Mohali Thar Accident: ਮੁਹਾਲੀ ਵਿਚ ਤੇਜ਼ ਰਫ਼ਤਾਰ ਥਾਰ ਨੇ ਕਈਆਂ ਨੂੰ ਕੁਚਲਿਆਂ, ਇੱਕ ਦੀ ਮੌਤ, ਇਕ ਗੰਭੀਰ ਜ਼ਖ਼ਮੀ

Mohali Thar Accident: ਬੁੱਧਵਾਰ ਦੇਰ ਰਾਤ ਮੁਹਾਲੀ ਦੇ ਨੇੜਲੇ ਕਾਂਸਲ ਪਿੰਡ ਵਿਚ ਇੱਕ ਤੇਜ਼ ਰਫ਼ਤਾਰ ਥਾਰ ਕਾਰ ਨੇ ਤਬਾਹੀ ਮਚਾ ਦਿੱਤੀ। ਡਰਾਈਵਰ ਨੇ ਪਹਿਲਾਂ ਇੱਕ ਗਾਂ, ਫਿਰ ਇੱਕ ਸਾਈਕਲ ਸਵਾਰ ਅਤੇ ਫਿਰ ਇੱਕ ਐਕਟਿਵਾ ਸਵਾਰ ਨੂੰ ਟੱਕਰ ਮਾਰ ਦਿੱਤੀ। ਹਾਦਸੇ ਵਿੱਚ ਸਾਈਕਲ ਸਵਾਰ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਐਕਟਿਵਾ ਸਵਾਰ ਗੰਭੀਰ ਜ਼ਖ਼ਮੀ ਹੋ ਗਿਆ।

ਇਹ ਹਾਦਸਾ ਕਾਂਸਲ-ਕੰਬਵਾਲਾ ਸੜਕ 'ਤੇ ਰਾਤ 12:30 ਵਜੇ ਦੇ ਕਰੀਬ ਵਾਪਰਿਆ। ਚਸ਼ਮਦੀਦਾਂ ਅਨੁਸਾਰ, ਥਾਰ ਗੱਡੀ ਚਲਾ ਰਿਹਾ ਨੌਜਵਾਨ ਸ਼ਰਾਬੀ ਸੀ।
ਪੁਲਿਸ ਜਾਂਚ ਦੌਰਾਨ, ਦੋਸ਼ੀ ਦੀ ਪਛਾਣ ਮੁਕੁਲ ਖੱਤਰੀ ਵਜੋਂ ਹੋਈ, ਜੋ ਕਿ ਪੰਜਾਬ-ਹਰਿਆਣਾ ਹਾਈ ਕੋਰਟ ਦਾ ਜੂਨੀਅਰ ਵਕੀਲ ਸੀ, ਜੋ ਸੁਖਨਾ ਐਨਕਲੇਵ ਦਾ ਰਹਿਣ ਵਾਲਾ ਸੀ।

ਜਾਣਕਾਰੀ ਅਨੁਸਾਰ, ਥਾਰ ਨੇ ਪਹਿਲਾਂ ਸ਼ਰਾਬ ਦੀ ਦੁਕਾਨ ਨੇੜੇ ਇੱਕ ਗਾਂ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਤੋਂ ਬਾਅਦ ਇਸ ਨੇ ਇੱਕ ਸਾਈਕਲ ਸਵਾਰ ਨੂੰ ਕੁਚਲ ਦਿੱਤਾ। ਥੋੜ੍ਹੀ ਦੂਰੀ 'ਤੇ, ਇਸ ਨੇ ਇੱਕ ਐਕਟਿਵਾ ਸਵਾਰ ਨੂੰ ਵੀ ਟੱਕਰ ਮਾਰ ਦਿੱਤੀ। ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਸਾਈਕਲ ਥਾਰ ਦੇ ਅਗਲੇ ਹਿੱਸੇ ਨਾਲ ਚਿਪਕ ਗਿਆ, ਅਤੇ ਸੜਕ 'ਤੇ ਘਸੀਟਦਾ ਹੋਇਆ ਸਾਈਕਲ ਡਿੱਗ ਪਿਆ।

ਥੋੜ੍ਹੀ ਦੇਰ ਬਾਅਦ ਥਾਰ ਰੁਕ ਗਈ, ਜਿਸ ਤੋਂ ਬਾਅਦ ਗੁੱਸੇ ਵਿੱਚ ਆਈ ਭੀੜ ਨੇ ਡਰਾਈਵਰ ਨੂੰ ਫੜ ਲਿਆ ਅਤੇ ਉਸ ਦੀ ਕੁੱਟਮਾਰ ਕੀਤੀ। ਘਟਨਾ ਦੀ ਸੂਚਨਾ ਤੁਰੰਤ ਪੁਲਿਸ ਨੂੰ ਦਿੱਤੀ ਗਈ। ਪੁਲਿਸ ਮੌਕੇ 'ਤੇ ਪਹੁੰਚੀ ਅਤੇ ਜ਼ਖ਼ਮੀ ਐਕਟਿਵਾ ਡਰਾਈਵਰ ਨੂੰ ਸੈਕਟਰ 16 ਦੇ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ।