ਸਮਾਲ ਖਾਂ ਵਿਖੇ ਲੱਗਿਆ ਵੱਡਾ ਨਾਕਾ ਤੋੜ ਕੇ ਜੈਕਾਰੇ ਲਗਾਉਂਦੇ ਦਿੱਲੀ ਵੱਲ ਵਧੇ ਕਿਸਾਨ

Farmer Protest

ਸੋਨੀਪਤ - ਰਾਤ ਭਰ ਦੀ ਵੱਡੀ ਮਿਹਨਤ ਨਾਲ ਹਜ਼ਾਰਾਂ ਪੁਲਿਸ ਕਰਮੀਆਂ ਅਤੇ ਹੋਰ ਮੁਲਾਜ਼ਮਾਂ ਵਲੋਂ ਸੋਨੀਪਤ ਅਤੇ ਪਾਣੀਪਤ ਦੇ ਵਿਚਕਾਰ ਖੜ੍ਹੀਆਂ ਕੀਤੀਆਂ ਵੱਡੀਆਂ ਰੋਕਾਂ ਨੂੰ ਕਿਸਾਨ ਦਾ ਮੇਲ ਮਿੰਟਾਂ 'ਚ ਹੀ ਧੂਹ ਕੇ ਲੈ ਗਿਆ। ਜੀ. ਟੀ. ਰੋਡ 'ਤੇ 20 ਫੁੱਟ ਖਾਈ ਪੁੱਟ ਕੇ ਰੇਤੇ ਦੇ ਵੱਡੇ ਢੇਰ ਲਗਾ ਦਿੱਤੇ ਗਏ ਸਨ ਅਤੇ ਸੜਕ 'ਤੇ ਕੰਟੇਨਰ ਖੜ੍ਹੇ ਕਰ ਦਿੱਤੇ ਗਏ ਸਨ। ਵੱਡੇ ਬੈਰੀਕੇਡ ਲਗਾ ਕੇ ਹਜ਼ਾਰਾਂ ਪੁਲਿਸ ਮੁਲਾਜ਼ਮ ਤੈਨਾਤ ਕੀਤੇ ਗਏ ਸਨ

ਪਰ 10 ਕੁ ਵਜੇ ਕਿਸਾਨਾਂ ਦੇ ਇਕੱਠੇ ਹੋਏ ਹਜੂਮ ਨੇ ਟਰਾਲੀਆਂ ਲਾ ਕੇ ਖੜ੍ਹੇ ਕੀਤੇ ਵੱਡੇ ਕੰਟੇਨਰ ਧੂਹ ਕੇ ਖੇਤਾਂ 'ਚ ਸੁੱਟ ਦਿੱਤੇ ਅਤੇ 8 ਫੁੱਟ ਡੂੰਘੀ ਪੱਟੀ ਖਾਈ ਰੇਤੇ ਨਾਲ ਬੰਦ ਕਰ ਦਿੱਤੀ। ਪਾਣੀ ਦੀਆਂ ਬੁਛਾੜਾਂ ਛੱਡ ਦੀ ਪੁਲਿਸ ਨੂੰ ਕੁਝ ਹੀ ਮਿੰਟਾਂ 'ਚ ਰਸਤਾ ਖਾਲੀ ਕਰਨ ਲਈ ਮਜਬੂਰ ਹੋਣਾ ਪਿਆ ਅਤੇ ਕਿਸਾਨ ਜੈਕਾਰੇ ਲਗਾਉਂਦੇ ਹੋਏ ਦਿੱਲ ਵੱਲ ਵਧ ਗਏ। 

ਇਸ ਦੇ ਨਾਲ ਹੀ ਦੱਸ ਦਈਏ ਕਿ  ਅੱਜ ਚੜ੍ਹਦੀ ਸਵੇਰ ਹੀ ਕਰਨਾਲ ਪਾਣੀਪਤ ਜੀਂਦ ਲਾਗੇ ਰੁਕੇ ਪੰਜਾਬ ਦੇ ਕਿਸਾਨਾਂ ਦੇ ਕਾਫ਼ਲੇ ਨੇ ਦੁਬਾਰਾ ਚਾਲੇ ਪਾਉਣੇ ਸ਼ੁਰੂ ਕਰ ਦਿੱਤੇ ਹਨ। ਕਰਨਾਲ ਤੋਂ ਸੋਨੀਪਤ ਤੱਕ ਹਜ਼ਾਰਾਂ ਟਰਾਲੀਆਂ ਤੇ ਹੋਰ ਗੱਡੀਆਂ ਦੇ ਕਾਫ਼ਲੇ ਜੀ.ਟੀ ਰੋਡ 'ਤੇ ਚੱਲ ਰਹੇ ਹਨ। ਸਵੇਰੇ 8 ਕੁ ਵਜੇ ਪਾਣੀਪਤ ਤੋਂ ਅੱਗੇ ਪੁਲਿਸ ਵਲੋਂ ਟਰੱਕ ਖੜੇ ਕਰਕੇ ਅਤੇ ਬੈਰੀਕੇਡ ਲਗਾ ਕੇ ਕਿਸਾਨ ਕਾਫ਼ਲੇ ਨੂੰ ਰੋਕਣ ਦਾ ਯਤਨ ਕੀਤਾ ਗਿਆ

ਪਰ ਕਿਸਾਨਾਂ ਦਾ ਹਜੂਮ ਨੇ ਨਾਕੇ ਤੋੜ ਕੇ ਅੱਗੇ ਵੱਧ ਗਏ ਹਨ। ਜੀ.ਟੀ. ਰੋਡ 'ਤੇ ਪਾਣੀਪਤ ਲਾਗੇ ਪੁਲਿਸ ਨੇ ਸੜਕ ਉੱਪਰ 20 ਫੁੱਟ ਖਾਈ ਪੁੱਟ ਦਿੱਤੀ ਹੈ ਅਤੇ ਵੱਡੀ ਗਿਣਤੀ ਵਿਚ ਟਰੱਕ ਅਤੇ ਕਨਟੇਨਰ ਖੜੇ ਕਰਕੇ ਭਾਰੀ ਗਿਣਤੀ ਵਿਚ ਪੁਲਿਸ ਬਲ ਲਾਈ ਹੋਈ ਹੈ। ਇਸ ਨਾਕੇ 'ਤੇ ਇਸ ਵੇਲੇ ਹਜ਼ਾਰਾਂ ਦੀ ਗਿਣਤੀ 'ਚ ਟਰਾਲੀਆਂ ਖੜੀਆਂ ਹਨ ਤੇ ਤਣਾਅ ਬਣਿਆ ਹੋਇਆ ਹੈ।