ਦੋ ਜਾਨਾਂ ਪਰ ਇਕ ਸਰੀਰ, ਇਹ ਹੈ ਅਸਲ ਜ਼ਿੰਦਗੀ ਵਿਚ ਕੁਦਰਤ ਦਾ ਚਮਤਕਾਰ 

ਚੰਡੀਗੜ੍ਹ, 27 ਜੁਲਾਈ (ਸਸਸ) : ਤੁਸੀਂ ਸਲਮਾਨ ਖ਼ਾਨ ਦੀ ਫ਼ਿਲਮ ਜੁੜਵਾ ਨੂੰ ਵੇਖਿਆ ਹੋਵੇਗਾ, ਹੁਣ ‘ਜੁੜਵਾ’ ਦੀ ਅਸਲ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਦੋ ਜਾਨਾਂ ਹਨ ਪਰ ਸਰੀਰ ਇਕ ਹੈ। ਦੋ ਜਾਨਾਂ ਅਤੇ ਦੋ ਮੂੰਹ ਪਰ ਪੇਟ ਸਿਰਫ ਇਕ। ਸੋਹਣਾ-ਮੋਹਣਾ ਦੁਨੀਆਂ ਦੇ ਇਕਲੌਤੇ ਜੁੜਵਾ ਭਰਾ ਹਨ ਜਿਨ੍ਹਾਂ ਵਿਚ ਕੋਈ ਵੱਡਾ ਅਤੇ ਛੋਟਾ ਨਹੀਂ ਹੈ। ਇਕ ਨੂੰ ਖਿਚੜੀ ਪਸੰਦ ਹੈ, ਦੂਸਰੇ ਨੂੰ ਖੀਰ। ਦੋਵੇਂ ਇਕੋ ਸਮੇਂ ਦੋ ਅਲੱਗ-ਅਲੱਗ ਭਾਡਿਆਂ ਵਿਚ ਖਾਣਾ ਖਾਂਦੇ ਹਨ, ਪਰ ਪੇਟ ਇਕ ਹੈ।  ਇਕ ਨੂੰ ਚਾਹ ਅਤੇ ਦੂਜੇ ਨੂੰ ਕੌਫ਼ੀ ਪਸੰਦ ਹੈ।

ਇਕ ਦੇਰ ਰਾਤ ਤਕ ਟੀਵੀ ਦੇਖਣਾ ਚਾਹੁੰਦਾ ਹੈ ਅਤੇ ਦੂਜਾ ਜਲਦੀ ਸੌਣਾ ਚਾਹੁੰਦਾ ਹੈ ਪਰ ਦੋਵੇਂ ਬੇਵਸ ਹਨ। ਦੋਵੇਂ ਭਰਾਵਾਂ ’ਚ ਸਮਝੌਤਾ ਹੋ ਗਿਆ ਹੈ ਕਿ ਕੁਝ ਵੀ ਅਜਿਹਾ ਨਾ ਖਾਧਾ  ਜਾਵੇ ਜਿਸ ਨਾਲ ਪੇਟ ਖ਼ਰਾਬ ਹੋ ਜਾਵੇ ਨਹੀਂ ਤਾਂ ਦੋਵਾਂ ਨੂੰ ਜਾਗਣਾ ਪਵੇਗਾ। ਇਕ ਨੂੰ ਦੇਰ ਰਾਤ ਤਕ ਜਾਗਣਾ ਪਸੰਦ ਹੈ ਉੱਥੇ ਦੂਜੇ ਨੂੰ ਸੌਂਣਾ ਪਸੰਦ ਹੈ। ਦੋਹਾਂ ਨੇ ਮੰਗਲਵਾਰ ਨੂੰ ਆਪਣਾ 15ਵਾਂ ਜਨਮ ਦਿਨ ਮਨਾਇਆ।

