ਜਲਦੀ ਨਿਪਟਾ ਲਉ ਬੈਂਕ ਦੇ ਕੰਮ, ਮਈ ਮਹੀਨੇ 'ਚ 12 ਦਿਨ ਬੰਦ ਰਹਿਣਗੇ ਬੈਂਕ

ਨਵੀਂ ਦਿੱਲੀ, 26 ਅਪ੍ਰੈਲ : ਨਵੇਂ ਮਹੀਨੇ ਦੀ ਸੁਰੂਆਤ ਵਿਚ ਕੁੱਝ ਦਿਨ ਬਾਕੀ ਹਨ | ਮਈ ਮਹੀਨੇ ਦੀ ਸ਼ੁਰੂਆਤ ਨਾਲ ਬਹੁਤ ਸਾਰੀਆਂ ਚੀਜ਼ਾਂ ਬਦਲ ਜਾਣਗੀਆਂ |  ਗੈਸ ਸਿਲੰਡਰ ਦੀ ਕੀਮਤ ਤੋਂ ਲੈ ਕੇ ਬੈਂਕਾਂ ਦੀਆਂ ਛੁੱਟੀਆਂ ਤਕ ਬਹੁਤ ਸਾਰੇ ਬਦਲਾਅ ਆਉਣਗੇ | ਮਈ ਦੇ ਮਹੀਨੇ ਵਿਚ, ਜੇ ਤੁਹਾਨੂੰ ਬੈਂਕ ਨਾਲ ਕੋਈ ਕੰਮ ਹੈ, ਤਾਂ ਬਰਾਂਚ ਵਿਚ ਜਾਣ ਤੋਂ ਪਹਿਲਾਂ ਛੁੱਟੀਆਂ ਦੀ ਪੂਰੀ ਸੂਚੀ ਵੇਖੋ ਤੇ ਫਿਰ ਹੀ ਘਰ ਤੋਂ ਬਾਹਰ ਜਾਣਾ |  ਮਈ ਮਹੀਨੇ ਵਿਚ ਕੁੱਲ 12 ਦਿਨ ਬੈਂਕ ਬੰਦ ਰਹਿਣਗੇ | ਮਹੀਨੇ ਦੇ ਦੂਜੇ ਅਤੇ ਚੌਥੇ ਸਨਿਚਰਵਾਰ 

8 ਅਤੇ 22 ਮਈ ਨੂੰ  ਆ ਰਹੇ ਹਨ | ਇਨ੍ਹਾਂ ਦੋਵਾਂ ਦਿਨਾਂ ਵਿਚ ਕੋਈ ਕੰਮ ਨਹੀਂ ਹੋਵੇਗਾ | ਇਸ ਤੋਂ ਇਲਾਵਾ 2 ਮਈ, 9 ਮਈ, 16 ਮਈ, 23 ਮਈ ਅਤੇ 30 ਮਈ ਨੂੰ  ਐਤਵਾਰ ਦੀ ਛੁੱਟੀ ਰਹੇਗੀ | ਮਈ ਵਿਚ ਈਦ, ਅਕਸ਼ੈ ਤਿ੍ਤੀਆ ਅਤੇ ਬੁਧ ਪੂਰਨਮਾ ਸਮੇਤ ਬਹੁਤ ਸਾਰੇ ਤਿਉਹਾਰ ਆਉਣ ਵਾਲੇ ਹਨ | ਦੇਸ਼ ਦੀਆਂ ਵੱਖ-ਵੱਖ ਸੂਬਾ ਸਰਕਾਰ ਅਪਣੇ ਸੂਬਿਆਂ ਵਿਚ ਸਥਾਨਕ ਤਿਉਹਾਰਾਂ ਮੁਤਾਬਕ ਛੁੱਟੀਆਂ ਨਿਰਧਾਰਤ ਕਰਦੀਆਂ ਹਨ | ਇਕ ਮਈ ਮਹਾਰਾਸ਼ਟਰ ਦਿਵਸ, ਮਈ ਦਿਵਸ ਹੈ | ਇਸ ਦਿਨ ਮਜ਼ਦੂਰ ਦਿਵਸ ਮਨਾਇਆ ਜਾਂਦਾ ਹੈ | ਇਸ ਦਿਨ ਕੁਝ ਸੂਬਿਆਂ ਦੇ ਬੈਂਕ ਬੰਦ ਰਹਿਣਗੇ |
