ਸਿੱਧੂ ਦੇ ਅਸਤੀਫੇ 'ਤੇ ਰਵਨੀਤ ਬਿੱਟੂ ਦਾ ਬਿਆਨ,'ਹੁਣ ਜੋ ਮਰਜ਼ੀ ਰੁੱਸੀ ਜਾਵੇ ਕੋਈ ਮਨਾਉਣ ਨਹੀਂ ਆਵੇਗਾ'

Ravneet Bittu

 

ਚੰਡੀਗੜ੍ਹ -ਅੱਜ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੱਧੂ ਨੇ ਅਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ ਜਿਸ ਤੋਂ ਬਾਅਦ ਪੰਜਾਬ ਕਾਂਗਰਸ ਵਿਚ ਇਕ ਵਾਰ ਫਿਰ ਹਲਚਲ ਮਚ ਗਈ ਹੈ। ਸਿੱਧੂ ਦੇ ਅਸਤੀਫੇ ਤੇ ਸੰਸਦ ਮੈਂਬਰ ਰਵਨੀਤ ਬਿੱਟੂ ਨੇ ਵੱਡਾ ਬਿਆਨ ਦਿੱਤਾ ਹੈ। ਉਹਨਾਂ ਕਿਹਾ ਕਿ ਅੱਜ ਬਹੁਤ ਹੀ ਖ਼ੁਸ਼ੀ ਦਾ ਮਾਹੌਲ ਹੈ। ਅੱਜ ਸਾਰੇ ਕਾਂਗਰਸੀ ਮੰਤਰੀ ਬਹੁਤ ਖੁਸ਼ ਹਨ। ਸਾਰੇ ਇਕਜੁਟ ਹਨ।

 

 

ਹਰੇਕ ਕੋਨੇ ਤੋਂ ਕਾਂਗਰਸੀ ਵਰਕਰ ਇਥੇ ਕੰਮ ਕਰ ਰਿਹਾ ਹੈ ਪਰ ਕੁੱਝ ਬੰਦੇ ਅਜਿਹੇ ਵੀ ਹੁੰਦੇ ਹਨ ਜੋ ਖਰਾਬੀ ਕਰ ਦਿੰਦੇ ਹਨ ਜਿਹਨਾਂ ਨੇ ਸਿਰ ਵਿਚ ਸੁਆਹ ਪਾਉਣੀ ਹੁੰਦੀ ਹੈ। ਪਰ ਸ਼ਾਇਦ ਉਹ ਕਾਂਗਰਸ ਦੀ ਵਿਚਾਰਤਾਰਾ ਨੂੰ ਨਹੀਂ ਜਾਣਦੇ। ਪਰ ਅੱਜ ਜੇ ਕੋਈ ਸੁਖਜਿੰਦਰ ਰੰਧਾਵੇ ਦੇ ਮਹਿਕਮੇ ਤੋਂ ਖ਼ੁਸ਼ ਨਹੀਂ ਹੈ ਤਾਂ ਇਹ ਕੰਮ ਪਾਰਟੀ ਦਾ ਹੈ।

 

 

ਕਿਸੇ ਨੇ ਇਹ ਕਿਹਾ ਕਿ ਉਹ ਪ੍ਰਧਾਨ ਕਿਉਂ ਬਣੇ। ਕਿਸੇ ਨੇ ਕਿਹਾ ਕਿ ਕਿਹੜਾ ਅਹੁਦਾ ਕਿਸਨੂੰ ਮਿਲਣ ਚਾਹੀਦਾ। ਬਿੱਟੂ ਨੇ ਕਿਹਾ ਕਿ ਬੰਦਿਆਂ ਨਾਲ ਕਦੇ ਪਾਰਟੀ ਨੂੰ ਨੁਕਸਾਨ ਨਹੀਂ ਹੁੰਦਾ।

 

 

ਲੋਕ ਪਾਰਟੀਆਂ ਵਿਚ ਆਉਂਦੇ ਹਨ ਚਲੇ ਜਾਂਦੇ ਹਨ। 'ਕਾਂਗਰਸ 'ਚ ਕਈ ਆਏ ਬੈਟਿੰਗ ਤੇ ਬਾਲਿੰਗ ਕਰਕੇ ਚਲੇ ਗਏ, ਹੁਣ ਰੁੱਸਿਆਂ ਨੂੰ ਕੋਈ ਨਹੀਂ ਮਨਾਏਗਾ ਤੇ ਇਕ ਬੰਦੇ ਦੇ ਜਾਣ ਨਾਲ ਪਾਰਟੀ ਨਹੀਂ ਰੁਕਦੀ ਇਹ 100 ਸਾਲ ਪੁਰਾਣੀ ਪਾਰਟੀ ਹੈ, ਹੁਣ ਕੋਈ ਮਰਜ਼ੀ ਰੁੱਸੀ ਜਾਵੇ ਕੋਈ ਮਨਾਉਣ ਨਹੀਂ ਆਵੇਗਾ।