ਰੁਪਏ ਦਾ ਚੈੱਕ ਲੈ ਕੇ ਗਿਆ ਸੀ। ਇਸ ਤੋਂ ਪਹਿਲਾਂ ਮੌੜ ਮੰਡੀ ਗਏ ਅਤੇ ਪਰ ਉੱਥੇ ਕੇਂਦਰ ਵੱਲੋਂ ਅਗਨੀਵੀਰ ਨੂੰ ਕੋਈ ਸ਼ਰਧਾਜ਼ਲੀ ਨਹੀਂ ਦਿੱਤੀ ਗਈ। ਉਹ ਕਹਿ ਰਹੇ ਹਨ ਕਿ ਫੌਜ ਦੇ ਜਵਾਨ ਅਗਨੀਵੀਰ ਨੂੰ ਸਲਾਮ ਨਹੀਂ ਕਰਦੇ। ਜਿਸ ਲਈ ਉਨ੍ਹਾਂ ਕੇਂਦਰ ਨੂੰ ਪੱਤਰ ਲਿਖ ਕੇ ਸੰਸਦ 'ਚ ਮੁੱਦਾ ਉਠਾਇਆ। ਇਸ ਉਪਰੰਤ ਖੰਨਾ ਦੇ ਸ਼ਹੀਦ ਨੂੰ ਨਮਨ ਕੀਤਾ ਗਿਆ। ਹੈਰਾਨੀ ਦੀ ਗੱਲ ਹੈ ਕਿ ਉਹ ਕਿਸੇ ਅਜਿਹੇ ਵਿਅਕਤੀ ਨੂੰ 11 ਗੋਲੀਆਂ ਦੀ ਸਲਾਮੀ ਨਹੀਂ ਦੇ ਸਕਦੇ ਜਿਸ ਦੀ ਛਾਤੀ ਵਿਚ 35 ਗੋਲੀਆਂ ਲੱਗੀਆਂ ਹੋਣ।

ਮੁਹੱਲਾ ਕਲੀਨਿਕਾਂ ਬਾਰੇ ਗੱਲ ਕਰਦਿਆਂ ਮੁੱਖ ਮੰਤਰੀ ਨੇ ਕਿਹਾ ਕਿ ਪੰਜਾਬ ਵਿਚ ਮੁਹੱਲਾ ਕਲੀਨਿਕ ਖੋਲ੍ਹੇ ਗਏ। 97 ਲੱਖ ਲੋਕ ਮੁਹੱਲਾ ਕਲੀਨਿਕਾਂ ਤੋਂ ਦਵਾਈਆਂ ਲੈ ਕੇ ਜਾਂਦੇ ਹਨ। ਸਕੂਲ ਬਣ ਰਹੇ ਹਨ, ਉੱਘੇ ਸਕੂਲ ਖੋਲ੍ਹੇ ਜਾ ਰਹੇ ਹਨ। ਅਰਵਿੰਦ ਕੇਜਰੀਵਾਲ ਨੇ ਕੰਮ ਦੀ ਰਾਜਨੀਤੀ ਸ਼ੁਰੂ ਕੀਤੀ। ਸਫ਼ਲਤਾ ਮਿਲ ਰਹੀ ਹੈ। ਅਸੀਂ ਇਸ ਨੂੰ ਪੰਜਾਬ ਵਿਚ ਲਾਗੂ ਕੀਤਾ ਹੈ। ਅਸੀਂ ਭ੍ਰਿਸ਼ਟਾਚਾਰ ਦੇ ਖਿਲਾਫ਼ ਫੋਨ ਨੰਬਰ ਜਾਰੀ ਕੀਤੇ। ਮੈਂ ਇਹ ਨਹੀਂ ਕਹਿੰਦਾ ਕਿ ਇਹ ਖ਼ਤਮ ਹੋ ਗਿਆ ਹੈ, ਪਰ ਇਹ ਘਟ ਗਿਆ ਹੈ। 

