ਜੱਗੂ ਦੀ ਮਾਤਾ ਦਾ ਭਲਕੇ ਹੋਵੇਗਾ ਪੋਸਟਮਾਰਟਮ
ਵਿਦੇਸ਼ ’ਚੋਂ ਰਿਸ਼ਤੇਦਾਰ ਆਉਣ ਤੋਂ ਬਾਅਦ ਹੋਵੇਗੀ ਅਗਲੀ ਕਾਰਵਾਈ
ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਦੀ ਮਾਂ ਹਰਜੀਤ ਕੌਰ ਤੇ ਉਸ ਦੇ ਰਿਸ਼ਤੇਦਾਰ ਕਰਨਵੀਰ ਸਿੰਘ ਦਾ ਪੰਜਾਬ ਦੇ ਬਟਾਲਾ ਵਿਚ ਕਤਲ ਕਰ ਦਿਤਾ ਗਿਆ ਹੈ। ਇਸ ਦੋਹਰੇ ਕਤਲ ਦੀ ਜ਼ਿੰਮੇਵਾਰੀ ਬਬੀਹਾ ਗੈਂਗ ਨੇ ਲਈ ਹੈ। ਇਹ ਘਟਨਾ ਪੰਜਾਬ ਵਿਚ ਵਧਦੀ ਗੈਂਗਵਾਰ ਦਾ ਸੰਕੇਤ ਹੈ। ਜੱਗੂ 2015 ਤੋਂ ਜੇਲ ਵਿਚ ਹੈ ਤੇ ਉਸ ਵਿਰੁਧ ਕਤਲ, ਡਕੈਤੀ ਸਮੇਤ ਕਈ ਗੰਭੀਰ ਮਾਮਲੇ ਦਰਜ ਹਨ। ਹਰਜੀਤ ਕੌਰ ਦੀ ਲਾਸ਼ ਨੂੰ ਬਟਾਲਾ ਸਿਵਲ ਹਸਪਤਾਲ ਵਿਖੇ ਮੁਰਦਾਘਰ ਵਿਚ ਰੱਖਿਆ ਗਿਆ ਸੀ। ਜੱਗੂ ਦੀ ਮਾਸੀ ਨੇ ਦਸਿਆ ਕਿ ਆਸਟਰੇਲੀਆ ਰਹਿੰਦੇ ਜੱਗੂ ਦੇ ਭਰਾ ਦੀ ਪਤਨੀ ਦੇ ਆਉਣ ’ਤੇ ਹੀ ਉਹ ਪੋਸਟਮਾਰਟਮ ਕਰਵਾਉਣਗੇ।
ਭਲਕੇ ਹੋਵੇਗਾ ਜੱਗੂ ਭਗਵਾਨਪੁਰੀਆ ਦੀ ਮਾਂ ਦਾ ਪੋਸਟਮਾਰਟਮ ਅਤੇ ਸੰਸਕਾਰ ਰਿਸ਼ਤੇਦਾਰ ਕਰਨਗੇ ਸਸਕਾਰ ਇਹ ਜਾਣਕਾਰੀ ਜੱਗੂ ਭਗਵਾਨਪੁਰੀਆ ਦੇ ਨਜ਼ਦੀਕੀ ਰਿਸ਼ਤੇਦਾਰ ਨੇ ਦਿੰਦੇ ਹੋਏ ਕਿਹਾ ਕਿ ਮੇਰੀ ਰਿਸ਼ਤੇਦਾਰੀ ਹੈ ਜੱਗੂ ਭਗਵਾਨਪੁਰੀਏ ਨਾਲ ਮੈਂ ਜੱਗੂ ਦਾ ਮਾਮਾ ਲੱਗਦਾ ਹਾਂ ਦੋ ਦਿਨ ਪਹਿਲਾਂ ਹੀ ਮੈਂ ਜੱਗੂ ਦੀ ਮਾਤਾ ਦੇ ਨਾਲ ਘਰੇ ਮਿਲ ਕੇ ਗਿਆ ਹਾਂ ਪਿਛਲੇ ਛੇ ਮਹੀਨੇ ਤੋਂ ਉਹ ਪਿੰਡ ਛੱਡ ਕੇ ਬਟਾਲੇ ਦੇ ਅਰਬਨ ਸਟੇਟ ਇਲਾਕੇ ’ਚ ਇਕ ਕੋਠੀ ’ਚ ਕਿਰਾਏ ’ਤੇ ਰਹਿ ਰਹੇ ਸੀ। ਜੱਗੂ ਦੀ ਮਾਤਾ ਬਹੁਤ ਚੰਗੇ ਸੁਭਾਅ ਦੇ ਸੀ। ਜੋ ਵੀ ਹੋਇਆ ਸਾਨੂੰ ਕੁਝ ਨਹੀਂ ਪਤਾ ਕਿਉਂ ਹੋਇਆ ਹੈ ਕਿਸ ਨੇ ਮਾਰਿਆ ਹੈ ਪਰ ਜੱਗੂ ਦਾ ਇਕ ਭਰਾ ਵਿਦੇਸ਼ ਵਿਚ ਹੈ ਤੇ ਜੱਗੂ ਜੇਲ ਵਿਚ ਹੈ ਅਸੀਂ ਪ੍ਰਸ਼ਾਸਨ ਤੋਂ ਮੰਗ ਕਰਦੇ ਹਾਂ ਕਿ ਜੱਗੂ ਨੂੰ ਪਰੋਲ ਤੇ ਭੇਜਿਆ ਜਾਵੇ ਤਾਂ ਕਿ ਉਹ ਆਪਣੀ ਮਾਂ ਦੀਆਂ ਅੰਤਿਮ ਰਸਮਾਂ ਕਰ ਸਕੇ।