ਖੇਤੀ ਕਾਨੂੰਨਾਂ ਵਿਰੁਧ ਰੈਲੀ ਕੱਢ ਰਹੇ ਲੋਕਾਂ 'ਤੇ ਪੁਲਿਸ ਨੇ ਕੀਤਾ ਲਾਠੀਚਾਰਜ, ਕਈ ਜ਼ਖ਼ਮੀ

ਪਟਨਾ, 29 ਦਸੰਬਰ : ਕੇਂਦਰ ਦੇ ਨਵੇਂ ਖੇਤੀ ਕਾਨੂੰਨਾਂ ਵਿਰੁਧ ਰੈਲੀ ਕੱਢ ਰਹੇ ਰਾਜ ਭਵਨ ਵਲ ਜਾ ਰਹੇ ਪ੍ਰਦਰਸ਼ਨਕਾਰੀਆਂ 'ਤੇ ਮੰਗਲਵਾਰ ਨੂੰ ਪੁਲਿਸ ਨੇ ਲਾਠੀਚਾਰਜ ਕੀਤਾ ਜਿਸ 'ਚ ਕਈ ਲੋਕ ਜ਼ਖ਼ਮੀ ਹੋ ਗਏ | ਕਈ ਕਿਸਾਨ ਜਥੇਬੰਦੀਆਂ ਦੇ ਮੈਂਬਰਾਂ ਅਤੇ ਖੱਬੇ ਪੱਖੀ ਸਮਰਥਕਾਂ ਸਮੇਤ ਹਜ਼ਾਰਾਂ ਲੋਕਾਂ ਨੇ ਫ਼ਰੇਜ਼ਰ ਰੋਡ ਵਲ ਰੁਖ਼ ਕੀਤਾ ਜਿਸ ਨਾਲ ਆਵਾਜਾਈ ਠੱਪ ਪੈ ਗਈ | ਪੁਲਿਸ ਮੁਤਾਬਕ ਡਾਕ ਬੰਗਲਾ ਕ੍ਰਾਸਿੰਗ 'ਤੇ ਪ੍ਰਦਰਸ਼ਨਕਾਰੀਆਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਗਈ | ਪੁਲਿਸ ਸੂਤਰਾਂ ਨੇ ਦਸਿਆ ਕਿ ਇਸ ਤੋਂ ਪਹਿਲਾਂ, ਰੈਲੀ ਸ਼ੁਰੂ ਹੋਣ ਦੇ ਸਥਾਨ ਗਾਂਧੀ ਮੈਦਾਨ 'ਤੇ ਪ੍ਰਦਰਸ਼ਨਕਾਰੀ, ਪੁਲਿਸ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਦਰਮਿਆਨ ਝੜਪਾਂ ਸ਼ੁਰੂ ਹੋਈਆਂ ਸਨ ਕਿਉਾਕਿ ਪ੍ਰਦਰਸ਼ਨਕਾਰੀਆਂ ਨੇ ਮੈਦਾਨ 'ਚ ਸਿਰਫ਼ ਇਕ ਦੁਆਰ ਦੇ ਰਸਤੇ ਹੀ ਪ੍ਰਵੇਸ਼ ਦੇਣ 'ਤੇ ਇਤਰਾਜ਼ ਜਤਾਇਆ ਸੀ |

ਖੇਤੀ ਕਾਨੂੰਨਾਂ ਵਿਰੁਧ ਰੈਲੀ ਕੱਢ ਰਹੇ ਲੋਕਾਂ 'ਤੇ ਲਾਠੀਚਾਰਜ ਕਰਦੇ ਹੋਏ ਪੁਲਿਸ ਮੁਲਾਜ਼ਮ |       (ਪੀ.ਟੀ.ਆਈ)