ਮਈ ਮਹੀਨੇ ਵਿਚ ਬੈਂਕ ਛੁੱਟੀਆਂ ਦੀ ਸੂਚੀ
1 ਮਈ, 2021 ਮਈ ਦਿਵਸ ਹੈ | ਇਸ ਦਿਨ ਮਜ਼ਦੂਰ ਦਿਵਸ ਮਨਾਇਆ ਜਾਂਦਾ ਹੈ | ਇਸ ਦਿਨ ਕੋਲਕਾਤਾ, ਕੋਚੀ, ਮੁੰਬਈ, ਨਾਗਪੁਰ, ਪਣਜੀ, ਪਟਨਾ, ਚੇਨਈ, ਤਿਰੂਵਨੰਤਪੁਰਮ, ਹੈਦਰਾਬਾਦ, ਗੁਹਾਟੀ, ਇੰਫ਼ਾਲ, ਬੰਗਲੁਰੂ ਅਤੇ ਬੇਲਾਪੁਰ  ਸੂਬਿਆਂ ਦੇ ਬੈਂਕ ਬੰਦ ਰਹਿਣਗੇ | 7 ਮਈ ਸ਼ੁਕਰਵਾਰ ਨੂੰ  ਜਮਾਤ-ਉਲ-ਵਿਦਾ ਦੇ ਮੌਕੇ 'ਤੇ ਬੈਂਕ ਬੰਦ ਰਹਿਣਗੇ | ਰਮਜ਼ਾਨ ਦਾ ਆਖ਼ਰੀ ਜੁਮਾ ਨਮਾਜ਼ ਅਦਾ ਕੀਤੀ ਜਾਵੇਗੀ | ਇਸ ਮੌਕੇ ਸਿਰਫ ਜੰਮੂ ਅਤੇ ਸ੍ਰੀਨਗਰ ਵਿਚ ਬੈਂਕ ਹੀ ਬੰਦ ਰਹਿਣਗੇ | 13 ਮਈ ਈਦ-ਉਲ-ਫਿਤਰ ਹੈ | ਇਸ ਦਿਨ ਬੇਲਾਪੁਰ, ਜੰਮੂ, ਕੋਚੀ, ਮੁੰਬਈ, ਨਾਗਪੁਰ, ਸ੍ਰੀਨਗਰ ਅਤੇ ਤਿਰੂਵਨੰਤਪੁਰਮ ਵਿਚ ਬੈਂਕ ਬੰਦ ਰਹਿਣਗੇ | 14 ਮਈ 2021 ਸ਼ੁੱਕਰਵਾਰ ਨੂੰ  ਭਗਵਾਨ ਸ੍ਰੀ ਪਰਸ਼ੂਰਾਮ ਜੈਯੰਤੀ,  ਰਮਜ਼ਾਨ-ਈਦ (ਈਦ-ਉੱਲ-ਫ਼ਿਤਰ, ਬਸਾਵਾ ਜੈਯੰਤੀ ਅਤੇ ਅਕਸ਼ੈ ਤਿ੍ਤੀਆ) ਹੈ | 26 ਮਈ 2021 ਨੂੰ  ਬੁਧ ਪੂਰਨਮਾ ਹੈ | ਇਸ ਦਿਨ ਅਗਰਤਲਾ, ਬੇਲਾਪੁਰ, ਭੋਪਾਲ, ਚੰਡੀਗੜ੍ਹ, ਦੇਹਰਾਦੂਨ, ਜੰਮੂ, ਕਾਨਪੁਰ, ਕੋਲਕਾਤਾ, ਲਖਨਊ, ਮੁੰਬਈ, ਨਾਗਪੁਰ, ਨਵੀਂ ਦਿੱਲੀ, ਰਾਏਪੁਰ, ਰਾਂਚੀ ਅਤੇ ਸ਼ਿਮਲਾ ਅਤੇ ਸ੍ਰੀਨਗਰ ਵਿਚ ਬੈਂਕ ਬੰਦ ਰਹਿਣਗੇ