ਦਖਣੀ ਅਫ਼ਰੀਕੀ ਸਪਿਨਰ ਕੇਸ਼ਵ ਮਹਾਰਾਜ ਨੇ ਭਾਰਤੀ ਕੱਥਕ ਡਾਂਸਰ ਨਾਲ ਕਰਵਾਇਆ ਵਿਆਹ

ਨਵੀਂ ਦਿੱਲੀ, 25 ਅਪ੍ਰੈਲ : ਦਖਣੀ ਅਫ਼ਰੀਕਾ ਦੇ ਸਪਿਨਰ ਕੇਸ਼ਵ ਮਹਾਰਾਜ ਨੇ ਆਖ਼ਰਕਾਰ ਆਪਣੀ ਮਿੱਤਰ ਲੇਰਿਸ਼ਾ ਮੁਨਸਾਮਯ ਨਾਲ ਵਿਆਹ ਕਰ ਲਿਆ ਹੈ। ਦੋਵੇਂ ਇਸ ਤੋਂ ਪਹਿਲਾਂ ਉਹ ਦੋ ਵਾਰ ਆਪਣਾ ਵਿਆਹ ਰਿਸ਼ਤੇਦਾਰਾਂ ਦੀ ਮੌਤ ਕਾਰਨ ਮੁਲਤਵੀ ਕਰ ਚੁਕੇ ਸਨ। ਲੇਰਿਸ਼ਾ ਦੇ ਨਾਲ ਕੇਸ਼ਵ ਦੀ ਪਹਿਲੀ ਮੁਲਾਕਾਤ 4 ਸਾਲ ਪਹਿਲਾਂ ਇਕ ਸਾਂਝੇ ਦੋਸਤ ਕਾਰਨ ਹੋਈ ਸੀ। ਪਹਿਲੀ ਹੀ ਮੁਲਾਕਾਤ ’ਚ ਦੋਵੇਂ ਇਕ ਦੂਜੇ ਦੇ ਪ੍ਰਤੀ ਆਕਰਸ਼ਿਤ ਹੋ ਗਏ ਸਨ।
ਕੇਸ਼ਵ ਨੇ ਇਕ ਇੰਟਰਵਿਊ ਦੌਰਾਨ ਦਸਿਆ ਕਿ ਲੇਰਿਸ਼ਾ ਨੂੰ ਦੇਖਣ ਤੋਂ ਬਾਅਦ ਉਹ ਹੈਰਾਨ ਹੋ ਗਏ। ਉਨ੍ਹਾਂ ਨੂੰ ਯਾਦ ਹੈ ਕਿ ਉਨ੍ਹਾਂ ਨੇ ਉਦੋਂ ਆਪਣੇ ਪਿਤਾ ਨੂੰ ਫੋਨ ਲਗਾਇਆ ਤੇ ਕਿਹਾ ਕਿ ਮੈਂ ਇਕ ਅਜਿਹੀ ਕੁੜੀ ਨੂੰ ਮਿਲਿਆ ਹਾਂ ਜੋ ਮੇਰੇ ਸੁਪਨਿਆਂ ’ਚ ਆਉਂਦੀ ਹੈ। ਕੇਸ਼ਵ ਨੇ ਕਿਹਾ ਕਿ ਮੈਂ ਜਦੋਂ ਲੇਰਿਸ਼ਾ ਨੂੰ ਪਹਿਲੀ ਵਾਰ ਮਿਲਿਆ ਤਾਂ ਪਹਿਲੇ ਹਫ਼ਤੇ ਅਸੀਂ ਜ਼ਿਆਦਾ ਨਹੀਂ ਮਿਲ ਸਕੇ।     (ਏਜੰਸੀ)