B ED Pass Student Punjab Sarkar Punjab Captain Amarinder Singh

ਮਾਨਸਾ: ਪੰਜਾਬ ਵਿਚ ਨੌਜਵਾਨ ਡਿਗਰੀਆਂ ਹਾਸਲ ਕਰ ਕੇ ਵੀ ਮਜ਼ਦੂਰੀ ਕਰਨ ਨੂੰ ਮਜ਼ਬੂਰ ਹੈ। ਅੱਜ ਨੌਜਵਾਨ ਮੁੰਡੇ-ਕੁੜੀਆਂ ਬੀਐਡ ਕਰ ਕੇ ਵੀ ਮਜ਼ਦੂਰੀ ਕਰ ਰਹੇ ਹਨ। ਅਜਿਹਾ ਹੀ ਇਕ ਨੌਜਵਾਨ ਮਾਨਸਾ ਤੋਂ ਹੈ ਜਿਸ ਦੀ ਪੜ੍ਹਾਈ ਬੀਐਡ ਅਤੇ ਐਮ ਏ ਕਰ ਚੁੱਕਾ ਹੈ। ਉਸ ਨੇ ਸੀ ਟੈੱਟ ਤੇ ਪੀ ਟੈੱਟ ਵੀ ਪਾਸ ਕੀਤਾ ਹੋਇਆ ਹੈ ਪਰ ਉਹ ਬਰਗਰਾਂ ਦੀ ਦੁਕਾਨ ਲਗਾਉਂਦਾ ਹੈ।

ਉਸ ਨੇ ਸਰਕਾਰ ਨੂੰ ਇਸ ਦਾ ਜ਼ਿੰਮੇਵਾਰ ਠਹਿਰਾਉਂਦਿਆ ਕਿਹਾ ਕਿ ਸਰਕਾਰ ਨੇ ਕਾਰੋਬਾਰ ਨੂੰ ਲੈ ਕੇ ਅਪਣੇ ਵਾਅਦੇ ਪੂਰੇ ਨਹੀਂ ਕੀਤੇ ਹਨ। ਉਹਨਾਂ ਨੇ ਸਿੱਖਿਆ ਮੰਤਰੀ ਦੀ ਕੋਠੀ ਵੀ ਘੇਰੀ ਸੀ ਪਰ ਉਹਨਾਂ ਨੂੰ ਲਾਠੀਆਂ, ਪਾਣੀ ਦੀਆਂ ਬੋਛਾੜਾਂ ਕਰ ਕੇ ਭਜਾ ਦਿੱਤਾ ਗਿਆ।

ਉਹਨਾਂ ਨੇ ਧਰਨੇ ਵੀ ਲਗਾਏ ਸਨ ਪਰ ਉਹਨਾਂ ਨੂੰ ਕੋਈ ਫ਼ਾਇਦਾ ਨਹੀਂ ਹੋਇਆ। ਉਸ ਨੇ ਅਪਣੀ ਪੜ੍ਹਾਈ ਨੂੰ ਲੈ ਕੇ ਦਸਿਆ ਕਿ ਛੋਟੇ ਹੁੰਦੇ ਉਹ ਸਰਕਾਰੀ ਸਕੂਲ ਵਿਚ ਪੜ੍ਹੇ ਹਨ ਤੇ ਉਸ ਤੋਂ ਬਾਅਦ ਐਮ ਦੀ ਪੜ੍ਹਾਈ ਤਾਂ ਉਸ ਦੇ ਦੋਸਤਾਂ ਦੇ ਖਰਚੇ ਤੇ ਹੀ ਚੱਲੀ ਸੀ।

ਉਸ ਦੇ ਪਿਤਾ ਪੇਂਟ ਦਾ ਕੰਮ ਕਰਦੇ ਹਨ ਤੇ ਉਹ ਵੀ ਅਪਣੇ ਪਿਤਾ ਨਾਲ ਜਾਂਦੇ ਹੁੰਦੇ ਸਨ ਤੇ ਉਹ ਬਰਗਰਾਂ ਦਾ ਕੰਮ ਵੀ ਸਿਖ ਗਏ ਸਨ। ਫਿਰ ਜਦੋਂ ਉਹਨਾਂ ਨੂੰ ਨੌਕਰੀ ਨਹੀਂ ਮਿਲੀ ਤਾਂ ਉਹਨਾਂ ਨੇ ਮਜ਼ਬੂਰਨ ਇਹ ਰਸਤਾ ਚੁਣਿਆ ਤੇ ਅਪਣਾ ਕਾਰੋਬਾਰ ਸ਼ੁਰੂ ਕਰ ਦਿੱਤਾ। ਸਰਕਾਰ ਨੌਜਵਾਨਾਂ ਬਾਰੇ ਕੁੱਝ ਨਹੀਂ ਸੋਚਦੀ ਤੇ ਬਹੁਤ ਘਟ ਗਿਣਤੀ ਵਿਚ ਅਸਾਮੀਆਂ ਕੱਢ ਕੇ ਲੋਕਾਂ ਨਾਲ ਮਜ਼ਾਕ ਹੀ ਕਰਦੀ ਹੈ।

ਇਸ ਵਿਚ ਵੀ ਜਾਤੀ, ਵਿਸ਼ਾ ਦੇ ਆਧਾਰ ਤੇ ਪੋਸਟਾਂ ਵੰਡੀਆਂ ਜਾਂਦੀਆਂ ਹਨ। ਰਕੇਸ਼ ਕੁਮਾਰ ਦਾ ਕਹਿਣਾ ਹੈ ਕਿ ਉਹਨਾਂ ਦੇ ਘਰ ਦੇ ਹਾਲਾਤ ਵੀ ਮਾੜੇ ਹਨ ਇਸ ਲਈ ਉਹਨਾਂ ਨੇ ਘਰ ਦਾ ਖਰਚ ਚਲਾਉਣ ਲਈ ਇਹ ਕੰਮ ਚੁਣਿਆ। ਉਹਨਾਂ ਦਸਿਆ ਕਿ ਉਹਨਾਂ ਨੇ ਬੜੇ ਮੁਸ਼ਕਿਲ ਹਾਲਾਤਾਂ ਵਿਚ ਅਪਣੀ ਪੜ੍ਹਾਈ ਪੂਰੀ ਕੀਤੀ ਸੀ। ਪਰ ਅੱਜ ਦੀ ਸਰਕਾਰ ਸੁੱਤੀ ਪਈ ਹੈ ਉਸ ਨੂੰ ਬੇਰੁਜ਼ਗਾਰੀ ਨਜ਼ਰ ਨਹੀਂ ਆਉਂਦੀ।