ਸੜਕ 'ਤੇ ਮਦਦ ਲਈ ਤਫੜਦਾ ਰਿਹਾ ਨੌਜਵਾਨ, ਕਿਸੇ ਨਾ ਪੁੱਛਿਆ ਪਾਣੀ
ਕੜਕਦੀ ਧੁੱਪ ਵਿਚ ਮਦਦ ਲਈ ਤਫੜਦਾ ਰਿਹਾ ਨੌਜਵਾਨ
ਚੰਡੀਗੜ੍ਹ: ਮੀਡੀਆ ਤੇ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜੋ ਕਿ ਸਾਡੇ ਸਮਾਜ ਦੀ ਤਰਾਸਦੀ ਨੂੰ ਸਾਫ ਬਿਆਨ ਕਰਦੀ ਹੈ ਤੇ ਵੀਡੀਓ ਮੋਗਾ ਤੋਂ ਮਖੂ ਨੂੰ ਜਾਂਦੇ ਹਾਈਵੇਅ ਦੀ ਦੱਸੀ ਜਾ ਰਹੀ ਹੈ ਜਿੱਥੇ ਸੜਕ 'ਤੇ ਕੜਕਦੀ ਧੁੱਪ ਵਿਚ ਇੱਕ ਨੌਜਵਾਨ ਦੌਰਾ ਪੈਣ ਨਾਲ ਡਿਗ ਜਾਂਦਾ ਹੈ।
ਆਲੇ ਦੁਆਲੇ ਸੈਂਕੇੜੇ ਦੀ ਮਾਤਾਰਾ ਵਿਚ ਗੱਡੀਆਂ ਗੁਜ਼ਰਦੀਆਂ ਨੇ ਪਰ ਕੋਈ ਵੀ ਇਸ ਸ਼ਖਸ ਨੂੰ ਚੁੱਕਣ ਦੀ ਜ਼ੁਅਰਤ ਨਹੀਂ ਕਰਦਾ। ਜਿਸ ਤੋਂ ਬਾਅਦ ਪੰਜਾਬ ਪੁਲਿਸ ਦਾ ਮੁਲਾਜ਼ਮ ਪੀ ਪੀ ਗੋਲਡੀ ਆਪਣੀ ਟੀਮ ਨਾਲ ਪਹੁੰਚ ਇਸ ਸ਼ਖਸ ਨੂੰ ਚੁਕਦੇ ਹਨ। ਪੀਪੀ ਗੋਲਡੀ ਉਸ ਨੂੰ ਪਾਣੀ ਪਿਲਾਉਂਦੇ ਹਨ ਤੇ ਉਸ ਦਾ ਹਾਲ ਚਾਲ ਪੁੱਛਦੇ ਹਨ ਕਿ ਘਟਨਾ ਕਿਵੇਂ ਵਾਪਰੀ।
ਇਸ ਤੇ ਸ਼ਖ਼ਸ ਨੇ ਦਸਿਆ ਕਿ ਉਸ ਨੂੰ ਦੌਰਾ ਪੈ ਗਿਆ ਹੈ। ਪੀਪੀ ਗੋਲਡੀ ਨੇ ਦਸਿਆ ਕਿ ਉਹ ਮੋਗੇ ਤੋਂ ਮਖੂ ਵੱਲ ਜਾ ਰਹੇ ਸੀ ਤੇ ਉਹਨਾਂ ਦੀ ਨਜ਼ਰ ਇਸ ਵਿਅਕਤੀ ਤੇ ਪਈ। ਉਸ ਤੋਂ ਬਾਅਦ ਉਹਨਾਂ ਨੇ ਇਸ ਦੀ ਸਾਰ ਲਈ। ਇਸ ਦੇ ਨਾਲ ਹੀ ਉਹਨਾਂ ਨੇ ਇਹ ਵੀ ਕਿਹਾ ਕਿ ਇਹ ਵਿਅਕਤੀ ਪਤਾ ਨਹੀਂ ਕਿੰਨੇ ਸਮੇਂ ਤੋਂ ਇੱਥੇ ਡਿੱਗਿਆ ਪਿਆ ਸੀ ਪਰ ਉਸ ਦੀ ਕਿਸੇ ਨੇ ਸਾਰ ਨਹੀਂ ਲਈ।
ਇਸ ਤੋਂ ਇਹੀ ਸਿੱਧ ਹੁੰਦਾ ਹੈ ਲੋਕਾਂ ਵਿਚ ਇਨਸਾਨੀਅਤ ਬਿਲਕੁੱਲ ਹੀ ਮਰ ਚੁੱਕੀ ਹੈ। ਇਸ ਦੇ ਨਾਲ ਹੀ ਉਹਨਾਂ ਨੇ ਲੋਕਾਂ ਨੂੰ ਵੀ ਇਹੀ ਅਪੀਲ ਕੀਤੀ ਹੈ ਕਿ ਉਹਨਾਂ ਨੂੰ ਵੀ ਜੇ ਕੋਈ ਸੜਕ ਤੇ ਡਿੱਗਿਆ ਹੋਇਆ ਮਿਲਦਾ ਹੈ ਤਾਂ ਉਸ ਦਾ ਹਾਲ-ਚਾਲ ਪੁੱਛੋ, ਉਸ ਨੂੰ ਪਾਣੀ ਪਿਲਾਓ ਤੇ ਉਸ ਬਾਰੇ ਜਾਣਕਾਰੀ ਲੈ ਕੇ ਉਸ ਨੂੰ ਉਸ ਦੇ ਘਰ ਛੱਡਣ ਦੀ ਕੋਸ਼ਿਸ਼ ਕਰੋ।
ਕਈ ਲੋਕ ਇਹ ਕਹਿ ਕੇ ਛੱਡ ਦਿੰਦੇ ਹਨ ਕਿ ਉਸ ਨੇ ਤਾਂ ਨਸ਼ਾ ਕੀਤਾ ਹੋਣਾ ਹੈ ਤਾਂ ਹੀ ਉਹ ਡਿੱਗਿਆ ਹੈ ਪਰ ਹਰ ਵਿਅਕਤੀ ਨਸ਼ੇ ਵਾਲਾ ਨਹੀਂ ਹੁੰਦਾ। ਕਈ ਲੋਕ ਬਿਮਾਰੀ ਦਾ ਸ਼ਿਕਾਰ ਵੀ ਹੁੰਦੇ ਹਨ ਤਾਂ ਵੀ ਉਹਨਾਂ ਨਾਲ ਅਜਿਹੇ ਹਾਦਸੇ ਵਾਪਰ ਜਾਂਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।