Anmol kwatra help pregnant woman

ਲੁਧਿਆਣਾ: ਇਕ ਸਮਾਜ ਸੇਵੀ ਸੰਸਥਾ ਨੂੰ ਚਲਾਉਣ ਵਾਲੇ ਅਨਮੋਲ ਕਵਾਤਰਾ ਵਲੋਂ ਇਕ ਵੀਡੀਓ ਸੋਸ਼ਲ ਮੀਡੀਆ ਤੇ ਸਾਂਝਾ ਕੀਤਾ ਗਿਆ ਹੈ, ਜਿਸ ਵਿਚ ਅਨਮੋਲ ਵਲੋਂ ਇਕ ਪਰਵਾਸੀ ਵਿਅਕਤੀ ਦੇ ਪਰਿਵਾਰ ਦੀ ਮਦਦ ਕੀਤੀ ਜਾ ਰਹੀ ਹੈ। ਦਰਅਸਲ ਇਕ ਔਰਤ ਜੋ ਕਿ ਮਾਂ ਬਣਨ ਵਾਲੀ ਸੀ, ਇਕ ਹਸਪਤਾਲ ਵਿਚੋਂ ਉਸ ਨੂੰ ਬਾਹਰ ਕੱਢ ਦਿੱਤਾ ਗਿਆ, ਕਿਉਂਕਿ ਉਸ ਪਰਿਵਾਰ ਕੋਲ ਔਰਤ ਦੇ ਇਲਾਜ ਲਈ ਪੈਸੇ ਨਹੀਂ ਸਨ।

ਇਸ ਤੋਂ ਬਾਅਦ ਉਹ ਪਰਵਾਸੀ ਪਰਿਵਾਰ ਸੜਕ ‘ਤੇ ਬੈਠ ਗਿਆ। ਇਸ ਮਗਰੋਂ ਅਨਮੋਲ ਕਵਾਤਰਾ ਵੱਲੋਂ ਉਸ ਪਰਿਵਾਰ ਅਤੇ ਔਰਤ ਦੀ ਮਦਦ ਕੀਤੀ ਗਈ। ਦੱਸਣਯੋਗ ਹੈ ਕਿ ਸਮਾਜ ਸੇਵੀ ਅਨਮੋਲ ਕਵਾਤਰਾ ਨੇ ਲੋਕਾਂ ਦੇ ਇਲਜ਼ਾਮਾਂ ਤੋਂ ਤੰਗ ਆ ਕੇ।

ਅਪਣੀ ਸੰਸਥਾ ਨੂੰ ਬੰਦ ਕਰਨ ਦਾ ਐਲਾਨ ਕੀਤਾ ਸੀ ਪਰ ਇਸ ਤਰ੍ਹਾਂ ਦੇ ਦੁਖੀਆਂ ਨੂੰ ਦੇਖ ਸ਼ਾਇਦ ਅਨਮੋਲ ਲਈ ਇਹ ਸੰਸਥਾ ਨੂੰ ਬੰਦ ਕਰਨਾ ਮੁਸ਼ਕਿਲ ਹੋਵੇਗਾ ਅਤੇ ਲੋਕਾਂ ਦੀ ਮਦਦ ਕਰਨ ਦਾ ਇਹ ਸਿਲਸਿਲਾ ਅਨਮੋਲ ਵਲੋਂ ਨਿਰੰਤਰ ਜਾਰੀ ਰਹੇਗਾ। ਜਦੋਂ ਪ੍ਰਸ਼ਾਸ਼ਨ ਦੁਖੀਆਂ ਦੀ ਬਾਂਹ ਨਹੀਂ ਫੜਦਾ ਤਾਂ ਅਜਿਹੀਆਂ ਸਮਾਜ ਸੇਵੀ ਸੰਸਥਾਵਾਂ ਹੀ ਲੋਕਾਂ ਦੇ ਕੰਮ ਆਉਂਦੀਆਂ ਹਨ ।

ਦੇਖੋ ਵੀਡੀਓ