ਬੀਐਸਐਫ ਦੇ ਜਵਾਨਾਂ ਨੇ ਅਬੋਹਰ ਸੈਕਟਰ ਵਿੱਚ ਹੈਰੋਇਨ ਦਾ ਸ਼ੱਕੀ ਪੈਕੇਟ ਕੀਤਾ ਬਰਾਮਦ

ਫਾਜ਼ਿਲਕਾ: ਬੀਐਸਐਫ ਦੇ ਜਵਾਨਾਂ ਨੇ ਇੱਕ ਵਾਰ ਫਿਰ ਦੇਸ਼ ਵਿਰੋਧੀ ਅਨਸਰਾਂ ਵੱਲੋਂ ਨਸ਼ਾ ਤਸਕਰੀ ਦੀ ਨਾਪਾਕ ਕੋਸ਼ਿਸ਼ ਨੂੰ ਨਾਕਾਮ ਕਰ ਦਿੱਤਾ ਹੈ। ਜਵਾਨਾਂ ਨੇ ਫਾਜ਼ਿਲਕਾ ਦੇ ਪਿੰਡ ਮਹਿਰ ਜਮਸ਼ੇਰ ਨੇੜੇ ਸਰਹੱਦੀ ਕੰਡਿਆਲੀ ਤਾਰ ਦੇ ਸਾਹਮਣੇ ਗਸ਼ਤ ਦੌਰਾਨ ਬੀਤੀ ਰਾਤ ਕਰੀਬ 3.30 ਵਜੇ ਇਕ ਸ਼ੱਕੀ ਵਸਤੂ ਦੇਖੀ। ਤਲਾਸ਼ੀ ਦੌਰਾਨ ਜਵਾਨਾਂ ਨੇ ਖੇਤ 'ਚੋਂ 642 ਗ੍ਰਾਮ ਦਾ ਇਕ ਪੈਕੇਟ ਬਰਾਮਦ ਕੀਤਾ, ਜਿਸ 'ਚ ਹੈਰੋਇਨ ਹੋਣ ਦੇ ਸ਼ੱਕ 'ਚ ਸੀ.