ਨੌਜਵਾਨ ਨੇ ਅੰਮ੍ਰਿਤਸਰ ਪੁਲਿਸ ’ਤੇ ਕੁੱਟਮਾਰ ਦੇ ਲਾਏ ਇਲਜ਼ਾਮ

Youth accuses Amritsar police of assault

ਅੰਮ੍ਰਿਤਸਰ: ਅੰਮ੍ਰਿਤਸਰ ਪੁਲਿਸ ’ਤੇ ਇੱਕ ਵਾਰ ਫਿਰ ਕੁੱਟਮਾਰ ਕਰਨ ਦੇ ਇਲਜ਼ਾਮ ਲੱਗੇ ਹਨ। ਸਮਲਿੰਗੀ ਨੌਜਵਾਨ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਉਹ ਛੇੜਛਾੜ ਤੋਂ ਬਚਣ ਲਈ ਰਣਜੀਤ ਐਵਨਿਊ ਥਾਣੇ ਵਿੱਚ ਗਿਆ, ਤਾਂ ਉੱਥੇ ਉਸ ਦੀ ਸ਼ਿਕਾਇਤ ਲੈਣ ਦੀ ਬਜਾਏ ਪੁਲਿਸ ਨੇ ਉਸ ਦੇ ਨਾਲ ਨਜਾਇਜ਼ ਕੁੱਟਮਾਰ ਕੀਤੀ।

ਨੌਜਵਾਨ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਜਦੋਂ ਉਹ ਪੁਲਿਸ ਮੁਲਾਜ਼ਮਾਂ ਦੀ ਵੀਡੀਓ ਬਣਾਉਣ ਲੱਗਾ, ਤਾਂ ਮੁਲਾਜ਼ਮਾਂ ਨੇ ਉਸ ਦਾ ਮੋਬਾਇਲ ਵੀ ਖੋਹ ਲਿਆ। ਉੱਧਰ ਦੂਸਰੇ ਪਾਸੇ ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਕਤ ਨੌਜਵਾਨ ਨਸ਼ੇ ਦੀ ਹਾਲਤ ਵਿੱਚ ਥਾਣੇ ਆਇਆ ਸੀ ਅਤੇ ਪੁਲਿਸ ਮੁਲਾਜ਼ਮਾਂ ਦੇ ਨਾਲ ਗਾਲੀ ਗਲੋਚ ਕਰਨ ਲੱਗਾ। ਜਿਹੜੀਆਂ ਉਹ ਸੱਟਾਂ ਲੱਗਣ ਦੀ ਗੱਲ ਕਰਦਾ ਹੈ, ਉਹ ਉਸ ਨੂੰ ਬੈਰੀਗੇਟ ਦੇ ਵਿੱਚ ਵੱਜ ਕੇ ਲੱਗੀਆਂ ਹਨ। ਸਮਾਜ ਸੇਵਕ ਵਰੁਣ ਵੱਲੋਂ ਵੀ ਇਸ ਕੁੱਟਮਾਰ ਦੀ ਨਿੰਦਾ ਕੀਤੀ ਗਈ ਹੈ।