ਸੋਲੰਕੀ ਵਲੋਂ ਮੈਗਜ਼ੀਨ 'ਬਾਲ ਸੰਦੇਸ਼' ਦੀ ਘੁੰਡ ਚੁਕਾਈ

ਚੰਡੀਗੜ੍ਹ, 10 ਜੁਲਾਈ (ਸਸਸ): ਹਰਿਆਣਾ ਦੇ ਰਾਜਪਾਲ ਪ੍ਰੋਫ਼ੈਸਰ ਕਪਤਾਨ ਸਿੰਘ ਸੋਲੰਕੀ ਨੇ ਕਿਹਾ ਹੈ ਕਿ ਬਾਲ-ਸਾਹਿਤ ਰਾਹੀਂ ਅਸੀ ਬੱਚਿਆਂ ਦੇ ਮਨ ਨੂੰ ਉਹ ਸ਼ਕਤੀ ਪ੍ਰਦਾਨ ਕਰ ਸਕਦੇ ਹਾਂ ਜੋ ਉਨ੍ਹਾਂ ਵਿਚ ਸਭਿਆਚਾਰ, ਸਮਰਪਣ, ਸਦਭਾਵਨਾ ਅਤੇ ਭਾਰਤੀ ਸਭਿਆਚਾਰ ਦੇ ਤੱਤ ਸ਼ਾਮਿਲ ਕਰ ਸਕਦੀ ਹੈ।
ਇਸ ਤਰ੍ਹਾਂ ਅਸੀਂ ਬੱਚਿਆਂ ਨੂੰ ਸਿਖਿਆ ਪ੍ਰਦਾਨ ਕਰ ਕੇ ਉਨ੍ਹਾਂ ਦੇ ਚਰਿੱਤਰ ਨਿਰਮਾਣ ਕਰ ਸਕਦੇ ਹਾਂ ਤਾਂ ਹੀ ਬੱਚੇ ਜੀਵਨ ਦੇ ਸੰਘਰਸ਼ ਨਾਲ ਜੂਝ ਸਕਣਗੇ।
ਪ੍ਰੋਫ਼ੈਸਰ ਸੋਲੰਕੀ ਅਜ ਰਾਜ ਭਵਨ ਵਿਚ ਹਰਿਆਣਾ ਰਾਜ ਬਾਲ ਭਲਾਈ ਪਰਿਸ਼ਦ ਦੀ ਮੈਗਜੀਨ 'ਬਾਲ ਸੰਦੇਸ਼' ਦੀ ਘੁੰਡ ਚੁੱਕਾਈ ਮੌਕੇ 'ਤੇ ਬੋਲ ਰਹੇ ਸਨ। ਇਸ ਮੌਕੇ 'ਤੇ ਉਨ੍ਹਾਂ ਨੇ ਹਰਿਆਣਾ ਰਾਜ ਬਾਲ ਭਲਾਈ ਪਰਿਸ਼ਦ ਦੀ ਜਨਰਲ ਸਕੱਤਰ ਸੰਤੋਸ਼ ਅਤਰੇਜਾ ਤੇ ਉਨ੍ਹਾਂ ਦੇ ਸਟਾਫ਼ ਨੂੰ ਵਧਾਈ ਦਿੰਦੇ ਹੋਏ ਭਰੋਸਾ ਪ੍ਰਗਟਾਇਆ ਕਿ ਇਹ ਮੈਗਜ਼ੀਨ ਬੱਚਿਆਂ ਦੇ ਮਨ ਦੀ ਮੈਗਜ਼ੀਨ ਬਣੇਗੀ। ਇਸ ਦੇ ਰੋਚਕ ਤੇ ਸਿਖਿਆਤਮਕ ਸਾਹਿਤ ਦਾ ਪ੍ਰਕਾਸ਼ਨ ਬੱਚਿਆਂ ਲਈ ਬਹੁਤ ਉਪਯੋਗੀ ਹੋਵੇਗਾ? ਹਰਿਆਣਾ ਰਾਜ ਬਾਲ ਭਲਾਈ ਪਰਿਸ਼ਦ ਦੀ ਜਨਰਲ ਸਕੱਤਰ ਸੰਤੋਸ਼ ਅਤਰੇਜਾ ਨੇ ਕਿਹਾ ਕਿ ਅੱਜ ਦਾ ਬੱਚਾ ਸਾਹਿਤ ਪੜਨ ਦੇ ਸਥਾਨ 'ਤੇ ਕੰਪਿਊਟਰ ਗੇਮਸ, ਟੀ.ਵੀ., ਵੀਡੀਓ ਗੇਮਸ ਖੇਡਣ ਵਿਚ ਵੱਧ ਰੂਚੀ ਰੱਖਦਾ ਹੈ। ਬੱਚਿਆਂ ਦੇ ਮਨੋਰੰਜਨ ਤੇ ਗਿਆਨ ਵਿਚ ਵਾਧੇ ਦੇ ਲਈ ਫ਼ਿਲਮਾਂ ਵੀ ਬਣਾਈਆਂ ਜਾ ਰਹੀਆਂ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਸ ਵਿਚ ਜੋ ਬਾਲ ਉਪਯੋਗੀ ਸਮੱਗਰੀ  ਤੇ ਪ੍ਰੋਗ੍ਰਾਮ ਹਨ ਉਹ ਸੱਭ ਬਾਲ ਕਹਾਣੀਆਂ, ਕਵਿਤਾਵਾਂ ਆਦਿ ਕਿਸਮ ਦੇ ਬਾਲ-ਸਾਹਿਤ 'ਤੇ ਅਧਾਰਿਤ ਹੁੰਦੇ ਹਨ। ਇਸ ਲਈ ਆਧੁਨਿਕ ਸਮੇਂ ਵਿਚ ਵੀ ਚੰਗੇ ਬਾਲ-ਸਾਹਿਤ ਦੀ ਲੋਂੜ ਬਣੀ ਹੋਈ ਹੈ। ਬਾਲ ਸੰਦੇਸ਼ ਮੈਗਜ਼ੀਨ ਇਸ ਜਰੂਰਤ ਨੂੰ ਪੂਰਾ ਕਰੇਗੀ।