Sonu Sood WhatsApp : 61 ਘੰਟਿਆਂ ਬਾਅਦ ਚੱਲਿਆ ਸੋਨੂੰ ਸੂਦ ਦਾ WhatsApp, ਇੱਕੋ ਸਮੇਂ ਮਿਲੇ 9 ਹਜ਼ਾਰ ਤੋਂ ਵੱਧ ਮੈਸੇਜ

Sonu Sood WhatsApp : ਬਾਲੀਵੁੱਡ ਅਦਾਕਾਰ, ਨਿਰਮਾਤਾ ਅਤੇ ਮਾਡਲ ਸੋਨੂੰ ਸੂਦ  (Sonu Sood) ਇੱਕ ਵਾਰ ਫਿਰ ਚਰਚਾ ਵਿੱਚ ਆ ਗਏ ਹਨ। ਇਸ ਵਾਰ ਖਬਰਾਂ 'ਚ ਆਉਣ ਦਾ ਕਾਰਨ ਉਨ੍ਹਾਂ ਦਾ ਵਟਸਐਪ ਅਕਾਊਂਟ ਹੈ, ਜੋ ਅਚਾਨਕ ਬਲੌਕ ਹੋ ਗਿਆ ਸੀ। ਇਹ ਅਕਾਊਂਟ 2 ਦਿਨਾਂ ਤੋਂ ਵੱਧ ਸਮੇਂ ਤੱਕ ਬੰਦ ਰਿਹਾ।

ਸੋਨੂੰ ਸੂਦ ਨੇ 28 ਅਪ੍ਰੈਲ ਨੂੰ X ਯਾਨੀ ਟਵਿੱਟਰ 'ਤੇ ਪੋਸਟ ਕਰਕੇ ਜਾਣਕਾਰੀ ਸਾਂਝੀ ਕਰਕੇ ਦੱਸਿਆ ਸੀ ਕਿ ਉਸਦੇ ਵਟਸਐਪ ਅਕਾਊਂਟ ਦੀ ਸਰਵਿਸ 61 ਘੰਟਿਆਂ ਬਾਅਦ ਮੁੜ ਸ਼ੁਰੂ ਹੋ ਗਈ ਹੈ। ਵਟਸਐਪ ਦੀ ਸਰਵਿਸ ਰੀਸ੍ਟੋਰ ਹੋਣ ਤੋਂ ਬਾਅਦ ਉਨ੍ਹਾਂ ਨੂੰ 9483 ਮੈਸੇਜ ਅਣ-ਰੀਡ ਸਟੇਟਸ ਨਾਲ ਨਜ਼ਰ ਆਏ।

ਕਈ ਲੋੜਵੰਦਾਂ ਦੀ ਨਹੀਂ ਕਰ ਸਕੇ ਮਦਦ  

ਸੋਨੂੰ ਸੂਦ ਨੇ ਅੱਗੇ ਦੱਸਿਆ ਕਿ ਅਕਾਊਂਟ ਦੀ ਸਰਵਿਸ ਬੰਦ ਹੋਣ ਕਰਕੇ ਉਹ ਕਈ ਲੋੜਵੰਦਾਂ ਦੀ ਸਮੇਂ ਸਿਰ ਮਦਦ ਨਹੀਂ ਕਰ ਸਕੇ। ਸੋਨੂੰ ਸੂਦ ਅਕਸਰ ਲੋੜਵੰਦ ਲੋਕਾਂ ਦੀ ਮਦਦ ਕਰਦੇ ਨਜ਼ਰ ਆਉਂਦੇ ਹਨ। ਨਾਲ ਹੀ, ਉਨ੍ਹਾਂ ਨੇ ਕੋਰੋਨਾ ਦੇ ਸਮੇਂ ਦੌਰਾਨ ਲੱਖਾਂ ਲੋਕਾਂ ਦੀ ਮਦਦ ਕੀਤੀ ਸੀ।

ਮੀਡੀਆ ਰਿਪੋਰਟਾਂ ਮੁਤਾਬਕ ਸੋਨੂੰ ਸੂਦ ਨੇ ਵਟਸਐਪ ਨੂੰ ਇਸ ਸਮੱਸਿਆ ਵੱਲ ਧਿਆਨ ਦੇਣ ਅਤੇ ਪਤਾ ਲਗਾਉਣ ਲਈ ਕਿਹਾ। ਲੋੜ ਪੈਣ 'ਤੇ ਕਈ ਲੋਕ ਉਸ ਨੂੰ ਵਟਸਐਪ 'ਤੇ ਕਾਲ ਕਰਦੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਸੋਨੂੰ ਸੂਦ ਅਕਸਰ ਲੋਕਾਂ ਦੀ ਮਦਦ ਕਰਦੇ ਨਜ਼ਰ ਆਉਂਦੇ ਹਨ।

ਸੋਨੂੰ ਸੂਦ ਨੇ ਸ਼ਨੀਵਾਰ ਨੂੰ ਜ਼ਾਹਰ ਕੀਤੀ ਸੀ ਆਪਣੀ ਨਾਰਾਜ਼ਗੀ  

ਸੋਨੂੰ ਸੂਦ ਨੇ ਐਕਸ ਪਲੇਟਫਾਰਮ 'ਤੇ ਲਿਖਿਆ ਸੀ ਕਿ ਮੇਰਾ ਵਟਸਐਪ ਅਕਾਊਂਟ ਕੰਮ ਨਹੀਂ ਕਰ ਰਿਹਾ ਹੈ। 36 ਘੰਟੇ ਤੋਂ ਵੱਧ ਸਮਾਂ ਹੋ ਗਿਆ ਹੈ। ਉਸਨੇ ਅੱਗੇ ਕਿਹਾ ਕਿ ਮੈਨੂੰ ਸਿੱਧਾ ਮੇਰੇ ਖਾਤੇ 'ਤੇ ਮੈਸੇਜ ਭੇਜੋ। ਸੈਂਕੜੇ ਲੋੜਵੰਦ ਲੋਕ ਮਦਦ ਮੇਰੇ ਤੱਕ ਪਹੁੰਚਣ ਦੀ ਕੋਸ਼ਿਸ਼ ਕਰ ਰਹੇ ਹੋਣਗੇ।