ਆਲ ਇੰਡੀਆ ਪਿੰਗਲਵਾੜਾ ਚੈਰੀਟੇਬਲ ਟਰੱਸਟ ਦੀ ਡਾਇਰੈਕਟਰ ਡਾ: ਇੰਦਰਜੀਤ ਕੌਰ ਨੇ ਦਸਿਆ ਕਿ ਉਹ ਬੱਚਿਆਂ ਨੂੰ ਦਿੱਲੀ ਤੋਂ ਅੰਮ੍ਰਿਤਸਰ ਲੈ ਕੇ ਆਈ ਸੀ। ਅੱਜ ਦੋਵੇਂ ਖ਼ੁਸ਼ ਹਨ। ਡਾ: ਇੰਦਰਜੀਤ ਅਨੁਸਾਰ, ਸੋਹਣਾ-ਮੋਹਣਾ ਦੇ ਦੋ ਚਿਹਰੇ, ਚਾਰ ਹੱਥ ਅਤੇ ਦੋ ਦਿਮਾਗ਼ ਤੇ ਸੋਚ ਤੋਂ ਵਖਰੇ ਹਨ। ਲੱਤਾਂ ਦੋ ਹਨ। ਇਸ ਲਈ ਇਕ ਸਮੇਂ ਦੋ ਦਿਮਾਗ਼ ਉਨ੍ਹਾਂ ਨੂੰ ਵੱਖੋ ਵਖ ਦਿਸ਼ਾਵਾਂ ਵਲ ਚੱਲਣ ਲਈ ਮਜਬੂਰ ਕਰਦੇ ਹਨ।

ਪੇਟ ਇਕ ਹੈ, ਪਰ ਸੁਵਾਦ ਦੋ ਹਨ। ਸੋਹਣਾ ਸਰਦੀਆਂ ਵਿਚ ਚਾਕਲੇਟ ਖਾਂਦਾ ਹੈ ਅਤੇ ਮੋਹਣਾ ਚਾਹ ਪੀਂਦਾ ਹੈ। ਬੱਚਿਅ ਦਾ ਜਨਮ 13 ਜੂਨ 2013 ਨੂੰ ਦਿੱਲੀ ਦੇ ਸੁਚੇਤਾ ਕ੍ਰਿਪਲਾਨੀ ਹਸਪਤਾਲ ਵਿਚ ਹੋਇਆ ਸੀ। ਡਾਕਟਰ ਨੇ ਕਿਹਾ ਸੀ ਕਿ ਕੇਵਲ ਵਾਹਿਗੁਰੂ ਅਜਿਹੇ ਬੱਚਿਆਂ ਨੂੰ ਜੀਵਨ ਦੇ ਸਕਦਾ ਹੈ, ਵਿਗਿਆਨ ਕਹਿੰਦਾ ਹੈ ਕਿ ਅਜਿਹੇ ਬੱਚੇ 24 ਘੰਟਿਆਂ ਤਕ ਜੀਵਤ ਰਹਿ ਸਕਦੇ ਹਨ। 

ਇਹ ਚੀਜ਼ ਪਿੰਗਲਵਾੜਾ ਪਹੁੰਚੀ. ਡਾ: ਇੰਦਰਜੀਤ ਨੇ ਦਸਿਆ ਕਿ ਜਦੋਂ ਉਹ ਪਹਿਲੀ ਵਾਰ ਸੋਹਣਾ-ਮੋਹਣਾ ਨੂੰ ਮਿਲੀ, ਤਾਂ ਉਸ ਨੇ ਮਹਿਸੂਸ ਕੀਤਾ ਕਿ ਜੇ ਉਸ ਨੂੰ ਕੁਦਰਤ ਦੇ ਇਸ ਖ਼ੂਬਸੂਰਤ ਦਾਤ ਨੂੰ ਜ਼ਿੰਦਾ ਰੱਖਣ ਦੀ ਜ਼ਰੂਰਤ ਪਈ ਤਾਂ ਉਹ ਸਾਹ ਦੇ ਦੇਵੇਗੀ। ਮੰਗਲਵਾਰ ਨੂੰ ਸੋਹਣਾ-ਮੋਹਣਾ ਦੇ 15ਵੇਂ ਜਨਮਦਿਨ ’ਤੇ ਬੱਚਿਆਂ ਨੂੰ ਚਾਕਲੇਟ ਵੰਡੀ ਗਈ। ਇਨ੍ਹਾਂ ਬੱਚਿਆਂ ਦਾ ਕਿਡਨੀ, ਜਿਗਰ, ਬਲੈਡਰ ਜੁੜੇ ਹੋਏ ਹਨ, ਜਦਕਿ ਸਿਰ, ਛਾਤੀ, ਦਿਲ, ਫੇਫੜੇ ਅਤੇ ਰੀੜ ਦੀ ਹੱਡੀ ਵਖਰੇ ਹਨ।