ਤਿਉਹਾਰਾਂ ਦੇ ਦਿਨਾਂ ਵਿਚ ਪਿਆਜ ਦੀਆਂ ਕੀਮਤਾਂ ਘਟਣ ਨਾਲ ਜਨਤਾ ਨੂੰ ਮਿਲੇਗੀ ਵੱਡੀ ਰਾਹਤ

ਅੰਮ੍ਰਿਤਸਰ:   ਹੁਣ ਪਿਆਜ ਨਹੀਂ ਕੱਢੇਗਾ ਜਨਤਾ ਦੀਆਂ ਅੱਖਾਂ ਵਿਚੋਂ ਨੀਰ , ਕਿਉਂਕਿ ਕੇਂਦਰ ਸਰਕਾਰ ਨੇ ਇਸਦਾ ਕਰ ਲਿਆ ਹੈ ਪ੍ਰਬੰਧ । ਕੇਂਦਰ ਸਰਕਾਰ ਨੇ ਪਿਆਜ ਦੀਆਂ ਵੱਧਦੀਆਂ ਕੀਮਤਾਂ ਕਾਬੂ ਵਿਚ ਰੱਖਣ ਲਈ ਸ਼ਨਿੱਚਰਵਾਰ ਨੂੰ ਅਫ਼ਗਾਨਿਸਤਾਨ ਤੋਂ ਪਾਕਿਸਤਾਨ ਦੇ ਰਸਤੇ ਪਿਆਜ ਦੇ 54 ਟਰੱਕ ਭਾਰਤ ਪੁੱਜੇ। ਜਿਸ ਨਾਲ ਜਨਤਾ ਨੂੰ ਕੁਝ ਰਾਹਤ ਮਿਲਦੀ ਨਜਰ ਆ ਰਹੀ ਹੈ । ਤਿਉਹਾਰਾਂ ਦੇ ਦਿਨਾਂ ਵਿਚ ਪਿਆਜ ਦੀਆਂ ਕੀਮਤਾਂ ਦਾ ਘਟਣਾ ਜਨਤਾ ਲਈ ਵੱਡੀ ਰਾਹਤ ਹੈ । ਇੰਟੀਗ੍ਰੇਟਿਡ ਚੈੱਕ ਪੋਸਟ (ਆਈਸੀਪੀ) ਅਟਾਰੀ ਵਿਚ 20 ਟਰੱਕਾਂ ਦੀ ਅਨਲੋਡਿੰਗ ਨਾ ਹੋਣ ਕਾਰਨ ਲੈਂਡ ਪੋਰਟ ਅਥਾਰਟੀ ਆਫ ਇੰਡੀਆ ਨੇ ਉਨ੍ਹਾਂ ਨੂੰ ਵਾਪਸ ਵਾਹਘਾ ਭੇਜ ਦਿੱਤਾ।
 

ਜ਼ਿਕਰਯੋਗ ਹੈ ਕਿ ਕਿਸਾਨ ਅੰਦੋਲਨ ਵਿਚ ਆਵਾਜਾਈ ਦੇ ਇੰਤਜ਼ਾਮ ਠੱਪ ਹੋਣ ਕਾਰਨ ਦਿੱਲੀ ਦੇ ਇਕ ਅਤੇ ਅੰਮ੍ਰਿਤਸਰ ਦੇ ਦੋ ਵਪਾਰੀਆਂ ਨੇ ਅਨਲੋਡਿੰਗ ਕਰਵਾਉਣ ਵਿਚ ਅਸਮਰੱਥਾ ਜ਼ਾਹਰ ਕੀਤੀ ਸੀ। ਵਪਾਰੀਆਂ ਨੇ ਇਨ੍ਹਾਂ 20 ਟਰੱਕਾਂ ਨੂੰ 2 ਨਵੰਬਰ ਮਗਰੋਂ ਮੰਗਾਉਣ ਲਈ ਲਿਖਿਆ ਹੈ। ਪਿਆਜਾਂ ਤੋਂ ਇਲਾਵਾ ਡ੍ਰਾਈਫਰੂਟ ਦੇ 20, ਮੁਲੱਠੀ ਦੇ ਚਾਰ ਤੇ ਜੜੀਆਂ ਬੂਟੀਆਂ ਦਾ ਇਕ ਟਰੱਕ ਭਾਰਤ ਅੱਪੜਿਆ ਹੈ ।