ਪੰਜਾਬ ਵਿਚ ਨੀਤੀਆਂ ਆਸਾਨ ਬਣਾਈਆਂ। ਪੰਜਾਬ ਵਿਚ 65 ਹਜ਼ਾਰ ਕਰੋੜ ਰੁਪਏ ਦਾ ਨਿਵੇਸ਼ ਆਇਆ ਹੈ। ਇਸ ਨਾਲ 2.98 ਲੱਖ ਨੌਜਵਾਨਾਂ ਨੂੰ ਰੁਜ਼ਗਾਰ ਮਿਲੇਗਾ। ਰੋਡ ਸੇਫਟੀ ਫੋਰਸ ਕੱਲ੍ਹ ਤੋਂ ਸ਼ੁਰੂ ਹੋ ਰਹੀ ਹੈ। ਸੜਕ ਹਾਦਸਿਆਂ ਵਿਚ ਪਰਿਵਾਰ ਆਪਣੀ ਜਾਨ ਗੁਆ ਬੈਠਦੇ ਹਨ। ਕਾਰ ਖੜ੍ਹੇ ਟਰੱਕ ਨਾਲ ਟਕਰਾ ਜਾਂਦੀ ਹੈ, ਜਿਸ ਕਾਰਨ ਮੌਤ ਹੋ ਜਾਂਦੀ ਹੈ। ਜੇਕਰ ਅਸੀਂ ਅੱਧੇ ਵੀ ਕਾਮਯਾਬ ਹੋ ਗਏ ਤਾਂ 3000 ਪੰਜਾਬੀਆਂ ਦੀ ਜਾਨ ਬਚਾ ਲਵਾਂਗੇ। 

ਮੁੱਖ ਮੰਤਰੀ ਭਗਵੰਤ ਮਾਨ ਮਾਰਚ ਮਹੀਨੇ ਵਿਚ ਬਣਨਗੇ ਪਿਤਾ

ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਮੁੱਖ ਮੰਤਰੀ ਨੇ ਅਪਣੀ ਨਿੱਜੀ ਖੁਸ਼ੀ ਵੀ ਲੋਕਾਂ ਅੱਗੇ ਸਾਂਝੀ ਕੀਤੀ। ਉਹਨਾਂ ਨੇ ਕਿਹਾ ਕਿ ਉਹਨਾਂ ਦੇ ਘਰ ਵੀ ਮਾਰਚ ਵਿਚ ਖੁਸ਼ੀ ਆਉਣ ਵਾਲੀ ਹੈ। ਪਤਨੀ 7ਵੇਂ ਮਹੀਨੇ ਦੀ ਗਰਭਵਤੀ ਹੈ। ਸਾਨੂੰ ਨਹੀਂ ਪਤਾ ਕਿ ਇਹ ਮੁੰਡਾ ਹੈ ਜਾਂ ਕੁੜੀ। ਜੋ ਵੀ ਆਵੇ ਤੰਦਰੁਸਤ ਆਵੇ। ਇਹੀ ਅਰਦਾਸ ਹੈ। ਹਰ ਕੋਈ ਇਹ ਅਰਦਾਸ ਕਰੇ। ਇਸ ਦੇ ਨਾਲ ਹੀ ਉਹਨਾਂ ਨੇ ਕਿਹਾ ਕਿ ਬੱਚਾ ਤਾਂ ਰੱਬ ਦੀ ਦਾਤ ਹੁੰਦਾ ਹੈ ਫਿਰ ਉਹ ਚਾਹੇ ਕੁੜੀ ਹੋਵੇ ਜਾਂ ਮੁੰਡਾ। ਖੁਸ਼ੀ ਦੋਹੇ ਦਿੰਦੇ ਨੇ ਇਸ ਲਈ ਜਿਹੜੇ ਲੋਕ ਕੁੜੀਆਂ ਨੂੰ ਪਹਿਲਾਂ ਹੀ ਮਾਰ ਦਿੰਦੇ ਹਨ ਮੈਂ ਉਹਨਾਂ ਨੂੰ ਕਹਿਣਾ ਚਾਹੁੰਦਾ ਹਾਂ ਕਿ ਕੁੜੀਆਂ ਹੀ ਸਾਡੇ ਦੇਸ਼ ਵਿਚ ਅੱਗੇ ਜਾ ਰਹੀਆਂ ਹਨ ਤੇ ਦੇਸ਼ ਦਾ ਨਾਮ ਰੌਸ਼ਨ ਕਰ ਰਹੀਆਂ ਹਨ।