Paramveer Singh

ਅੰਮ੍ਰਿਤਸਰ: ਕਈਂ ਅਪਾਹਜ ਲੋਕ ਜਿਹੜੇ ਕਿ ਵਹੀਲ ਚੇਅਰ ਤੋਂ ਬਿਨਾਂ ਇਕ ਕਦਮ ਵੀ ਨਹੀਂ ਚਲ ਸਕਦੇ, ਉਹਨਾਂ ਦੇ ਕਾਰ ਚਲਾਉਣ ਦੇ ਸੁਪਨੇ ਨੂੰ ਪੂਰਾ ਕਰਨ ਵਾਸਤੇ ਅੰਮ੍ਰਿਤਸਰ ਦੇ ਇਕ ਮਕੈਨਿਕ ਵਲੋਂ ਇਕ ਅਜਿਹੀ ਵਿਨਟੇਜ ਕਾਰ ਤਿਆਰ ਕੀਤੀ ਹੈ ਜੋ ਕਿ ਬੈਟਰੀ ਨਾਲ ਚਾਰਜ ਹੋ ਕੇ ਇਕ ਵਾਰੀ ਵਿਚ 70 ਤੋਂ 80 ਕਿਲੋਮੀਟਰ ਚਲਦੀ ਹੈ ਅਤੇ ਬਿਨਾਂ ਪਟਰੌਲ ਅਤੇ ਡੀਜ਼ਲ ਅਤੇ ਪ੍ਰਦੂਸਣ ਤੋਂ ਬਿਨਾਂ ਬਿਜਲੀ ਦੇ ਨਾਲ ਚਲਦੀ ਹੈ।

ਇਸ ਸੰਬਧੀ ਗਲਬਾਤ ਕਰਦਿਆਂ ਪਰਮਵੀਰ ਸਿੰਘ ਹੈਡੀਕੈਪ ਟੀਚਰ ਨੇ ਦਸਿਆ ਕਿ ਉਹ ਕਾਦੀਆਂ ਗੁਰਦਾਸਪੁਰਾ ਦਾ ਰਹਿਣ ਵਾਲਾ ਹੈ ਅਤੇ ਸਰਕਾਰੀ ਸਕੂਲ ਵਿਚ ਟੀਚਰ ਹੈ। ਸਰੀਰਕ ਪੱਖੋਂ ਅਪਾਹਜ ਹੋਣ ਕਾਰਨ ਉਹਨਾਂ ਨੂੰ ਸਕੂਲ ਆਉਣ ਜਾਣ ਵੇਲੇ ਬਹੁਤ ਸਾਰੀਆਂ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈਦਾ ਸੀ ਪਰ ਜਦੋਂ ਉਹਨਾ ਨੂੰ ਪਤਾ ਲੱਗਾ ਕਿ ਅੰਮ੍ਰਿਤਸਰ ਵਿਚ ਇਕ ਐਸਾ ਮਕੈਨਿਕ ਹੈ ਜੋ ਵਿਨਟੇਜ ਕਾਰਾਂ ਨੂੰ ਬਣਾਉਣ ਦਾ ਕੰਮ ਕਰਦਾ ਹੈ।

ਜਿਸਦੇ ਚਲਦੇ ਜਦੋਂ ਉਹਨਾਂ ਮਕੈਨਿਕ ਨੂੰ ਆਪਣੀ ਸਮੱਸਿਆ ਬਾਰੇ ਜਾਣੂ ਕਰਵਾਇਆ ਤਾਂ ਮਕੈਨਿਕ ਦਲਜੀਤ ਸਿੰਘ ਭੋਲਾ ਵਲੋਂ ਇਕ ਅਜਿਹੀ ਵਿਨਟੇਜ ਕਾਰ ਤਿਆਰ ਕੀਤੀ ਗਈ ਹੈਂ ਜਿਸ ਵਿਚ ਰੈਂਪ ਲਗਾ ਕੇ ਮੇਰੀ ਵਹੀਲ ਚੇਅਰ ਸਿਧੀ ਚੜ ਜਾਦੀ ਹੈ ਅਤੇ ਮੈ ਅਸਾਨੀ ਨਾਲ ਕਾਰ ਚਲਾ ਸਕਦਾ ਹਾਂ।

ਇਸ ਸੰਬੰਧੀ ਗੱਲਬਾਤ ਕਰਦਿਆਂ ਮਕੈਨਿਕ ਦਲਜੀਤ ਸਿੰਘ ਭੋਲਾ ਨੇ ਦੱਸਿਆ ਕਿ ਉਹ ਪਹਿਲਾਂ ਵੀ ਕਈਂ ਵਿਨਟੇਜ ਕਾਰਾਂ ਤਿਆਰ ਕਰ ਚੁਕੇ ਹਨ ਪਰ ਇਹ ਆਪਣੇ ਆਪ ਵਿਚ ਅਜਿਹੀ ਵੱਖਰੀ ਕਾਰ ਹੈ ਜਿਸ ਦੇ ਨਾਲ ਇਕ ਅਪਾਹਜ ਵਿਅਕਤੀ ਵੀ ਆਪਣਾ ਕਾਰ ਚਲਾਉਣ ਦਾ ਸੁਪਨਾ ਪੂਰਾ ਕਰ ਸਕਦਾ ਹੈ ਅਤੇ ਇਹ ਗ੍ਰਾਹਕ ਸਾਡੇ ਕੌਲ ਕਾਦੀਆਂ ਗੁਰਦਾਸਪੁਰ ਤੋਂ ਅੰਮ੍ਰਿਤਸਰ ਪਹੁੰਚਿਆ ਹੈ ਜੋ ਕਿ ਸਰਕਾਰੀ ਟੀਚਰ ਹੈ। ਜਿਸਨੂੰ ਆਪਣੀ ਡਿਉਟੀ ‘ਤੇ ਪਹੁੰਚਾਉਣ ਵਿਚ ਇਹ ਕਾਰ ਕਾਫੀ ਸਹਾਇਕ ਸਿੱਧ ਹੋਵੇਗੀ